රජෙකු වුණත්

රජෙකු වුණත් ගිලන් වෙලා

රජෙකු වුණත් ගිලන් වෙලා

එක්තැන් වුණ දා

කියනවාට සැකයක් නෑ

සැකයක් නෑ

නිරෝගි සැප හැර සැපයක් ලොවේ කොයින්දා

නිරෝගි සැප හැර සැපයක් ලොවේ කොයින්දා

ඉසුරු සමඟ හාද වෙලා

ඉසුරු සමඟ හාද වෙලා

නොසතුට ආදා

දැනෙනවාට සැකයක් නෑ

සැකයක් නෑ

සතුට තරම් වෙන ධනයක් ලොවේ කොයින්දා

සතුට තරම් වෙන ධනයක් ලොවේ කොයින්දා

බැරිවුණදා නෑදෑයන්

බැරිවුණදා නෑදෑයන්

අතහැර ගියදා
හිතෙනවාට සැකයක් නෑ

සැකයක් නෑ

විශ්වාසය හැර නෑයෙක් ලොවේ කොයින්දා

විශ්වාසය හැර නෑයෙක් ලොවේ කොයින්දා

ගායනය - සුනිල් එදිරිසිංහ සහ පිරිස

පද - මහින්ද චන්ද්‍රසේකර

"ධම්ම පදය" සුභ වග්ගයෙහි, "ආරෝග්‍යා පරමා ලාභා" ගාථාව පදනම් කර රචනා වූවකි.

තනුව - ආචාර්ය රෝහණ වීරසිංහ

මෙම ගීය 1996 දී “රෝස කුසුමක්” කැසට් පටයටත් 201 දී “The best of Sunil 1” සංයුක්ත තැටියට හා කැසට් පටයටත් ඇතුළත් වුණා.

මරතොණ්ඩිය රටා

මරතොණ්ඩිය රටා අඳී අතේ කැකුළු හිතේ

මොට්ටැක්කිලි තිරෙන් වැසී රටා වැළපෙතේ

මුක්කු තෝඩි තිරුවංගල් එළියට අත වනනා

රාමලාන් සඳ බලන්න එන්න පාතිමා

රාමලාන් සඳ බලන්න එන්න පාතිමා

වාංගු හඬ පූජාවේ තුන් යමට ම ඇසෙනා

තාංගු දෙයි හීන් දුකක් හිත ළඟ ගුළි ගැහිලා

කාන්සියට පැළලි වැටේ කවුළු දොරින් එබෙනා

හීන් සැරේ ගෙට යනවද හිත දොරකඩ තියලා

හීන් සැරේ ගෙට යනවද හිත දොරකඩ තියලා

මරතොණ්ඩිය රටා අඳී අතේ කැකුළු හිතේ

මොට්ටැක්කිලි තිරෙන් වැසී රටා වැළපෙතේ

මුක්කු තෝඩි තිරුවංගල් එළියට අත වනනා

රාමලාන් සඳ බලන්න එන්න පාතිමා

රාමලාන් සඳ බලන්න එන්න පාතිමා

එළු රෑනේ වැලි පාරේ පිය සටහන් මකලා

මුන්දානිය ගෙල එතුණා නුඹ ගෙයි සිර කරලා

පාට පාට සමනලියන් පැළලි වැටෙන් දකිනා

හීන වඩන හිත් ගොමුවේ කඳුළු මලක් පිපුණා

හීන වඩන හිත් ගොමුවේ කඳුළු මලක් පිපුණා

මරතොණ්ඩිය රටා අඳී අතේ කැකුළු හිතේ

මොට්ටැක්කිලි තිරෙන් වැසී රටා වැළපෙතේ

මුක්කු තෝඩි තිරුවංගල් එළියට අත වනනා

රාමලාන් සඳ බලන්න එන්න පාතිමා ///.

