අනුරාපුර පොළොන්නරුව

අනුරාපුර පොළොන්නරුව සීගිරි මන බන්දනීය

කුළුණු පිළිම බිතු සිතුවම් නන් සිතුවිලි රන්ජනීය

නන් සිතුවිලි රන්ජනීය

නන් සිතුවිලි රන්ජනීය

පස් පියුමින් පිරුණු පොකුණු රේණු හැළී රන් පාටය

ඉන් නැහැවී නිල් ගැන්වෙන ගොයම් තලා පින් පාටය

ගොයම් තලා පින් පාටය

ගොයම් තලා පින් පාටය

වසන්තයේ හිරිමල් වන බිඟු ගී මිහිරෙන් පිරෙන්නෙ

මහියංගන කැලේ සැදෙන මීවද වල පැණි පෙරෙන්නෙ

මීවද වල පැණි පෙරෙන්නෙ

මීවද වල පැණි පෙරෙන්නෙ

මින්නේරිය අබය වාපි තෝපා ගිරිතලේ සිරිය

විසිතුරු ඇති ගී ගයන්න සරසවි දේවිටත් බැරිය

සරසවි දේවිටත් බැරිය

සරසවි දේවිටත් බැරිය

පෝය හඳේ පිල් විහිදා මොණර නිලෙන් නටන තාල

මල් දේදුනු රටක් කරයි රෑසි හඬන රුහුණු යාල

රෑසි හඬන රුහුණු යාල

රෑසි හඬන රුහුණු යාල

සිහින් සේල ඉඟ ලා ගත් පළුඟු කුමාරියක රුවට

දියළුම දිය ඇලි දේවිය සිහින ලොවක් කෙරෙයි අවට

සිහින ලොවක් කෙරෙයි අවට

සිහින ලොවක් කෙරෙයි අවට

නංගා නිල්වලා මාල හංගා නිල් කැට දිය යට

ගංගා ලිය ගලා බසියි ගිරි පෙළ කරවා පියගැට

ගිරි පෙළ කරවා පියගැට

ගිරි පෙළ කරවා පියගැට

පනාමුරේ කුංචනාද රැව් පිළිරැව් දෙයි දෙවේලෙ

තාලෙට ගොවි බිමට බසියි කිරි ඉතිරෙන කුණ්ඩසාලෙ

කිරි ඉතිරෙන කුණ්ඩසාලෙ

කිරි ඉතිරෙන කුණ්ඩසාලෙ

වෙසක් මහේ කැකුළු බුරුතු හිනැහී ඇස් නටවන විට

ගසක් නෑර හැම ලැහැබම පෙරැළෙයි මනමාලියකට

පෙරැළෙයි මනමාලියකට

පෙරැළෙයි මනමාලියකට

මාල ගිරා රංචු සැදී ජයමංගල ගී ගයන්නෙ

කජු නාඹර නරඹන විට ඒ ගැයීම නත‍රවන්නෙ

ඒ ගැයීම නත‍රවන්නෙ

ඒ ගැයීම නත‍රවන්නෙ

සීගිරි ගිර සරසන කැඩපත් පවුරට එබී බලන

දෙනෙතට හමුවෙන්නෙ ලොවෙකි සිඟිති කලා පිළිබිඹු වන

සිඟිති කලා පිළිබිඹු වන

සිඟිති කලා පිළිබිඹු වන

පේන මාන නිල් හැඩ වන් ඌව තලා සුන්දරීය

මිණි මුතු මතැ වැඩෙන අපේ ලක් මව හරි පින්බරීය

ලක් මව හරි පින්බරීය

ලක් මව හරි පින්බරීය

ගායනය - අයිවෝ ඩෙනිස් සහ පිරිස

පද - මර්සිලින් ජයකොඩි පියතුමා

ප්‍රකට විරිඳු නාද රටා ඇසුරින් සංගීත අදියුරු - සුනිල් සාන්ත

1956 දෙසැම්බර් 28 දින මුල් වරට තිරගතවූ රේඛාව චිත්‍රපටියේ ඇතුළත් වූ විරිඳු ගැයුමකි.