බොරුවට අඬ අඬ අම්මිට වද දෙන
පුංචි මගේ සුදු දූ කුමරී
හැම තැන දුව පැන ගේ හැඩි කරවන
මගෙ සුරතල් සුදු දඟකාරී
වැඩපල කර දෙන නෑ බෑ නොකියන
අම්මිගෙ තාත්තිගෙ දූ කුමරී
මල්ලී ඇඬුවම විගහට නළවන
අම්මිගෙ තාත්තිගෙ දූ කුමරී
කම්මැලියා හිරු නැඟෙනා තුරු දොයි දොයියා
උදේ පාන්දර හරි හීතලයි නෙ තාත්තෙ
පුංචි දුවේ මුළු හවසම සෙල්ලම් පිටියේ
කළුවර වෙන්න ඉස්සර ගෙදර එනවනේ
බොරුවට අඬ අඬ අම්මිට වද දෙන
පුංචි මගේ සුදු දූ කුමරී
හැම තැන දුව පැන ගේ හැඩි කරවන
මගෙ සුරතල් සුදු දඟකාරී
අලුත ගෙනා ගල්ලෑලි ම දහයක් කැඩුවා
බිම වැටුණු ගමන් කැඩෙනවනෙ තාත්ති
හරිම වසයි පොඩි මල්ලිට කෝටුවෙන් ගසයි
වැරදි කරන නිසානෙ ගහන්නෙ තාත්ති
බොරුවට අඬ අඬ අම්මිට වද දෙන
පුංචි මගේ සුදු දූ කුමරී
හැම තැන දුව පැන ගේ හැඩි කරවන
මගෙ සුරතල් සුදු දඟකාරී
වැඩපල කර දෙන නෑ බෑ නොකියන
අම්මිගෙ තාත්තිගෙ දූ කුමරී
මල්ලී ඇඬුවම විගහට නළවන
අම්මිගෙ තාත්තිගෙ දූ කුමරී
අම්මිගෙ තාත්තිගෙ දූ කුමරී ////.
ගායනය - ශිරෝමී ප්‍රනාන්දු සමග මැක්ස්වෙල් ධර්මරත්න
පද - මෙල්රෝයි ධර්මරත්න
තනුව - මෙල්රෝයි ධර්මරත්න (ධර්මරත්න බ්‍රදර්ස්)
No comments:
Post a Comment