සත් රුවන් ආර
මුතු බැඳි මූදු පවුරකින් සුලකළ
පුන්‍ය භූමි වූ මනරම් තම්බපණ්ණියේ
තම්බපණ්ණියේ
පලාපෙති බැඳන් ගෙල වට
රණ හංස පියාපත් සලමින
පායාලා පහන සඳකඩ
රන්වනින් දිලේ
නීල හරිත වන සම්පත්
නදී ගිරි මුදුන් පෑපත්
දියඇලි වල්විදුනා ගත් රම්‍ය භූමියේ
රම්‍ය භූමියේ
යෝධ වැව් අමුණු දාගැබ්
වෙහෙර පෙති පිළිම සුවහස්
මැවූ ඉසිවරුන්ගේ අත් පූජනීය වේ
නිධන්ගත ශ්‍රමය තැන්පත්
උතුම්වූ එවන් සම්පත්
නොදී නොරටුන්ට පණ සේ රකිව් දරුවනේ
රකිව් දරුවනේ
එවන් අසිරි සිරි දුටු නෙත්
පෙමින් රටට බැඳලනු වස්
අලංකාර වාහල්කඩ දොරටු විවරවේ
සත් රුවන් ආර
සත් රුවන් ආර
මුතු බැඳි මූදු පවුරකින් සුලකළ
පුන්‍ය භූමි වූ මනරම් තම්බපණ්ණියේ
තම්බපණ්ණියේ
පලාපෙති බැඳන් ගෙලවට
රණ හංස පියාපත් සලමින
පායාලා පහන සඳකඩ
රන්වනින් දිලේ
රන්වනින් දිලේ
ගායනය - ජානක වික්‍රමසිංහ
පද රචනය - රත්න ශ්‍රී විජේසිංහ
තනුව හා සංගීතය - නවරත්න ගමගේ
No comments:
Post a Comment