ගායනය - කරුණාරත්න දිවුල්ගනේ

පද රචනය - මහින්ද චන්ද්‍රසේකර

තනුව - ගුණදාස කපුගේ

තලයුම් තලෙයි මුඩෙයුම්

තලයුම් තලෙයි මුඩෙයුම්
කිතුලක මල සේ මා
නඩයුම් මුඩයුම්
රන ගිරවිගෙ තුඩ සේ මා
ඉරවුම් පබලුම්
නිදි නැති මගේ පුරුදු ළමා
නේලුම් නාලුම්
එක යහනක හිදිමු ළමා
එක යහනක හිදිමු ළමා

කතරගම් නුවර ගියදා ඇහැළ මහේ
උඩ මඩමේ නුඹ හිටියා කාන්සියේ
තොරණ යටට මං එනකොට තෝන්තුවේ
මතක නැතිව අත වැනුවද බාල ලියේ

තලයුම් තලෙයි මුඩෙයුම්
කිතුලක මල සේ මා
නඩයුම් මුඩයුම්
රන ගිරවිගෙ තුඩ සේ මා
ඉරවුම් පබලුම්
නිදි නැති මගේ පුරුදු ළමා
නේලුම් නාලුම්
එක යහනක හිදිමු ළමා
එක යහනක හිදිමු ළමා

සෝඩි පතුල් සිරකරලා පාඩ ගමේ
ඉරුවංගල් රැස් ඉහිලා පිච්ච මලේ
උඹේ මුහුණ මට මතකයි සංසාරේ
මායිම පැන වරෙන් ලඳුනේ උඩ මඩමේ

තලයුම් තලෙයි මුඩෙයුම්
කිතුලක මල සේ මා
නඩයුම් මුඩයුම්
රන ගිරවිගෙ තුඩ සේ මා
ඉරවුම් පබලුම්
නිදි නැති මගේ පුරුදු ළමා
නේලුම් නාලුම්
එක යහනක හිදිමු ළමා
එක යහනක හිදිමු ළමා

ගායනය - කරුණාරත්න දිවුල්ගනේ සහ ජානකී සුමිත්‍රා දිසානායක
පද රචනය - මහින්ද චන්ද්‍රසේකර
තනුව - ගුණදාස කපුගේ

හාද වෙලා යමන් පනේ

හාද වෙලා යමන් පනේ සිරි සැප දෙඤ්ඤයි
උඹට රේන්ද රිදී පට කම්බා අඳින්ට දෙඤ්ඤයි ...//

ගාලු දුවඤ්ඤයි මම කොළඹ දුවඤ්ඤයි
උඹට වැලි හකුරුයි හබල පෙතියි ගෙනල්ල දෙඤ්ඤයි ...//

හාද වෙලා යමන් පනේ සිරි සැප දෙඤ්ඤයි
උඹට රේන්ද රිදී පට කමබා අඳින්ට දෙඤ්ඤයි ...//

ගාල්ලට යඤ්ඤයි මම කොළඹ දුවඤ්ඤයි
උඹට කරට ඔබින මුතු දෙපටක් ගෙනල්ල දෙඤ්ඤයි ...//

හාද වෙලා යමන් පනේ සිරි සැප දෙඤ්ඤයි
උඹට රේන්ද රිදී පට කමබා අඳින්ට දෙඤ්ඤයි ...//

ගායනය - කරුණාරත්න දිවුල්ගනේ
පද රචනය - මහින්ද චන්ද්‍රසේකර
තනුව - ගුණදාස කපුගේ

ප්‍රාණ සමානා

ප්‍රාණ සමානා මව්පියො නැතිවෙයි
වරිග තහංචියෙ බැල්ම හෙළා
නුඹෙ මූණ බලා හැමදාම හිඳින්නම්
ගාඩි ළමිස්සියෙ යන්න එපා ..//

බෝම ප්‍රවේසම් වීලා ඉඳින් අනෙ
භීත කෙරේ සිත මාගෙ තදේ ..//
පාන හිනා ඇති පුංචි පැටික්කියෙ
ප්‍රීති කෙරේ සඳපාන වගේ

ප්‍රාණ සමානා මව්පියො නැතිවෙයි
වරිග තහංචියෙ බැල්ම හෙළා
නුඹෙ මූණ බලා හැමදාම හිඳින්නම්
ගාඩි ළමිස්සියෙ යන්න එපා

බැන්ද කරේ පවලම් පොට රඟදෙයි
රන් තැටියට කැරකෙන්ට සොඳේ ...//
අන්ධ නේත්‍ර මැද පාන වගේ තව
රන් තෙලඹුව යට ඉන්ට ළඳේ

ප්‍රාණ සමානා මව්පියො නැතිවෙයි
වරිග තහංචියෙ බැල්ම හෙළා<මbr /> නුඹෙ මූණ බලා හැමදාම හිඳින්නම්
ගාඩි ළමිස්සියෙ යන්න එපා ..//

