දොර කවුළු විවර කරන අරුණ උදයේ
සීතල සුළඟ ඔබේ සුවඳ රැගෙන හමාවා
නිදි යහන දෙනෙත නිසල කරන මොහොතේ
රෑ ඝණ අඳුර ඔබේ සිහින මසිත සදාවා
දොර කවුළු විවර කරන අරුණ උදයේ
හද පෑරී රිදුම් දිදී
තෙමා වැටෙන විට සළු පිළි
විෂ හී සර පහර වැදී
දවා නැඟෙන විට සෝ ගිනි
සීත ගඟුලක් වී මා දොවමින් ගලාවා
දොර කවුළු විවර කරන අරුණ උදයේ
සීතල සුළඟ ඔබේ සුවඳ රැගෙන හමාවා
නිදි යහන දෙනෙත නිසල කරන මොහොතේ
රෑ ඝණ අඳුර ඔබේ සිහින මසිත සදාවා
දොර කවුළු විවර කරන අරුණ උදයේ
බියකරු දිවි සටන් බිමේ
පිළිරැව් දෙන විට රණ ගොස
තනිවී දිවි සොහොන් බිමේ
මළපොත ගෙන පෙරළන විට
මාල ගිරවෙක් වී මා නිවමින් ගයාවා
දොර කවුළු විවර කරන අරුණ උදයේ
සීතල සුළඟ ඔබේ සුවඳ රැගෙන හමාවා
නිදි යහන දෙනෙත නිසල කරන මොහොතේ
රෑ ඝණ අඳුර ඔබේ සිහින මසිත සදාවා
දොර කවුළු විවර කරන අරුණ උදයේ
ගායනය - විශාරද නන්දා මාලිනී
පද රචනය - මහාචාර්ය සුනිල් ආරියරත්න
තනුව - සරත් දසනායක
No comments:
Post a Comment