සැබෑවට සහතොසින් දිවිකර දුන් බාර
කිම මට වුණේ මැතිඳුනි රන් බණ්ඩාර
වැනේ සුනෙර සසලන තරිඳුගෙන් මැ කේ
පෙනේ දවල් තරු එද නොසිතමි නොහැ කේ
සෙනේ අපේ කැඩෙනු බැරිමය නැතිය සැ කේ
වුණේ මේ කිමද මගෙ ඩිංගිරි මැණි කේ
සුපසන් මිනිබිරිය මැතිඳුගෙ දිසාවේ
විලසින් පිපි තඹර ගම්පල දිසාවේ
සැපතින් විසුව ඔබ රණහස මුවාවේ
මම දැන් වැලහින්නියකි මේ ගල් ගුහාවේ
ඉඳුවර දෙකක් ඇති නම් සඳ සම වතිනී
මුවසර නිතර පිරි රස බස් මුවරඳිනී
පියතර මගේ මැණිකේ පණ වැනි දෙවැනී
මට හිර ගේ හොඳයි නුඹ ඉඳිතොත් සැපෙනී
දුක් විඳ ගෙන සොරුන්ගෙන් පතිවත රකිමී
වික්මය සිහල කුලඟන ඇසෙහි අඳවමී
ලක් ඉතිහස දපණ යහ පිළිබිඹු යොදමී
දුක් බව නසන තුරු ඔබමය මගේ හිමී
සිහිලැල් දිය සේ තෙපලන බස රසා වන
ගුණදුල් මගේ මැණිකේ දිගු ඇසා වන
කළු ගල් දැවෙන ගිනි හද තුළ වසා ගෙන
කළු ගල් තළමි දැන් මම නුඹ නිසා වන
ගායනය - ධර්මදාස වල්පොල සමග ලතා වල්පොල
පද - පියදාස සිරිසේන
සංගීතය - එස්.එස්. වේදා
