ගොයම් කපනවා

ගොයම් කපනවා

මැණිකේ වෙලේ නෙළනවා

මැණිකේ ලිඳේ නානවා

පොඩිමැණිකේ

ඇගේ වාසනා මහිමය

මගේ පොඩි පැලේ පහනය

සදා වාසනා පොඩිමැණිකේ .....//

ගමේ පන්සලේ ඇය හමුවූවා

ගමේ මිහිරි හඬ මට හුරුවූවා .....//

ඇගෙ මුවේ මල් සිනා (හා හා හා හා....)

මට ගෙනේ වාසනා (හා හා හා හා....)

එදා මගෙ සිතේ ඇය රජ වූවා (හා හා හා හා....) ...//

ගොයම් කපනවා

මැණිකේ වෙලේ නෙළනවා

මැණිකේ ලිඳේ නානවා

පොඩිමැණිකේ

ඇගේ වාසනා මහිමය

මගේ පොඩි පැලේ පහනය

සදා වාසනා පොඩිමැණිකේ

ගමේ ඕවිටේ ඇය හා ලන්දේ

මගේ ආදරේ මුතුහර බැන්දේ ....//

වෙලේ නිල් ගොයම් (හා හා හා හා....)

අපහට ගෙනේ සුබ පැතුම් (හා හා හා හා....)

මුදා කම්කටොලු පෙම් දද බැන්දේ (හා හා හා හා....) ....//

ගොයම් කපනවා

මැණිකේ වෙලේ නෙළනවා

මැණිකේ ලිඳේ නානවා

පොඩිමැණිකේ

ඇගේ වාසනා මහිමය

මගේ පොඩි පැලේ පහනය

සදා වාසනා පොඩිමැණිකේ .....//

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

මූන්ස්ටෝන්ස් කණ්ඩායමේ දෙවන EP තැටිය වූ "More Hits by the Moonstones" (Sooriya Label CHB001) හී ගීයකි. මහෙි ඇතුළත් වන්නේ එම මුල් ගීයයි.

රමණී සැනසුම ගෙන දෙන දුවණී

රමණී සැනසුම ගෙන දෙන දුවණී

කමනී නිවසට පහනය රමණී

දුවණී හද විලේ කැකුළ බැවිනී

රමණී සෙනෙහස ඔබ හට බැඳිණී

අතට වඩා බෝනික්කෝ නළවා

ගතට මලින් පිරි ඇඳුමක් ඇඳලා

සිතට සදා සැනසුම දී රඟලා

සැමට වඩා අප සෙනෙහස ඔබ දිනුවා

දුවණී හද විලේ කැකුළ බැවිනී

රමණී සෙනෙහස ඔබ හට බැඳිණී

බලන බැලුම් ඔබෙ නෙත් දෙක බබලන්නේ

කියන කියුම් අප කාගෙත් සිත් ගන්නේ

කරන කෙරුම් සුරතල් බව පවසන්නේ

සතුට සදා ඔබ අප හට ගෙන දෙන්නේ

රමණී සැනසුම ගෙන දෙන දුවණී

කමනී නිවසට පහනය රමණී

දුවණී හද විලේ කැකුළ බැවිනී

රමණී සෙනෙහස ඔබ හට බැඳිණී //

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

මූන්ස්ටෝන්ස් කණ්ඩායමේ දෙවන EP තැටිය වූ "More Hits by the Moonstones" (Sooriya Label CHB001) හී ගීයකි. මහෙි ඇතුළත් වන්නේ එම මුල් ගීයයි.

රෝස මලේ

රෝස මලේ

නටුවෙ කටු

වන බඹරෝ

ඔහොම හිටූ

නටුව නොවෙයි මම මල සිඹිමි

මම ළමයෝ පැණි උරමී ....//

කළු දෙබරුන් නැත පැණි බොන්නේ

වන බඹරුයි එහි රස දන්නේ

මල නොතලා එහි පැණි උරලා

මල දමලා

උන් යති පැනලා

රෝස මලේ

නටුවෙ කටු

වන බඹරෝ

ඔහොම හිටූ

නටුව නොවෙයි මම මල සිඹිමි

මම ළමයෝ පැණි උරමී

මලෙහි පැණී නැත පවතින්නේ

පැණි හිඳිලා මල පරවෙන්නේ

කළු දෙබරෝ නැතුවද දන්නේ

වන බඹරුන් නැත එහි යන්නේ

රෝස මලේ

නටුවෙ කටු

වන බඹරෝ

ඔහොම හිටූ

නටුව නොවෙයි මම මල සිඹිමි

මම ළමයෝ පැණි උරමී .....//

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

මූන්ස්ටෝන්ස් කණ්ඩායමේ දෙවන EP තැටිය වූ "More Hits by the Moonstones" (Sooriya Label CHB001) හී ගීයකි. මෙහි ඇතුළත් වන්නේ එම මුල් ගීයයි.