ගායනය - ජානක වික්‍රමසිංහ
පද රචනය - මහින්ද චන්ද්‍රසේකර
තනුව - උපාලි ජයලත්

මෙම ගීය මුලින් ගායනා කළේ ඩී.එම්. රාජරත්න යි. (ශ්‍රී ලංකා ගුවන් විදුලි සංස්ථාවේ "රජරට සේවයෙන් බිහි වූ නිර්මානයකි)

සරෝජා

මා තොටින් එන උතුරු හුළඟේ
ගිණි සිඹින මඩු පල්ලියේ
දෑස් අග මුතු කඳුළු හංගන
සරෝජා මගෙ දෝණියේ

වෙඩි හඬට පොඩි අකුරු ඇදවෙයි
මක් කරන්නද පැංචියේ
ගුරුතුමී මා සිසුවියයි නුඹ
ඒත් අපි එක පංතියේ

කරවටේ අත දමා හිනැහුණු
කෝ නුඹේ පොඩි යාළුවන්
දයාවක් නැති ලෝකයක් දැක
උන් ගිහින් පැන මායිමෙන්

තාත්තා හීනෙන් ඇවිත්
අත වනන තුරු කඳවුරු දොරින්
කාටවත් නැති දුවේ කවුරුන්
නුඹ රකීවිද සෙනෙහසින්

මන්දිරේ දොර නුඹව කැඳවයි
බේබිලා හඬනා හඬින්
මායිමේ වැට අඬගසයි හෙට
අවි දරා රකිනා ලෙසින්

දමා ගොදුරට කෙලෙස යන්නද
ඒත් යන්නට වෙයි ඉතිං
වරක් දැක සිත නිවාගන්නට
දුවේ ඩිංගක් හිනැහියන්

මා තොටින් එන උතුරු හුළඟේ
ගිණි සිඹින මඩු පල්ලියේ
දෑස් අග මුතු කඳුළු හංගන
සරෝජා මගෙ දෝණියේ

වෙඩි හඬට පොඩි අකුරු ඇදවෙයි
මක් කරන්නද පැංචියේ
ගුරුතුමී මා සිසුවියයි නුඹ
ඒත් අපි එක පංතියේ

ගායනය - දීපිකා ප්‍රියදර්ශනී
පද රචනය - මහින්ද චන්ද්‍රසේකර
තනුව හා සංගීතය - ආචාර්ය රෝහණ වීරසිංහ

ජය සිරිමා හාමුදුරුවනේ

ජය සිරිමා හාමුදුරුවනේ
(ජය සිරිමා හාමුදුරුවනේ)
දරමිටි ඇද්දා රෑ නිදි වැරුවා
ගිණි මැල ගහගෙන රැක හිටියා
එහෙව් අපට අද එන්න තහංචිද
ජය සිරිමා හාමුදුරුවනේ

වැලි මළුවේ ඉඳ සාධු කියන කොට
අහිතක් නොහිතා ඉන්න හොඳයි
ඉස්සර වාගෙම දහදිය මුහු වුණු
අපේ බාර පිළිගන්න හොඳයි

ජය සිරිමා හාමුදුරුවනේ
(ජය සිරිමා හාමුදුරුවනේ)

රන් වැට පාමුල සාධු කියන කොට
ලෙන්ගතු කම් නොහිතන්න හොඳයි
බුදුහාමුදුරුවෝ දුටුවා වාගෙයි
දුක ඉවසා වැඩ ඉන්න හොඳයි

ජය සිරිමා හාමුදුරුවනේ
(ජය සිරිමා හාමුදුරුවනේ)
දරමිටි ඇද්දා රෑ නිදි වැරුවා
ගිණි මැල ගහගෙන රැක හිටියා
එහෙව් අපට අද එන්න තහංචිද
ජය සිරිමා හාමුදුරුවනේ
(ජය සිරිමා හාමුදුරුවනේ)

ජය සිරිමා හාමුදුරුවනේ
(ජය සිරිමා හාමුදුරුවනේ) ..//

ගායනය - දීපිකා ප්‍රියදර්ශනී
පද රචනය - මහින්ද චන්ද්‍රසේකර
තනුව හා සංගීතය - ආචාර්ය රෝහණ වීරසිංහ

