ඈත හිනැහෙන තාරකාවී

ඈත හිනැහෙන තාරකාවී
සහන් එළියෙන් මඟ අසාගෙන
කතා කරනා ඔබේ නෙත් මත
මගේ රූ සිතුවම් මවන්නම්

නෙතට ළංවී හිඳින මොහොතේ
සුසුම් ලා ඉන්නේ කුමකටදෝ
වෙන කවුරුවත් නැති මං තලාවක
ඇවිදගෙන යමු නිසංසල යාමේ

ළදළු මුව මත සීත පින්නේ
ළහිරු එළියෙන් මුවාවී ගෙන
මගේ උණුසුම් සුසුම් සෙවණක
මිලින කඳුළක් හිනහුනාවේ

පවන් සලනා සොඳුරු මඳනල
මා හදේ රැන්දූ සෙනෙහසේ
ඔබ වාසනාවන් සුන්දරාවිය
දිවි තලාවේ අරුත දුන්නාදෝ

ඈත හිනැහෙන තාරකාවී
සහන් එළියෙන් මඟ අසාගෙන
කතා කරනා අපේ නෙත් මත
සොඳුරු සිතුවම් පෙමින් හමුවේ

ගායනය - යමුනා විනෝදනී සමග දයාරත්න පෙරේරා
පද - කුසුම් පීරිස්
තනුව - තිස්සසිරි පෙරේරා

තාරුකා හඬයි

තාරුකා හඬයි

කඳුළින් මගෙ දෙනෙත් තෙමෙයි

ආදරෙන් බැඳුණු හිත ළඟ

සඳ සුසුම් හෙළයි

සඳ සුසුම් හෙළයි ....//

අහස ඉකිගසයි

සුසුමින් සයුරු රළ බි‍ඳෙයි

ආදරෙයි කියූ දෙතොළම

ගොළු වෙලා සැළෙයි

ගොළු වෙලා සැළෙයි

තාරුකා හඬයි

කඳුළින් මගෙ දෙනෙත් තෙමෙයි

ආදරෙන් බැඳුණු හිත ළඟ

සඳ සුසුම් හෙළයි

සඳ සුසුම් හෙළයි

සඳත් මෝදු වෙයි

දෙනෙතේ කඳුළු පිනි රැඳෙයි

හෙටත් හිරු නැඟෙයි

ලෝකය සිහිනයක් නොවෙයි

සිහිනයක් නොවෙයි

තාරුකා හඬයි

කඳුළින් මගෙ දෙනෙත් තෙමෙයි

ආදරෙන් බැඳුණු හිත ළඟ

සඳ සුසුම් හෙළයි

සඳ සුසුම් හෙළයි

ගායනය - විශාරද ගුණදාස කපුගේ

පද රචනය - සමන් ගුණ හේරත්

තනුව - තිස්සසිරි පෙරේරා

මේ රුදුරු වන අරණේ

මේ රුදුරු වන අරණේ
සාවුන් වගේ
අප අපටම කළ පව පලදී
කිසි දා දැක නැතිවුන් පරිදී
හඳුනා නැතත් සිනාසෙමූ හඳුනණ සේ
මේ රුදුරු වන අරණේ
සාවුන් වගේ

හිස්වුණු හිස් ඇති තැන් සොයමී
මට ඇති එක හිස වුව පුදමී ..//
මුල මැද අග නුවණැස හඳුනගමී
සිහ වෙස් කැණහිළු පිටුදකිමී

හඳුනා නැතත් සිනාසෙමූ හඳුනණ සේ
මේ රුදුරු වන අරණේ
සාවුන් වගේ

කරුමය යැයි කියනා කියුමෙන්
උරුමය සැඟවෙයි යුග ගණනින් ..//
හඳුනාගත් දවසක අප කවුදැයි
අපටම දුක හිතෙනව නියතයි
හඳුනා නැතත් සිනාසෙමූ හඳුනණ සේ

