චිතකයේ ගිණි නිවෙනවා අම්මේ
සත්තමයි නුඹ නම් නිවන් යන්නේ
අළු යටින් ගිණි පුපුරු මතු වන්නේ
මහගෙදර ගිණි සෙමෙන් දළු ලන්නේ
සුදු කොඩිත් වැට ඉනිවලට ගන්නේ
සිවු කොණේ මායිම් වෙනස් වන්නේ
හතෙන් බෙදලා හත් දොහේ දානේ
කොටස දොර ළඟ තබා උන් යන්නේ
චිතකයේ ගිණි නිවෙනවා අම්මේ
සත්තමයි නුඹ නම් නිවන් යන්නේ
අළු යටින් ගිණි පුපුරු මතු වන්නේ
මහගෙදර ගිණි සෙමෙන් දළු ලන්නේ
තනිවමයි මම නුඹත් නැති ගෙදර
එනිසාද මට දැනුණෙ නුඹෙ සුවඳ
මමත් තනිකඩ වී නොසිටියා නම්
පැන් වඩන්නේ කවුද හෙට ගෙදර
චිතකයේ ගිණි නිවෙනවා අම්මේ
සත්තමයි නුඹ නම් නිවන් යන්නේ
අළු යටින් ගිණි පුපුරු මතු වන්නේ
මහගෙදර ගිණි සෙමෙන් දළු ලන්නේ
ගායනය - ජානක වික්‍රමසිංහ
පද රචනය - ශාන්ත ජයලත් තිසේරා
තනුව හා සංගීතය - ශාන්ත ජයලත් තිසේරා
No comments:
Post a Comment