බොරුවට අඬ අඬ

බොරුවට අඬ අඬ අම්මිට වද දෙන

පුංචි මගේ සුදු දූ කුමරී

හැම තැන දුව පැන ගේ හැඩි කරවන

මගෙ සුරතල් සුදු දඟකාරී

වැඩපල කර දෙන නෑ බෑ නොකියන

අම්මිගෙ තාත්තිගෙ දූ කුමරී

මල්ලී ඇඬුවම විගහට නළවන

අම්මිගෙ තාත්තිගෙ දූ කුමරී

කම්මැලියා හිරු නැඟෙනා තුරු දොයි දොයියා

උදේ පාන්දර හරි හීතලයි නෙ තාත්තෙ

පුංචි දුවේ මුළු හවසම සෙල්ලම් පිටියේ

කළුවර වෙන්න ඉස්සර ගෙදර එනවනේ

බොරුවට අඬ අඬ අම්මිට වද දෙන

පුංචි මගේ සුදු දූ කුමරී

හැම තැන දුව පැන ගේ හැඩි කරවන

මගෙ සුරතල් සුදු දඟකාරී

අලුත ගෙනා ගල්ලෑලි ම දහයක් කැඩුවා

බිම වැටුණු ගමන් කැඩෙනවනෙ තාත්ති

හරිම වසයි පොඩි මල්ලිට කෝටුවෙන් ගසයි

වැරදි කරන නිසානෙ ගහන්නෙ තාත්ති

බොරුවට අඬ අඬ අම්මිට වද දෙන

පුංචි මගේ සුදු දූ කුමරී

හැම තැන දුව පැන ගේ හැඩි කරවන

මගෙ සුරතල් සුදු දඟකාරී

වැඩපල කර දෙන නෑ බෑ නොකියන

අම්මිගෙ තාත්තිගෙ දූ කුමරී

මල්ලී ඇඬුවම විගහට නළවන

අම්මිගෙ තාත්තිගෙ දූ කුමරී

අම්මිගෙ තාත්තිගෙ දූ කුමරී ////.

ගායනය - ශිරෝමී ප්‍රනාන්දු සමග මැක්ස්වෙල් ධර්මරත්න

පද - මෙල්රෝයි ධර්මරත්න

තනුව - මෙල්රෝයි ධර්මරත්න (ධර්මරත්න බ්‍රදර්ස්)

