නිල් කටරොළු මල් ගොමුවේ

නිල් කටරොලු මල් ගොමුවේ පැණි උරනා සමනළයෙක්

මිදුලේ දුවපැන නටනා පුතුගේ අතේ ගල් අහුරක්

කුරුමාණම වැරදුනාට කමක් නෑ පුතේ

සතුනට හිංසා වද දී නොවෙන් පුතේ දඟ ළමයෙක්

පුංචි කමට නොදැන කරන වැරදි වලට සමා නො‍වී

කෝටු පාර ඉඳ හිටලා නුඹට තලද්දී

නෙත කඳුළින් නුඹ හඬද්දි

හිත කඳුළින් මං හැඬුවෙමි

නිල් කටරොලු මල් ගොමුවේ පැණි උරනා සමනළයෙක්

මිදුලේ දුවපැන නටනා පුතුගේ අතේ ගල් අහුරක්

කුරුමාණම වැරදුනාට කමක් නෑ පුතේ

සතුනට හිංසා වද දී නොවෙන් පුතේ දඟ ළමයෙක්

කිරි කළ හත පෙවී නුඹට පා පොඩි එසවුණු දා සිට

සුරතල් සිහිනයකි මගේ ළය මුළුගැන්වී රැඳුණේ

නුඹ හොඳ මිනිහෙක් වන දා

මල් පිපියන් මගේ සිහිනේ

ගායනය - සුනිල් එදිරිසිංහ

පද - සුනිල් ආර්. ගමගේ

තනුව - එච්.එම්. ජයවර්ධන

ශ්‍රී ලංකා ගුවන් විදුලි සංස්ථාවේ සරල ගී වැඩසටහනක් තුළින් දොරට වැඩි ගීයකි. එය 1986 දී “මගේ සෙනෙහස” කැසට් පටයටත් 2003 දී “The best of Sunil 2” සංයුක්ත තැටියට හා කැසට් පටයටත් ඇතුළත් වුණා.