නීල නුවන් යුග කවියක් විය ඔබගේ
පන්හිඳ තුඩගේ පැටලී
ඇයගේ හදින් ගැලු සෙනෙහස
සිතුවමක් විය තෙලි තුඩගේ දැවටී
පිනි දිය මිදෙනා මිටියාවත මැද ගෙපැලේ
පිල මත හිඳ හිමිදිරියේ ...//
ඇයගේ දෑසින් කියවූ කවියද මුමුණන්නේ
තනි වී
නීල නුවන් යුග කවියක් විය ඔබගේ
පන්හිඳ තුඩගේ පැටලී
ඇයගේ හදින් ගැලු සෙනෙහස
සිතුවමක් විය තෙලි තුඩගේ දැවටී
රළ රැලි හඬනා පුලින තලාවේ නැවතී
දේදුනු සායම කලතා ...//
ඇගේ හදේ දුටු සිතුවම දෝ ඔබ සමරන්නේ
තනි වී
නීල නුවන් යුග කවියක් විය ඔබගේ
පන්හිඳ තුඩගේ පැටලී
ඇයගේ හදින් ගැලු සෙනෙහස
සිතුවමක් විය තෙලි තුඩගේ දැවටී
ගායනය - චන්ද්රලේඛා පෙරේරා
පද රචනය - මහාචාර්ය සුනිල් ආරියරත්න
තනුව - ආචාර්ය රෝහණ වීරසිංහ
පදපෙළේ //තුඩගේ// පදය තුඬගේ ලෙස නිවැරැදි විය යුතුය, එය තුඩ+අගේ = තුඬගේ ය
ReplyDeleteතුඩ + අග = තුඩග මිස තුඬග නොවේ. මුව + අග = මුවඟ ද?
Deleteමහ ඇදුරු (මහැදුරු) සුනිල් ආරියරත්නයන් ට ඕක කියන්න.