මේ රුදුරු වන අරණේ
සාවුන් වගේ
අප අපටම කළ පව පලදී
කිසි දා දැක නැතිවුන් පරිදී
හඳුනා නැතත් සිනාසෙමූ හඳුනණ සේ
මේ රුදුරු වන අරණේ
සාවුන් වගේ

මේ රුදුරු වන අරණේ
සාවුන් වගේ

ගායනය - මහාචාර්ය සනත් නන්දසිරි
පද රචනය - ප්‍රියානන්ද විජේසුන්දර
තනුව - තිස්සසිරි පෙරේරා

කඳුළක් තලා

කඳුළක් තලා
මඟුල් මුදුවක් හදන්
නැකතක් අරන්
මම එන්නම්
දෙවුරක් පලා
හද දැවෙනා තරම්
නුඹට විතරක් බලන්නට දෙන්නම්

සයුරෙන් එහා
නිල් අහසින් මෙහා
ක්ෂිතිජේ ඉරේ හිස තියා
පැතුමේ වෙලී නෙතු පියා
හිරු මියෙනා පැයේ
නුඹ කඳුළක් දරාගෙන හිටියා

කඳුළක් තලා
මඟුල් මුදුවක් හදන්
නැකතක් අරන්
මම එන්නම්
දෙවුරක් පලා
හද දැවෙනා තරම්
නුඹට විතරක් බලන්නට දෙන්නම්

තරුවක් පුරා
මම කවියක් ලියා
සඳුගේ රැයට ඉඩ තියා
හිඳිනා වෙලේ දුක කියා
අපෙ හිතටත් හොරා
අප අපගෙන් දුරස් වී ගියා

කඳුළක් තලා
මඟුල් මුදුවක් හදන්
නැකතක් අරන්
මම එන්නම්
දෙවුරක් පලා
හද දැවෙනා තරම්
නුඹට විතරක් බලන්නට දෙන්නම්

ගායනය - කරුණාරත්න දිවුල්ගනේ
ලද රචනය - යමුනා මාලිනී පෙරේරා
තනුව - තිස්සසිරි පෙරේරා

හිරි පොද ඉවසන

හිරි පොද ඉවසන මලක් වගේ

තෙමි තෙමි යන්නේ පාර දිගේ

වහින්නෙ මල් වැහි දෝ

මල් වගෙ ඉන්නට පින් නැති දා

වැස්සට පින්නට හුරු වෙනවා

අහන්නෙ හොඳ නැතිදෝ

අහසෙ මාලිගා තනන්නෙපා

ඉහ මත දී කිරි මුට්ටිය බිමට පනී

ඉහ මත ඉර හඳ තියෙන තුරා

ඉහිරුණු කිරකට හඬමුද කුමට අපී

හිරි පොද ඉවසන මලක් වගේ

තෙමි තෙමි යන්නේ පාර දිගේ

වහින්නෙ මල් වැහි දෝ

මල් වගෙ ඉන්නට පින් නැති දා

වැස්සට පින්නට හුරු වෙනවා

අහන්නෙ හොඳ නැතිදෝ

වැල යන අතකට මැහි බැඳලා

එන කල දවසට ඉඩදී බලනු වටී

දෑස පෙනේ යන පාර තියේ

බැද්දට තැබු පය පස්සට ගනිමු අපී

හිරි පොද ඉවසන මලක් වගේ

තෙමි තෙමි යන්නේ පාර දිගේ

වහින්නෙ මල් වැහි දෝ

මල් වගෙ ඉන්නට පින් නැති දා

වැස්සට පින්නට හුරු වෙනවා

අහන්නෙ හොඳ නැතිදෝ

ගායනය - එඩ්වඩ් ජයකොඩි සහ මැණික් ජයසේකර

පද - ලූෂන් බුලත්සිංහල

තනුව - තිස්සසිරි පෙරේරා

පදාර්ථයට පණ කවා

පදාර්ථයට පණ කවා
කුසේ සඟවලා
කෙමෙන් පෙමෙන් මා අඹා
ලොවට බිහි කළා ...//

මගේ මෑණියනේ
දුකින් පිරි ලොවේ
මා නිබඳ දන්නා
නිවන ඔබමැ වේ ...//

පදාර්ථයට පණ කවා
කුසේ සඟවලා
කෙමෙන් පෙමෙන් මා අඹා
ලොවට බිහි කළා

මාතා යථා
නියං පුත්ථං කියා
මා ගයන ගාථා
ඔබට නිසිමැ වේ

ගායනය - එඩ්වඩ් ජයකොඩි
පද - මහාචාර්ය කාලෝ ෆොන්සේකා
තනුව හා සංගීතය - තිස්සසිරි පෙරේරා