මාමේ අපෙ කළු මාමේ

මාමේ අපෙ කළු මාමේ

කලවානේ කළු මාමේ

යාමේ හැන්දෑ යාමේ

කුඹුර කොටාලා එනවානේ ...//

බුලත් කොරටුවේ වැට දැන් දිරාලා

බැලුවෙ නැද්ද ඒ ගැන ඔබ සොයාලා ...//

එක ළඟින් සිටුවලා ඉණි පැල අලුත්කරවලා එහි පැල

බුලත් කොරටුවක් නැතිවද වවන්නේ ...//

මාමේ අපෙ කළු මාමේ

කලවානේ කළු මාමේ

යාමේ හැන්දෑ යාමේ

කුඹුර කොටාලා එනවානේ

මංගො නැන්ද ගැන ඔහු නෑ සොයන්නේ

පැනල ගියත් දුව ගැන නැහැ තැවෙන්නේ ...//

එක සිතින් සිත හදා සැනසෙන අනුන් ගැන සොයා නොතැවෙන

තමන් ගැන සොයා සැනසෙනවානේ ...//

මාමේ අපෙ කළු මාමේ

කලවානේ කළු මාමේ

යාමේ හැන්දෑ යාමේ

කුඹුර කොටාලා එනවානේ ...//

කලවානේ

අපේ කළු මාමේ ....///

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

මූන්ස්ටෝන්ස් කණ්ඩායමේ දෙවන EP තැටිය වූ "More Hits by the Moonstones" (Sooriya Label CHB001) හී ගීයකි. මහෙි ඇතුළත් වන්නේ එම මුල් ගීයයි.

සීත උදේ පිපි මල්

සීත උදේ පිපි මල්

නන් පාට වලින් සැදිලා

හිරු ඈත ලොවින් පිබිදී එන්නට පෙර

එන්නෙමි ඔබ සොයලා

ඊයෙ උදේ බැලුවා සොයලා

ඇයි සැඟවී සිටියේ

පිණි වේලෙනකන් සිරි නරඹන්නම්

ඉන්පසු පැණි බොන්නම්

සීත උදේ පිපි මල්

නන් පාට වලින් සැදිලා

හිරු ඈත ලොවින් පිබිදී එන්නට පෙර

එන්නෙමි ඔබ සොයලා

ඈත ගසක රතු පාට මලක් ඇත

මම නැහැ එහෙ යන්නේ

හිරු තාපෙ වැදී පැණි බේරෙනවා

නැවතත් හෙට එන්නෙම්

සීත උදේ පිපි මල්

නන් පාට වලින් සැදිලා

හිරු ඈත ලොවින් පිබිදී එන්නට පෙර

එන්නෙමි ඔබ සොයලා

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

"මූන්ස්ටෝන්ස්" කණ්ඩායමේ ප්‍රථම EP තැටිය වූ "Musical Gems of Ceylon" (EP Philips / JVPC 1007) හී ගීයකි. 

මෙහි පද මුල් ගීය අනුවයි.

රුවන්පුරය

ශ්‍රී ලංකාවේ එළිය මිණිපුරයි

ලොවම සිසාරා පැතිරෙන්නෙ එහි නමයි

රුව ළඳුන් සොයාලා ඔබ එන්නෙ මෙහි තමයි

ශ්‍රී ලංකාවේ එළිය මිණිපුරයි

රුවන්පුරේ කළු ගං රැජිණී

බඳ ලෙලවා රඟට ගලන්නේ ...//

සමන් දෙවිඳු බලන රටයි

ලොව සැම තැන පතල නමයි ....//

රුවන්පුරය අපේ ගම තමයි //

ශ්‍රී ලංකාවේ එළිය මිණිපුරයි

ලොවම සිසාරා පැතිරෙන්නෙ එහි නමයි

රුව ළඳුන් සොයාලා ඔබ එන්නෙ මෙහි තමයි

ශ්‍රී ලංකාවේ එළිය මිණිපුරයි

සිරිපාදෙට යන එන ගමනේ

විඩා නිවාගෙන සිත තුටිනේ ....//

රුවන්පුරය සිරියාවයි

සමන් දෙවිඳු කරුණාවයි ...//

රුවන්පුරය අපේ ගම තමයි //

ශ්‍රී ලංකාවේ එළිය මිණිපුරයි

ලොවම සිසාරා පැතිරෙන්නෙ එහි නමයි

රුව ළඳුන් සොයාලා ඔබ එන්නෙ මෙහි තමයි

ශ්‍රී ලංකාවේ එළිය මිණිපුරයි

ගායනය - මූන්ස්ටෝන්ස්

පද - ක්ලැරන්ස් විජේවර්ධන

තනුව - ක්ලැරන්ස් විජේවර්ධන

"මූන්ස්ටෝන්ස්" කණ්ඩායමේ ප්‍රථම EP තැටිය වූ "Musical Gems of Ceylon" (EP Philips / JVPC 1007) හී ගීයකි. 

මෙහි පද මුල් ගීය අනුවයි.

මුල් ගීය

පසු කලෙක ඇනස්ලි කළ ගායනයක්