අපේ හාමුදුරුවෝ

සාර ඵල

අඹ රඹ ද

මීරි දිය නැති කතර

පාරමී පුරණවා (පාරමී පුරණවා)

අපේ හාමුදුරුවෝ (අපේ හාමුදුරුවෝ)

පෝය හඳ ගිණි වැදුන

මායිමේ සිත් නිවන (මායිමේ සිත් නිවන)

සීතල ම පිරිත් පැන (සීතල ම පිරිත් පැන)

අපේ හාමුදුරුවෝ (අපේ හාමුදුරුවෝ)

පේරු දන් කඳ වැළඳ (පේරු දන් කඳ වැළඳ)

සාය වැළපෙන ගමට (සාය වැළපෙන ගමට)

සාර වූ පින් කෙතය (සාර වූ පින් කෙතය)

අපේ හාමුදුරුවෝ (අපේ හාමුදුරුවෝ)

සාර ඵල

අඹ රඹ ද

මීරි දිය නැති කතර

පාරමී පුරණවා (පාරමී පුරණවා)

අපේ හාමුදුරුවෝ (අපේ හාමුදුරුවෝ)

පෝය හඳ ගිණි වැදුන

මායිමේ සිත් නිවන (මායිමේ සිත් නිවන)

සීතල ම පිරිත් පැන (සීතල ම පිරිත් පැන)

අපේ හාමුදුරුවෝ (අපේ හාමුදුරුවෝ)

සිප් යදින දරු කැළට (සිප් යදින දරු කැළට)

පිං කැටය දන් දුන්න (පිං කැටය දන් දුන්න)

පරපුරක නුග සෙවණ (පරපුරක නුග සෙවණ)

අපේ හාමුදුරුවෝ (අපේ හාමුදුරුවෝ)

සාර ඵල

අඹ රඹ ද

මීරි දිය නැති කතර

පාරමී පුරණවා (පාරමී පුරණවා)

අපේ හාමුදුරුවෝ (අපේ හාමුදුරුවෝ)

පෝය හඳ ගිණි වැදුන

මායිමේ සිත් නිවන (මායිමේ සිත් නිවන)

සීතල ම පිරිත් පැන (සීතල ම පිරිත් පැන)

අපේ හාමුදුරුවෝ (අපේ හාමුදුරුවෝ

ගායනය – අමරසිරි පීරිස් සහ ප්‍රදීපා ධර්මදාස

පද රචනය - මහින්ද චන්ද්‍රසේකර

තනුව හා සංගීතය - ප්‍රේමසිරි කේමදාස

පැන මඩ කඩිති

පැන මඩ කඩිති වැව් තාවලු වැහි කාලේ

පෙන්නා මග නොමග නොවැටී යන තාලේ

සිප් කිරි පෙවූ මූසිලයින් උඩු මාලේ

අපෙ ගුරුතුමා යයි තාමත් ඉස්කෝලේ

සාමා අමර විකුණති බස් පොළේ කජු

කුමාරෝද පිටු දන් දෙති එයින් මතු

උගත මනා ශිල්පය පිල්කඩ නොපැතූ

වේවැල වටා ඉකිබිඳ දඬුවමක් පැතූ

රන්මසු පටපිළී අබරණ උරණ වෙලා

සමන්පිච්ච කැකුළිය ගෙයි මිලින වෙලා

ගුරු නිවහනේ කඳුළට උල්පතක් වෙලා

ලොකු හාමිනේ ඇත බිතු සිතුවමක් වෙලා

පැන මඩ කඩිති වැව් තාවලු වැහි කාලේ

පෙන්නා මග නොමග නොවැටී යන තාලේ

සිප් කිරි පෙවූ මූසිලයින් උඩු මාලේ

අපෙ ගුරුතුමා යයි තාමත් ඉස්කෝලේ

ගායනය - සුනිල් එදිරිසිංහ

පද - මහින්ද චන්ද්‍රසේකර

තනුව - ආචාර්ය රෝහණ වීරසිංහ

මෙය 1988 දී “මල් වට්ටියක්” කැසට් පටය තුළින් දොරට වැඩි ගීයකි. 2001 දී “නෑසෙන ගී රස 1” සංයුක්ත තැටියට හා කැසට් පටයටත් ඇතුළත් වුණා.