සී එන් කුළුනේ මුදුනින් ලාවට සඳ පායලා
දෙවැට දිගේ එරබදු මල් හිත පතුලේ තෙරපිලා
රබන් සුරල් හඬ වෙනුවට රෙගේ සින්දු කොඳුරලා
අවුරුදු ඇත මේ දුරු රට අපේ හිතින් පාවෙලා
කැවුම් කොකිස් රස වෙනුවට කේක් රහට හුරුවෙලා
දිව නැමුනද හිත හැදුණද තාමත් නැහැ තේරිලා
සිරිත් විරිත් හිත ඇතුලේ තවත් සිහින බොඳවෙලා
දුවට පුතුට පෙන්වමි මම අන්තර්ජාලේ කලා
සී එන් කුළුනේ මුදුනින් ලාවට සඳ පායලා
දෙවැට දිගේ එරබදු මල් හිත පතුලේ තෙරපිලා
රබන් සුරල් හඬ වෙනුවට රෙගේ සින්දු කොඳුරලා
අවුරුදු ඇත මේ දුරු රට අපේ හිතින් පාවෙලා
අවුරුද්දේ සිත දස අත මතක අතර කිමිදිලා
තරුමල් අහසේ නැගලා නේක රටා බිහි කළා
අම්මා තාත්තා වෙනුවෙන් යළිත් මතක පිබිදිලා
හෙට උදේම කෝල් එකක් ගන්න හිතට බල කළා
සී එන් කුළුනේ මුදුනින් ලාවට සඳ පායලා
දෙවැට දිගේ එරබදු මල් හිත පතුලේ තෙරපිලා
රබන් සුරල් හඬ වෙනුවට රෙගේ සින්දු කොඳුරලා
අවුරුදු ඇත මේ දුරු රට අපේ හිතින් පාවෙලා ...//
ගායනය - ශ්‍රී ලාල් අමරජීව ෆොන්සේකා
පද - අනුරුද්ධ වැලිගමගේ
තනුව හා සංගීතය - රෝහණ ධර්මකීර්ති
No comments:
Post a Comment