දොවන තරම් බුරුලු පුරා

දොවන තරම් බුරුලු පුරා කිරි ගෙන දෙඤ්ඤං

කියන දුරක් බර පටවං කුර ගාටන්නම්

පරඬැල් කොළ උලා කකා බඩ පුරවඤ්ඤං

මසට නොදෙන්නට ඔය පිටි පතුළ ඉඹින්නම්

පුරු ඇඳගත් නළල වටේ පබළු වැල බැඳන්

කර ගැහිච්ච බෙල්ල වටේ ගෙජ්ජි වැල බැඳන්

උඹයි මමයි හාද වෙලා ගියපු සුබ ගමන්

හිතට එනව මසට නොදෙන් පතුළ ඉඹින්නම්

දොවන තරම් බුරුලු පුරා කිරි ගෙන දෙඤ්ඤං

කියන දුරක් බර පටවං කුර ගාටන්නම්

පරඬැල් කොළ උලා කකා බඩ පුරවඤ්ඤං

මසට නොදෙන්නට ඔය පිටි පතුළ ඉඹින්නම්

මං අඬද්දි බඩගින්නට උඹත් හැඬු හැඬුම්

අපෙ අම්මගෙ කන වැටිලා උඹට දුන් කිරෙන්

සංසාරෙන් එතෙර වෙලා උන්දැ ගිය ගමන්

උඹත් යමං පින් සිදුවෙයි මසට නොදෙන් මං

දොවන තරම් බුරුලු පුරා කිරි ගෙන දෙඤ්ඤං

කියන දුරක් බර පටවං කුර ගාටන්නම්

පරඬැල් කොළ උලා කකා බඩ පුරවඤ්ඤං

මසට නොදෙන්නට ඔය පිටි පතුළ ඉඹින්නම් //

ගායනය - නිර්මලා රණතුංග සමග සුනිල් එදිරිසිංහ

පද - ස්වර්ණ ශ්‍රී බණ්ඩාර

තනුව - එච්.එම්. ජයවර්ධන

තොරොම්බෝල් එල්ලාගෙන

තොරොම්බෝල් එල්ලාගෙන නුවර ප්‍රීති සාගරේක

නටමු ගාලු මුවදොර අපි වැල්ලෙ හැපීලා

මරණ හතක් ඇති මිනිහෙක් තනිවම කෑවලු මීයක්

රටම සුසානයක් වුණත් ඔහෙ නටපල්ලා

අහස පැලී කැඩී විසිර වැටෙයි මල්වෙඩී

ගිටාර් ජෑස් වියෝල හඬ මිතුරේ හිනැහේ

ලක් මවගේ හදවත ඉරිතලා වෙඩි වැදී

මිතුරෙ කෝල කවට සිනා කුමන ගිණිකෙළී

තොරොම්බෝල් එල්ලාගෙන නුවර ප්‍රීති සාගරේක

නටමු ගාලු මුවදොර අපි වැල්ලෙ හැපීලා

මරණ හතක් ඇති මිනිහෙක් තනිවම කෑවලු මීයක්

රටම සුසානයක් වුණත් ඔහෙ නටපල්ලා

බාල ළමා සුකොමල හැඳ පැළඳ රූසිරී

මල් උයනක පාට පාට සමනලුන් වැනී

කඳුළු මැදින් වියැකී යන ළමා රූසිරී

පල්ලියෙ පන්සල් දොර මාවතේ හිඳ යදී

තොරොම්බෝල් එල්ලාගෙන නුවර ප්‍රීති සාගරේක

නටමු ගාලු මුවදොර අපි වැල්ලෙ හැපීලා

මරණ හතක් ඇති මිනිහෙක් තනිවම කෑවලු මීයක්

රටම සුසානයක් වුණත් ඔහෙ නටපල්ලා

එන්ඩ කන්ඩ බොන්ඩ මිහිරි සාජ්ජෙකී මේ

ඉන්න ටිකේ නටා ගයා මළත් සැපතකී

හිඟා නොකා හිඟා කකා ගයන ගීයකී

භයින් සාගතේ සුපතල කේතුමතියකී

ගායනය - නිර්මලා රණතුංග

පද - රත්මලේ බන්දුල ගුණවර්ධන

තනුව - විජේරත්න රණතුංග

මහා මෙරක් ලෙස

මහා මෙරක් ලෙස ඔබ ගැන හිතුවෙමි

වැලි කැටයක් ලෙස ඔබ මා ගැන හිතුවේ

වැලි කැටයක් ලෙස ඔබ මා ගැන හිතුවේ ...//

මහා සයුර ලෙස මා හිතුවේ

පෙණ බුබුලක් සේ ඔබ දුටු දේ ...//

විසල් දෙරණ ලෙස මා දුටු දේ

පිණි කඳුළක් මෙනි ඔබ හිතුවේ