බළල් හාමිනේ

පුළුන් කොට්ට අත් දෙක තබලා

හොරෙන් හොරෙන් වටපිට බලලා

ගමන් බිමන් යාමට හපනා

බළල් හාමිනේ

හෙමින් සැරේ මා දෙස බලලා

ඤාව් ඤාව් ගීතය ගයලා

මගේ උකුල් තලයට පනිනා

බළල් හාමිනේ

බළල් හාමිනේගෙ සැමියා බළල් රාළහාමී

රැවුල් මූණ බුම්මාගෙන මට ආඩම්බර පාවී

බළල් හාමිනේගෙ පැටියා පුංචි බළල්හාමී

නූල් බෝලයක් පෙරලාගෙන සෙල්ලම් කරාවී

පුළුන් කොට්ට අත් දෙක තබලා

හොරෙන් හොරෙන් වටපිට බලලා

ගමන් බිමන් යාමට හපනා

බළල් හාමිනේ

හෙමින් සැරේ මා දෙස බලලා

ඤාව් ඤාව් ගීතය ගයලා

මගේ උකුල් තලයට පනිනා

බළල් හාමිනේ

බළල් හාමිනේගෙ දෑස නිල් මැණික් වගෙයිනේ

නෙත් කොණින් බැළුම් හෙලද්දී ආදරේ හිතෙන්නේ

බළල් හාමිනේගෙ දුක සැප මං තමයි බලන්නේ

මගේ පණ වගේ අගෙයි මට බළල් හාමිනේ

පුළුන් කොට්ට අත් දෙක තබලා

හොරෙන් හොරෙන් වටපිට බලලා

ගමන් බිමන් යාමට හපනා

බළල් හාමිනේ

හෙමින් සැරේ මා දෙස බලලා

ඤාව් ඤාව් ගීතය ගයලා

මගේ උකුල් තලයට පනිනා

බළල් හාමිනේ

ගායනය - ශිරෝමි ප්‍රනාන්දු

පද - මෙල්රෝයි ධර්මරත්න

තනුව - මෙල්රෝයි ධර්මරත්න

කොන්ද නමාගෙන

කොන්ද නමාගෙන

හැරමිටි ගහගෙන

ඉබි ගමනින් යන්නේ

උදේම නා ගෙන

චීත්තෙ ඇඳගෙන

ආච්චි මේ ඉන්නේ ...//

මල් මද බිසව වගේ

ලස්සණ මුහුණ ඔබේ ...//

දත් නැති කට මට පෙන්නාලා

ආච්චි හිනාවෙලා

කොන්ද නමාගෙන

හැරමිටි ගහගෙන

ඉබි ගමනින් යන්නේ

උදේම නා ගෙන

චීත්තෙ ඇඳගෙන

ආච්චි මේ ඉන්නේ

ආච්චි හැඩකාරී

අපෙ ගෙදරට සීදේවී ....//

රජ කාලේ වුණු කතා කියන්නේ

ආච්චි හිනාවෙලා

කොන්ද නමාගෙන

හැරමිටි ගහගෙන

ඉබි ගමනින් යන්නේ

උදේම නා ගෙන

චීත්තෙ ඇඳගෙන

ආච්චි මේ ඉන්නේ

අපෙ ආච්චි මේ ඉන්නේ //

ගායනය -  ශිරෝමි ප්‍රනාන්දු

පද රචනය - මෙල්රෝයි ධර්මරත්න

තනුව - මෙල්රෝයි ධර්මරත්න

කළුම කළූ

කළුම කළූ

කට්ට කළූ

කළුම කළූ කට්ට කළූ

ලිපේ තියෙන දැලි අඟුරු

අහසේ පාවෙන කළු වැහි වලාකුළු

වත්තේ වැඩ තරණ කොලූ

නමත් කළූ හමත් කළූ

කළුවර මාසෙ පෝය දවස වගේලූ

සුදු වෙන්නට ආස කළූ

දෙතුන් වරක් නානවලූ

අක්කිගෙ සබන් පියරු ටික ඉවරයිලූ

කෝපි බීව නිසයි කළූ

පණ්ඩිතයෙක් පැසුවලූ

ඉන්පසු කෝපි බීම අත්හැරියාලූ

හෝ හෝ මට තේරෙනවා

කිරි බිව්වොත් සුදු වෙනවා

මඩුවේ වැස්සිගෙ කිරි ටික අඩු වෙනවා

ඉර අවුවට කළු වෙනවා

සෙවන තැන් සොයා යනවා

සුදු ළමයින් දැක්කම කළුට ඇ‍ඬෙනවා

සුදු පාටයි කළු පාටයි

පාට දෙකක් බව ඇත්තයි

පිරිසිදු ලෙස සිටීම ලොකුම සම්පතයි

සුදු වුනාට කළු වුනාට

කාගෙත් ලේ රතු පාටයි

පාටක් ගැන තැවෙන්නෙ නූගත්කමටයි

කළුම කළූ

කට්ට කළූ

කළුම කළූ කට්ට කළූ

ලිපේ තියෙන දැලි අඟුරු

අහසේ පාවෙන කළු වැහි වලාකුළු

වත්තේ වැඩ තරණ කොලූ

නමත් කළූ හමත් කළූ

කළුවර මාසෙ පෝය දවස වගේලූ

කළුම කළූ

කට්ට කළූ

ලිපේ තියෙන දැලි අඟුරු ....//

ගායනය - ශිරෝමි ප්‍රනාන්දු

පද රචනය - අඥාතයි

තනුව - අඥාතයි