හිනැහෙන්න හිනැහෙන්න

හිනැහෙන්න හිනැහෙන්න මනමාලියේ

පෙර හැඳුනුම් අද නැති සේ 

කිම ඉන්නේ මන්දා

හිනැහෙන්න හිනැහෙන්න මනමාලයෝ

හද විලියෙන් බර මුවකින් 

කිම ඉන්නේ මන්දා

පෙම් යුද්දෙන් ජය ලද්දෙන් සුභ මොහොතින් නැකතින්

සන්තාපෙන් සබකෝලෙන් ඇයි දෙන්නා මෙලෙසින්

පෙම් යුද්දෙන් ජය ලද්දෙන් සුභ මොහොතින් නැකතින්

සන්තාපෙන් සබකෝලෙන් ඇයි දෙන්නා මෙලෙසින්

නෑදෑ යහළූ සාදේ පිරිලා

පෙර හැඳුනුම් අද නැති සේ කිම ඉන්නේ මන්දා

හිනැහෙන්න හිනැහෙන්න මනමාලයෝ

අද විලියෙන් බර මුවකින් කිම ඉන්නේ මන්දා්‍ර

හාහාහ හොහෝහෝ හ හාහාහ හා

හ්ම්..හ්...ම් හ්ම්..හ්...ම් හහා හා හා

මව් තුරුළෙන් අද වෙන්වී සුබසරණේ බැඳිලා

ඇය ඔහුගෙයි ඔහු ඇයගෙයි දුක සැපතේ මතු දා

මව් තුරුළෙන් අද වෙන්වී සුබසරණේ බැඳිලා

ඇය ඔහුගෙයි ඔහු ඇයගෙයි දුක සැපතේ මතු දා

ඕනෑ වේදෝ අප නෑ එනිසා

පෙර හැඟුමෙන් අමතක මෙන් අද ඉන්නේ දෙදෙනා

හිනැහෙන්න හිනැහෙන්න මනමාලියේ

පෙර හැඳුනුම් අද නැති සේ කිම ඉන්නේ මන්දා

හිනැහෙන්න හිනැහෙන්න මනමාලයෝ

හද විලියෙන් බර මුවකින් කිම ඉන්නේ මන්දා

ගායනය - එච්.ආර්. ජෝතිපාල සහ සුජාතා අත්තනායක

1957 වසරේදී තිරගතවූ "සූරයා" චිත්‍රපටයට ධර්මදාස වල්පොල ගායනා කළ "සැනසිල්ල නැලවිල්ල" නම් ගීයත්,  මේ තනුවටම ගැයුණු ගීයකි. 

1956 දී තිරගතවූ "CID" හින්දි චිත්‍රපටයට මොහොමඩ් රාෆි ගැයූ "Yeh Hai Bombay Meri Jaan" ගීයෙහි අනුකරණයක් බව පැහැදිලිය.

එනමුත් මෙම තනුව පිළිබඳ දිගු කතාවක් කීමට ඇත. එය මෙම අඩවියේ වෙනත් තැනෙක ඇත. 

මේ තනුවේ උප්පත්තිය ක්‍රි.ව. 1884 වඩා පැරණිය. තනුවේ වඩාත් ජනප්‍රිය ගීය  “Oh My Darling, Clementine” ගීය බව පමණක් මෙහි ලා සඳහන් කරමි. කරුණාකර ගීයේ උප්පත්ති කතාවට මෙතනින් පිවිසෙන්න. 

 

“Oh My Darling, Clementine” ගීය