සසරේ මහ සයුරේ

සසරේ මහ සයුරේ තනිවූ විට
ඔබ පහුරක් වූවා
කතරේ ජීවන ගැල පදවන දා
ඔබ තරුවක් වූවා
මා ආදර පිය ළඳුනේ

කරදර බාධක මඟ අහුරණ දා
සිනාසෙමිනි ඉදිරියට ගියේ
සම්පත පොදි බැඳ දොරට වඩින සඳ
කිසිදා ඔබ නැත උඩඟු වුණේ
මා ආදර පිය ළඳුනේ

බර උසුලා ගෙන යන මේ ගමනේ
සිව් මංසල් වල විඩා නිවා
ඔබ ළඟ නැති නම් ගමන නොයා හැක
අත්වැල සවියයි ඔබ ළඳුනේ
මා ආදර පිය ළඳුනේ

සසරේ මහ සයුරේ තනිවූ විට
ඔබ පහුරක් වූවා
කතරේ ජීවන ගැල පදවන දා
ඔබ තරුවක් වූවා
මා ආදර පිය ළඳුනේ

ගායනය - එඩ්වඩ් ජයකොඩි
පද - පී.බී. කවිරත්න
තනුව - තිස්සසිරි පෙරේරා

සක්විති වාගේ

සක්විති වාගේ සැරසීලා
සිතුවිලි සිව්රඟ සෙන් පිරිවරින් සදා
අවි ද බිම දමා
සෙනෙහසම සොයා
මං එනවා
විරසක දේවියේ මගේ
සක්විති වාගේ සැරසීලා
සිතුවිලි සිව්රඟ සෙන් පිරිවරින් සදා

රෑ සඳ එබිලා සිරි යහනේ
ඇසුවේ බිසව් ගැන තමා
හැර දා මා සිත බිඳිලා
සුකුමාර දේවි කිරුළ දා ගියා

සක්විති වාගේ සැරසීලා
සිතුවිලි සිව්රඟ සෙන් පිරිවරින් සදා

ගෙයි ගිණි ජාලා පිට නොදෙමූ
සොඳුරේ ඉතින් මින් මතු
ඉවසාලා අපි ඉඳිමු
කුල මාළිගාවෙ රාජධානියේ

සක්විති වාගේ සැරසීලා
සිතුවිලි සිව්රඟ සෙන් පිරිවරින් සදා
අවි ද බිම දමා
සෙනෙහසම සොයා
මං එනවා
විරසක දේවියේ මගේ
සක්විති වාගේ සැරසීලා
සිතුවිලි සිව්රඟ සෙන් පිරිවරින් සදා

ගායනය - එඩ්වඩ් ජයකොඩි
පද - යමුනා මාලිනී පෙරේරා
තනුව - තිස්සසිරි පෙරේරා

සිංහල කඳුළට දමිළ සුසුම් වල දුක දැනිලා

සිංහල කඳුළට දමිළ සුසුම් වල දුක දැනිලා
තල් වැට අද්දර සිංහල අවුරුදු සිරි මැවිලා
මාතර බෝධිය තල් කොළ තොරණට ඉඩ ඇරලා
යාපා පටුනේ සේරම පන්සල් දැන් වැහිලා

ඉස්සර රජවරු ඔටුන්න සිහසුන ගැන නොබලා
සිංහල සිරි ලක වෙනුවෙන් දිවි දුන් හැටි නොහිතා
සිංහල ලේ ඇති හෙළයන් හිවලුන් සේ හැදිලා
ලූලන් නැහැ දැන් වලවල් වල කණයින් පිරිලා

