සුදට සුදේ වලාකුළයි නිල් අහසේ පාවෙන්නේ
කන්ද උඩින් පණිවිඩයයි පුතුට මගේ ගෙන එන්නේ
දොයි දොයි දොයි දොයිය පුතා
බයි බයි බයි බයිය පුතා
සුරංගනාවනුයි වලාකුළ ඔසවා ගෙන එන්නේ
හඳ මාමයි සිනාසිසී රිදී පාන අල්ලන්නේ
දොයි දොයි දොයි දොයිය පුතා
බයි බයි බයි බයිය පුතා
හඳ පානේ මඳ සුළඟයි ඒ පණවිඩ කියවන්නේ
අහසේ රන් තරු අතරින් දෙවියන් එය ලියවන්නේ
දොයි දොයි දොයි දොයිය පුතා
බයි බයි බයි බයිය පුතා
නව මූණෙකි පුතුගෙ වගේ කන්දේ ඒ බැබලෙන්නේ
ඒ මූණයි මේ මූණයි තව ටිකකින් සිප ගන්නේ
දොයි දොයි දොයි දොයිය පුතා
බයි බයි බයි බයිය පුතා
ගායනය - ලතා වල්පොල
පද - අරිසෙන් අහුබුදු
තනුව - සුනිල් සාන්ත
සංගීතය - ආර්. මුත්තුසාමි
1960 දී තිරගතවූ "සංදේශය" චිත්‍රපටියේ ගීයකි.
මුල් ගීය
පසු කලෙක කළ ගායනයක්
No comments:
Post a Comment