සුනිල ගුවනෙ පායා දිළෙන්නා පුන්සිසි මනහාරා
විහිදාලා සිය රැස් දහරා
අවට තාරකා මුතු මෙන් දිළිසේ
වලාකුළින් තොර වූ අහසේ
විලේ විලේ පියුම් දිළේ//
වැදී ජලය ලෙළ දේ
මනහර ඒ සඳ කැන් දහරා
සුනිල ගුවනෙ පායා දිළෙන්නා පුන්සිසි මනහාරා
විහිදාලා සිය රැස් දහරා
සුනිල දියේ රැළ නැඟ ඒ
මද මරු හමන වෙලේ
රිදී බුබුළු මෙන් තරඟෙට පාවේ //
මතුපිට සුනිල් ජලේ
මද මරු හා කරමින ක්‍රීඩා
සුනිල ගුවනෙ පායා දිළෙන්නා පුන්සිසි මනහාරා
විහිදාලා සිය රැස් දහරා
නෙළමු පියුම් මේ රෑ පොහොදා
කරනට මුනි පූජා ...//
සැදේ සැදේ ඉන් සඟ මොක් සැපතා //
ප්‍රේම සැපත හා ශ්‍රී සෞභාග්‍යා
පතා කරමු පූජා
සුපිපුණ මේ කුසුමන් නෙළලා
සුනිල ගුවනෙ පායා දිළෙන්නා පුන්සිසි මනහාරා
විහිදාලා සිය රැස් දහරා
ගායකය - ආනන්ද සමරකෝන් සහ ස්වර්ණා ද සිල්වා
පද හා තනුව - ආනන්ද
සමරකෝන්
No comments:
Post a Comment