කුරිරු ගොර සපුන්ගේ දළ'ගෙහි විසය
මදුරු මැසි කැලන්ගේ තුඩ'ගෙහි විසය
රුදුරු නුහුසුවන්ගේ වල'ගෙහි විසය
නපුරු දුදනන්ගේ සියොළඟෙහිම විසය
ලොව මායමකී සිහිනයකී (ඊ.. ඉඉඊ.. ඉඉඊ....
දුදනාහට මේ ජය බිමකී (ඊ.. ඉඉඊ.. ඉඉඊ...
මේ දෑස මට දැන් දුකකී (ඉඉ ඊ....
දෑස පෙනීලා පාර තිබීලා
මා ගියෙ නොමඟෙයි අයියෝ ...//
සියලු සැපත දෙමිනා
නයෙකි සැදුවෙ නොදැනා
ලොව මායමකී සිහිනයකී (ඊ.. ඉඉඊ.. ඉඉඊ....
දුදනාහට මේ ජය බිමකී (ඊ.. ඉඉඊ.. ඉඉඊ...
මේ දෑස මට දැන් දුකකී (ඉඉ ඊ....
පඬි බස නාසා ස්ත්‍රිය හින්දා
මඟට මා වැටුණා
කෲර ලෝකේ ඈ විස ගොඩකී
වතුර සැළියෙ නටනා
කකුළුවා සෙ තුටිනා
ලොව මායමකී සිහිනයකී (ඊ.. ඉඉඊ.. ඉඉඊ....
දුදනාහට මේ ජය බිමකී (ඊ.. ඉඉඊ.. ඉඉඊ...
මේ දෑස මට දැන් දුකකී (ඉඉ ඊ....
ගායනය - මොහිදින් බෙග්
පද - ඒ.ජේ. ද සොයිසා
සංගීතය - සී.එන්. පාණ්ඩුරංගන්
1959 දී තිරගතවූ "සිහිනය" චිත්‍රපටියේ ගීයකි.
හින්දි හෝ දමිළ ගී තනුවකි.
