නිසයුරු මුතුලැල්

නිසයුරු මුතුලැල් සැළෙන වෙලාවේ
නුරා බදුන් සතුටින් පුරවා
හිනා මැදින් එය ලවන් සිඹිද්දී
මල් කුමරුන් මල් සොයා ඇදේ

සීතල චන්දන තුරු සෙවණැල්ලේ
පිපුණු මලක මුවරද ඉහිරී
සුළඟේ පාවී හසුන් පුරා ගෙන
සිහින විමන් දොර කවුළු හරී

මන්දාකිණියේ දිදුල පබළු වැල්
නිශා තලා මත විසිරෙන්නේ
රැන්දු සිනා මුව තඹරු පියල්ලේ
නවමු හැඟුම් හද පුබුදන්නේ
නවමු හැඟුම් හද පුබුදන්නේ

සී. ටී. ප්‍රනාන්දු
පද, තනුව හා සංගීතය – රංජිත් ලාල්
1970 දී තිරගතවූ "නිම්වළල්ල" සිනමා කෘතියෙන්