බුදු බණක් කියන්නට පුතු ගෙදර ඇවිල්ලා
බුදු සුවඳ බුදු එළිය පැල තුරා ඉහිරිලා
බුදු පුතේ නුඹ දිනෙක බුදු වෙයන් කියාලා
නියත විවරණ දෙන්න යමු මැණිකෙ නැගිටලා
හැබැයි ඉස්සර වගේ මගෙ පුතේ කියාලා
තුරුල් කර ගන්න නම් එපා ඉක්මන් වෙලා
බත් කටක් කවන්නට හිත ගියත් ළංවෙලා
එපා සිල් ඇවැත්නේ මව් සෙනෙහෙ සිහිවෙලා
බණ කතා කියන කොට හුරතලෙන් මුව විදා
කඳුළු පිස දුක නිවෙන බණ අසමු නෙතු පියා
හැඟුම් නැති සිතින් පුතු දකින්නට විරි පතා
අපිත් විවරණ ලබමු වැටී වැඳ පුතු දෙපා
බුදු බණක් කියන්නට පුතු ගෙදර ඇවිල්ලා
බුදු සුවඳ බුදු එළිය පැල තුරා ඉහිරිලා
බුදු පුතේ නුඹ දිනෙක බුදු වෙයන් කියාලා
නියත විවරණ දෙන්න යමු මැණිකෙ නැගිටලා
ගායනය - එඩ්වඩ් ජයකොඩි
පද - ආනන්ද හේවාරංහිඳගේ
තනුව - රෝහණ වීරසිංහ
No comments:
Post a Comment