සරා සඳ ඔබ
පෙරා සිසිලස
පෙරා සිසිලස
වලා ගැබ සිප සනසනා
බලා නෙතු අග
නුරා කැල්මෙන්
තෙමා හද තුළ නැවතුණා
නිදා වුන් සිත
මුදා නුහුරින්
සිනා මුව දොඩමළු වුණා
බදා තුරු ගොමු වසා කුසුමින්
වසන්තය යළි ඇරඹුණා
නෙළා දෝතට උරා මුවරද
පෙලා ඉවතට නොදමමී
සදා සෙනෙහස පුදා මා ළය
පුදසුනක් කර රැකගමී
නිවී සැනහෙන සියපතක් ලෙස
ඔබේ හද පුදසුන මට හිමී
මගේ හිමිසඳ
සෙනේ විල් දිය
කුසුම් අසනිය පුබුදමි
දරා තනිකම මුලා වුණු සිත
ඔබේ සෙනෙහෙන් පිබිදුණී
සදා නොමැකෙන
සුපෙම් තරුවක
ජීවිතේ රස ලියනෙමී
රැඳී සැම දින සිතුමිණක් ලෙස
ඔබේ දිවියම සරසමී
සසර කෙළවර
නිමා වන තෙක්
සිතේ ගණඳුර දුරලමී
ගායනය - කීර්ති පැස්කුවල් සමඟින් වෛද්ය ඊශ්මා සමරසිංහ
පද - ධම්මිකා චන්ද්රලතා
තනුව හා සංගීතය - අනුරාධ අබයසිංහ
ගීතයේ වීඩියෝව