වැලි කැටයක් ලෙස ඔබ මා ගැන හිතුවේ

සඳ මඬලක් සේ මා දුටු දේ

ගිණි පුපුරක් මෙනි ඔබ දුටුවේ ...//

ජීවිතයම ලෙස මා පැතු දේ

එක් මොහොතක් විය ඔබ හමුවේ

වැලි කැටයක් ලෙස ඔබ මා ගැන හිතුවේ

මහා මෙරක් ලෙස ඔබ ගැන හිතුවෙමි

වැලි කැටයක් ලෙස ඔබ මා ගැන හිතුවේ

වැලි කැටයක් ලෙස ඔබ මා ගැන හිතුවේ

ගායනය - නිර්මලා රණතුංග

පද - දයා ද අල්විස්

තනුව - වික්ටර් රත්නායක

මිටින් මුදා හැර බැලුවෙමි

මිටින් මුදා හැර බැලුවෙමි

සත්තයි නුඹ නොගියා මවෙතින් ඉගිලී

සමුගෙන ගොස් යළි හැරුණෙමි

සත්තයි නුඹ ඇවිදින් සෙවණැල්ලක්වී ...//

සැඟෙව්වාට වලාකුළක් දුහුලින්

කලා සපිරි සඳ වැසුණාදෝ

හමා ගියද මාරුතයක්

සුළඟට තරු එළියත් නිවී යාවිදෝ

මිටින් මුදා හැර බැලුවෙමි

සත්තයි නුඹ නොගියා මවෙතින් ඉගිලී

සමුගෙන ගොස් යළි හැරුණෙමි

සත්තයි නුඹ ඇවිදින් සෙවණැල්ලක්වී

ගරා වැටෙන මහ වැස්සට සේදී

මලෙක පැහැය දියව යාවිදෝ

සමුගන්නට සිදු වූවත්

අපට දැනුන සුවඳ මැකී යාවිදෝ

මිටින් මුදා හැර බැලුවෙමි

සත්තයි නුඹ නොගියා මවෙතින් ඉගිලී

සමුගෙන ගොස් යළි හැරුණෙමි

සත්තයි නුඹ ඇවිදින් සෙවණැල්ලක්වී ...//

ගායනය - එඩ්වඩ් ජයකොඩි සහ නිර්මලා රණතුංග

පද - රත්මලේ බන්දුල ගුණවර්ධන

තනුව - විජේරත්න රණතුංග

Song - Mitin Muda Hera Baluwemi
Singers - Edward Jayakody & Nirmala Ranathunga
Lyricist - Rathmale Bandula Gunawardana
Composer - Wijerathna Ranathunga

තිසර කැදැල්ලේ

තිසර කැදැල්ලේ නුරා ළදැල්ලේ

හිනැහෙමු අපි දෙන්නා

මිනිස් හඬක්‌ නැති පාළු දූපතේ

තනිවෙමු අපි දෙන්නා

පෙරදා මහ රෑ

සයනේ තෙර ඔබ

උණුසුම මට දැණුනා

සවනේ නයනේ සීතල පවනේ

ඔබෙ හඬ මට ඇසුණා

තිසර කැදැල්ලේ නුරා ළදැල්ලේ

හිනැහෙමු අපි දෙන්නා

මිනිස් හඬක්‌ නැති පාළු දූපතේ

තනිවෙමු අපි දෙන්නා

ගිවිසා ගෙන අපි වෙන්ව නොයන සේ

සඳ වත තරු ගණිමූ

වසන්ත සිහිනය කිරුළු දරණ දින

අපි අභිසෙස් ලබමු

තිසර කැදැල්ලේ නුරා ළදැල්ලේ

හිනැහෙමු අපි දෙන්නා

මිනිස් හඬක්‌ නැති පාළු දූපතේ

තනිවෙමු අපි දෙන්නා ...//

ගායනය - ලක්ෂ්මන් විජේසේකර සහ නිර්මලා රණතුංග

පද රචනය - උපාලි එස්. රංගේ

තනුව - එච්.එම්. ජයවර්ධන

විසඳුමක් නැත ලෝකයෙන්

විසඳුමක් නැත ලෝකයෙන්
සමාවක් නැත ලෝකයෙන්
අසම්මතයේ පෙම්වතුන් අපි
දෛවයට ඉඩ දී
බලා සිටිමූ (බලා සිටිමූ)

හා ආ ආ ආ ..

මල් පියලි වන් අපේ හදවත්
තබා කිණිහිර තලා කුළුගෙඩියෙන්
මේ තරම් ඇයි රිදුම් දෙන්නේ
සමච්චල් කර සිනාසෙන්නේ

හා ආ ආ ආ ..

