පාට දේදුනු සේදිලා
ඈත කඳු යායේ
සීත රෑ සඳ පීදිලා
නීල තරු යායේ
නීල තරු යායේ
ඈ ලවන් තෙරේ
සෝ ගී සුසුම් නැඟේ
මීදුම් වලා ලෙසින් පාවී
ඈතින් හැපී බිඳේ
පාට දේදුනු සේදිලා
ඈත කඳු යායේ
සීත රෑ සඳ පීදිලා
නීල තරු යායේ
නීල තරු යායේ
මා නුවන් දියේ
පීනා නැගෙන් සඳේ
පායා දුරින් ඇදී ඈ මෙන්
පාවී නොයන් සඳේ
පාට දේදුනු සේදිලා
ඈත කඳු යායේ
සීත රෑ සඳ පීදිලා
නීල තරු යායේ
නීල තරු යායේ
ගායනය - සුනිල් එදිරිසිංහ
පද - කුමාරදාස සපුතන්ත්‍රී
තනුව - ආචාර්ය රෝහණ වීරසිංහ
ගීය ඇතුළත් වූ ඇල්බම
සුනිල් එදිරිසිංහයන්ගේ පළමු EP තැටියෙන් 1977 දී දොරට වැඩියා.
1981 "චන්ද්‍ර මඬල" සින්ග්ලංකා කැසට් පටයටත් 1999 දී නිකුත්වූ සින්ග්ලංකා "නව රිද්ම ගී සොළොස" කැසට් පටය හා සංගත තැටියටත් 2001 දී නිකුත්වූ "නෑසෙන ගී රස 2" කැසට් පටය හා සංගත තැටියටත් ඇතුළත් වුණා.
No comments:
Post a Comment