දකින විට පන්සලක් පිළිමයක් බෝධියක්
හුනස්නෙන් නැගිටිමින් වඳිනවා
හදේ නැති භක්තියක් වත පුරා තවර ගෙන
අඩවන්ව නෙත් බරව බලනවා
ගැබිනි මවු කෙනෙකු හෝ රෝගියෙක් දුටු කලට
කවුළුවෙන් අනන්තය හොයනවා
අතෙහි රැඳි පොත පතෙහි එකම පේළිය තුළම
නෙත් දහස් වාරයක් දුවනවා
දකින විට පන්සලක් පිළිමයක් බෝධියක්
හුනස්නෙන් නැගිටිමින් වඳිනවා
හදේ නැති භක්තියක් වත පුරා තවර ගෙන
අඩවන්ව නෙත් බරව බලනවා
වාරු නැති මහලු වත නෙතෙහි ගැටෙතැයි බියෙන්
දෙනෙත් යුග නිදි කිරාවැටෙනවා
ලොවේ ඇති දහසකුත් ගැටලු සිහියට නඟා
අහස බිම ගැටලන්න හදනවා
දකින විට පන්සලක් පිළිමයක් බෝධියක්
හුනස්නෙන් නැගිටිමින් වඳිනවා
හදේ නැති භක්තියක් වත පුරා තවර ගෙන
අඩවන්ව නෙත් බරව බලනවා
ගායනය - මාලිනී බුලත්සිංහල
පද - සුජීව කරුණාසේන
තනුව - එච්.එම්. ජයවර්ධන