අමෝරා ගත් අයෝමය අවි
රැගෙන සිව් දිග රැඳෙන මුත් සතුරන්
දෛවයේ යම් හාස්කමකින්
හමු වුණොත් හමු වුණාවේ

විසඳුමක් නැත ලෝකයෙන්
සමාවක් නැත ලෝකයෙන්
අසම්මතයේ පෙම්වතුන් අපි
දෛවයට ඉඩ දී
බලා සිටිමූ (බලා සිටිමූ)
බලා සිටිමූ (බලා සිටිමූ)
බලා සිටිමූ (බලා සිටිමූ)

ගායනය - නිර්මලා රණතුංග සමග එඩ්වඩ් ජයකොඩි
පද රචනය - මහාචාර්ය සුනිල් ආරියරත්න
තනුව හා සංගීතය - ආචාර්ය රෝහණ වීරසිංහ

සාගරේ පරදා හඬා

සාගරේ පරදා හඬා කඳුළැල් සලා
ආදරේ වෙනුවෙන්
ප්‍රේමයෙන් දිනූවෝ
ප්‍රේමයෙන් දිනූවෝ
පෙම්වතුන් මේ ලෝකයේ

ජීවිතේ පුදදී සදා
පණ සේ රකින්නට ආදරේ ...//

පෙම් සටන් වැද
වේදනා ගින්නේ රැඳී සිටියේ ඔවුන්

ප්‍රේමයේ මහිමෙන්
ප්‍රේමයේ මහිමෙන්
පෙම්වතුන් මේ ලෝකයේ

සිහින සේ දුටුවේ ඔවුන්
රුදු ලෝකයා හෙලනා බැලුම් ..//

ආසිරි පැතුමන් ලෙසින්
ඇසුවේ ලොවින් ලද සාපයන්

ප්‍රේමයේ නාමෙන්
ප්‍රේමයේ නාමෙන්
පෙම්වතුන් මේ ලෝකයේ

සාගරේ පරදා හඬා කඳුළැල් සලා
ආදරේ වෙනුවෙන්
ප්‍රේමයෙන් දිනූවෝ
ප්‍රේමයෙන් දිනූවෝ
පෙම්වතුන් මේ ලෝකයේ

ගායනය - එඩ්වඩ් ජයකොඩි සහ නිර්මලා රණතුංග
පද රචනය - කුමාරදාස සපුතන්ත්‍රී
තනුව - ආචාර්ය රෝහණ වීරසිංහ

මේ ප්‍රේම සීමාමාලකේ

මේ ප්‍රේම සීමාමාලකේ තනිවී
නෙතු කැන් සළා
ළතැවුල් නිවා
කඳුළින් සිනාසෙමු
මේ ප්‍රේම සීමාමාලකේ තනිවී

රෑ පාළුවේ තුන් යාමයේ
රැඳුනේ ඔබයි දෑසේ ...//
ඒ සීන ගී නිමවූ පැයේ
හැඬුවේ මමයි රහසේ

මේ ප්‍රේම සීමාමාලකේ තනිවී
නෙතු කැන් සළා
ළතැවුල් නිවා
කඳුළින් සිනාසෙමු
මේ ප්‍රේම සීමාමාලකේ තනිවී

මේ ජීවිතේ අපි ගිම් නිවා
සිටියේ අපේ සෙවණේ ...//
ඒ මාවතේ රැඳුණේ සදා
සුවඳයි අපේ දෙහදේ

මේ ප්‍රේම සීමාමාලකේ තනිවී
නෙතු කැන් සළා
ළතැවුල් නිවා
කඳුළින් සිනාසෙමු
මේ ප්‍රේම සීමාමාලකේ තනිවී

ම් ම් ම්ම් ම් ම් ම්ම් ම්ම් ම් ..////

ගායනය - ලක්ෂ්මන් විජේසේකර සහ නිර්මලා රණතුංග
පද රචනය - කුමාරදාස සපුතන්ත්‍රී
තනුව - ආචාර්ය රෝහණ වීරසිංහ

අඹ ගස් යට

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න …//

මගේ බඹරිය පැලේ දමා
එන්නට බෑ අඹ වනයට
මුසා බසින් මා නොතලා
එන්න සුවඳ මල් හෙවනට

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න

බඹරු නැතිද අඹ ව‍නයේ
ඔබේ සිතට ගතට ඔබින
අන් බඹරුන් ඕනෑ නෑ
ඔබයි මගේ පැතුම් විමන

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න…//

ගායනය: ආචාර්ය වික්ටර් රත්නායක සමග නිර්මලා රණතුංග
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක