රිදී නදී තාරකා

රිදී නදී තාරකා

එන්න යන්න අපි ගයන්න

රිදී නදී ගීතිකා

සිහින ප්‍රේම චාරිකා

පැතූ පැතුම් දම් බන්දන

රිදී නදී ගීතිකා

මල් පාරේ මල් ඉහිරී මල් ඇතිරිල්ලයි

මිතුරු මිතුරියන්ට හොරෙන්

මල් ඇතිරිලි යාය මතින්

එන්න යන්න අපි ගයන්න

රිදී නදී ගීතිකා

ආකාසේ තරු සැරසී සඳ සිහිලැල්ලයි

මිතුරු මිතුරියන්ට හොරෙන්

සඳකැන් තරු යාය මතින්

එන්න යන්න අපි ගයන්න

රිදී නදී ගීතිකා

රිදී නදී තාරකා

එන්න යන්න අපි ගයන්න

රිදී නදී ගීතිකා

සිහින ප්‍රේම චාරිකා

පැතූ පැතුම් දම් බන්දන

රිදී නදී ගීතිකා

එන්න යන්න අපි ගයන්න

රිදී නදී ගීතිකා ....////

ගායනය - මැණික් ජයසේකර සමග සුනිල් එදිරිසිංහ

පද - සමන් අතාවුදහෙට්ටි

තනුව - කලණි පෙරේරා

1987 දී කළ ගීයකි.

“Selected hits of Menik Jayasekara” සංයුක්ත තැටියට ඇතුළත් විය.

ඉහට වහල නිල් අහසයි

ඉහට වහල නිල් අහසයි සෙවණ සදන්නේ

පොළව සිඹින තණ නිල්ලෙන් යහන සැදෙන්නේ

ඉහට වහල නිල් අහසයි සෙවණ සදන්නේ

පොළව සිඹින තණ නිල්ලෙන් යහන සැදෙන්නේ

කරට පිරූ ගෝනි බරෙන් දවස ගෙවෙන්නේ

කුසට නැතී හිතට ඇතී

සුවය සදන්නේ

අපේ ලෝකයේ නැතේ සෝගිනී

ඉහට වහල නිල් අහසයි සෙවණ සදන්නේ

පොළව සිඹින තණ නිල්ලෙන් යහන සැදෙන්නේ

සිරුර දැවූ කඳුළු සැළූ දිනය නිමාවේ

සිනාසිසී බලා සිටී

මොහොත උදාවේ

අපේ ලෝකයේ නැතේ සෝගිනී

ඉහට වහල නිල් අහසයි සෙවණ සදන්නේ

පොළව සිඹින තණ නිල්ලෙන් යහන සැදෙන්නේ

ඉහට වහල නිල් අහසයි සෙවණ සදන්නේ

පොළව සිඹින තණ නිල්ලෙන් යහන සැදෙන්නේ

ගායනය - මැණික් ජයසේකර සමග සුනිල් එදිරිසිංහ

පද - සමන් අතාවුදහෙට්ටි

තනුව - එච්.එම්. ජයවර්ධන

1987 දී කළ ගීයකි.

අකීකරු හිමියනේ

අකීකරු හිමියනේ

මවක් සේ රකිමි ඔබ

අකීකරු හිමියනේ

මධු මතින් රත රැඳුණු නෙත් යුගල මට දෙන්න

සෙනෙහසේ සිහිල් නිල් දියෙන් පුරවාලන්න

අකීකරු හිමියනේ

බමන සිත සතපන්න හද යහන සදන්නට

ප්‍රේමයේ නාමයෙන් මදක් අවසර දෙන්න

අකීකරු හිමියනේ

මධු විතින් නොනිමි දුක් කුණාටුව මට දෙන්න

යළිදු හෙට උදෑසන මලක් සේ පිබිදෙන්න

අකීකරු හිමියනේ

මවක් සේ රකිමි ඔබ

අකීකරු හිමියනේ

ගායනය - මාලිනී බුලත්සිංහල

පද - සමන් අතාවුදහෙට්ටි

තනුව - එච්.එම්. ජයවර්ධන

කවුරුත් එන්නැති

කවුරුත් එන්නැති

කවුරුත් දන්නැති

මල් පෙති ඉහිරුණු මල් පාරේ

දවසක හමු වෙමු

හමු වී හිනැහෙමු

හිනැහී වැළපෙමු අපි ආයේ

සඳකැන් බොඳවුණු වලා කැදැල්ලේ

තරුකැට අහුරක සිනහා මෝදු කර

කඳුළින් ඉපැදුණු ඉන්ද්‍රචාපයේ

උදා නොවන සිහිනයක් දකින්නට

දවසක හමු වෙමු

හමු වී හිනැහෙමු

හිනැහී වැළපෙමු අපි ආයේ

සියොලඟ මිහිදුම් සළු අතුරාලා

මන්දාකිනියේ ඔබ හිනැහෙද්දී

උදා ලහිරු සේ මිහිදුම සඟවා

නොකී රහස් දෙණයනට කියන්නට

දවසක හමු වෙමු

හමු වී හිනැහෙමු

හිනැහී වැළපෙමු අපි ආයේ

කවුරුත් එන්නැති

කවුරුත් දන්නැති

මල් පෙති ඉහිරුණු මල් පාරේ

දවසක හමු වෙමු

හමු වී හිනැහෙමු

හිනැහී වැළපෙමු අපි ආයේ

ගායනය - විශාරද ගුණදාස කපුගේ

පද රචනය - සමන් අතාවුදහෙට්ටි

තනුව - එච්.එම්. ජයවර්ධන

ඉරි තැලුණු වලා

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

වටපිටේ සීරුවට
විදුලි ඇස් සිනාසේවී
නොරැවටී යන්න යමු
කහ ඉරෙන් එතර වීලා//

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

රිය පෙලේ කිරුළ හිමි
රජවරුන් අත වනාවී
බිම බලන් යන්න යමු
කහ ඉරත් රැලි වැටීලා //

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

ඉරි තැලුනු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ

යමු යමු යමු අපි
ඇවිද යමු ප්‍රේමියේ ...//

ගායනය - අමරසිරි පීරිස්
පද රචනය - සමන් අතාවුදහෙට්ටි
තනුව - තිස්සසිරි පෙරේරා

Iri Thelunu Wala - Amarasiri Peiris

මලක් උනේ ඇයි නුඹ මට

මලක් උනේ ඇයි නුඹ මට
ජීවිතයට සුවඳ සලන
එනමුදු සිප ගන්නට තහනම්
විලක් උනේ ඇයි නුඹ මට
ජීවිතයට සිසිල ඉසින
දිය දෝතක් බොන්නට තහනම්

පහන් තාරකාවක් සේ
ජිවිතයට මඟ කීවද
ඒ එළියෙන් මහද පහන්
දල්වනු කෙලෙසින් කියන්න

මලක් උනේ ඇයි නුඹ මට
ජීවිතයට සුවඳ සලන
එනමුදු සිප ගන්නට තහනම්
විලක් උනේ ඇයි නුඹ මට
ජීවිතයට සිසිල ඉසින
දිය දෝතක් බොන්නට තහනම්

සහන් ගීතිකාවක් සේ
ජීවිතයේ ගිම් නිව්වද
ඒ ගීයේ සොඳුරු වදන්
මුමුණනු කෙලෙසින් කියන්න

මලක් උනේ ඇයි නුඹ මට
ජීවිතයට සුවඳ සලන
එනමුදු සිප ගන්නට තහනම්
විලක් උනේ ඇයි නුඹ මට
ජීවිතයට සිසිල ඉසින
දිය දෝතක් බොන්නට තහනම්

ගායනය - අමරසිරි පීරිස්
පද රචනය - සමන් අතාවුදහෙට්ටි
තනුව - කළණි පෙරේරා

Malak Une Eiy Numba Mata - Amarasiri Peiris

කවුරුන්ද ඔබ මගේ

කවුරුන්ද ඔබ මගේ

කවුරුන්ද මා ඔබේ ....////

දෙතොල් සලා මුදු සිනහ නගන්නෙමු

දෙනෙත් පුරා පිරි කඳුළු සලන්නෙමු ...//

හදවත් ගැහෙනා රිද්මය අතරේ

සිතින් ගතින් එක්තැන් වී ඉන්නෙමු

කවුරුන්ද ඔබ මගේ

කවුරුන්ද මා ඔබේ ...//

ප්‍රේමය ගොළු වී හඬා වැටීලා

ඔබ හද මා හද රිදවන මොහොතේ ...//

ජීවිතයට හුරු පැරදුම හමුවේ

නොදොඩා ගොළුවී බලා සිටින්නෙමු

කවුරුන්ද ඔබ මගේ

කවුරුන්ද මා ඔබේ ...//

ගායනය - සුනිල් එදිරිසිංහ

පද - සමන් අතාවුදහෙට්ටි

තනුව - ආචාර්ය රෝහණ වීරසිංහ

1977 දී සිය ප්‍රථම EP තැටිය‍ෙන් මෙම ගීය දොරට වැඩියා.
1981  දී "චන්ද්‍ර මඬල" කැසට් පටයට ඇතුළත් වුණා. 1998 වසරේදී "සින්ග්ලංකා" සමාගමේ " නව රිද්ම  ගී සොළොස" සංයුක්ත තැටියට හා කැසට් පටයටත් නැවත 2001 වසරේදී "සින්ග්ලංකා" සමාගමේ " නෑසෙන ගී රස 2" සංයුක්ත තැටියට හා කැසට් පටයටත් ඇතුළත් වුණා.