සිංහල කඳුළට දමිළ සුසුම් වල දුක දැනිලා
තල් වැට අද්දර සිංහල අවුරුදු සිරි මැවිලා
මාතර බෝධිය තල් කොළ තොරණට ඉඩ ඇරලා
යාපා පටුනේ සේරම පන්සල් දැන් වැහිලා

සපුමල් කුමරුත් ගැමුණු රජුත් යළි එයි කියලා
අලසව නිදියන නින්දෙන් හනිකට අවදිවෙලා
මැරුණත් නැගිටින සිංහල ජාතිය ගැන හිතලා
නැගිටිනු සිහලුනි නැගිටින්නට කල් ඇවිදිල්ලා ////

ගායනය - ජානක වික්‍රමසිංහ
පද රචනය - ආනන්ද හේවාරංහිඳගේ
තනුව හා සංගීතය - තිස්සසිරි පෙරේරා

බාල වයසින් මැරුණු ප්‍රේමය

බාල වයසින් මැරුණු ප්‍රේමය
හොවාගෙන ළමැදේ
දොරින් දොර යන ප්‍රේමවන්තිය
කිසාගෝතමියේ
කිසාගෝතමියේ

අනන්තයෙ ඈත දුර
නිම්තෙර තාරකා එළියේ
ඔබේ වැළපුම් ඉකිබිඳුම් හඬ
රැවි දිදී පැතිරේ
පෙමින් පැරදුණු පෙමිවතුන්මය
පාර තොට දෙපසේ
පාර තොට දෙපසේ

බාල වයසින් මැරුණු ප්‍රේමය
හොවාගෙන ළමැදේ
දොරින් දොර යන ප්‍රේමවන්තිය
කිසාගෝතමියේ
කිසාගෝතමියේ

දිනා කුළුඳුල් සෙනේ
සැනසුම් සුසුම් හෙළු අයගේ
සුසුමකින් යළි පණ ලබනු ඇති
ආදරය ඔබගේ
එවන් සැනසුම් සුසුම් කොතැනක
හමුවේද සසරේ
හමුවේද සසරේ

බාල වයසින් මැරුණු ප්‍රේමය
හොවාගෙන ළමැදේ
දොරින් දොර යන ප්‍රේමවන්තිය
කිසාගෝතමියේ
කිසාගෝතමියේ

ගායනය - නි‍රෝෂා විරාජිනී
පද රචනය - රත්න ශ්‍රී විජේසිහ
තනුව - තිස්සසිරි පෙරේරා

අනේ හාන්දුන්නේ

අනේ හාන්දුන්නේ
දුක කියා පාන්නට දොර පිල අසලින් ඉන්නේ
ගාඩි ඇත්ති මං
පින්කඳ මට අවසර දෙන්නේ
අනේ හාන්දුන්නේ

වැරිසල් ඉනකඩ ඉන වට තඹ තැටි අත රැඳෙනා //
හෙළනා සුසුමින් පණ ලැබ රවුමට කරකැවෙනා

අනේ හාන්දුන්නේ
දුක කියා පාන්නට දොර පිල අසලින් ඉන්නේ
ගාඩි ඇත්ති මං
පින්කඳ මට අවසර දෙන්නේ
අනේ හාන්දුන්නේ

වේවැල් පතුරට හීරෙණ ඇඟිලි තුඩින් මැවෙනා //
ජීවිතයෙන් රටා අරන් වට්ටි පෙට්ටි වියනා

අනේ හාන්දුන්නේ
දුක කියා පාන්නට දොර පිල අසලින් ඉන්නේ
ගාඩි ඇත්ති මං
පින්කඳ මට අවසර දෙන්නේ
අනේ හාන්දුන්නේ

ගායනය - නි‍රෝෂා විරාජිනී
පද රචනය - රෝහණ දන්දෙණිය
තනුව - තිස්සසිරි පෙරේරා

දුර ඈත ඡීවිතේ

දුර ඈත ඡීවිතේ
පිපිසේ අවාරයේ
ඒ ආදරේ සැලේ
වේදනා මාරුතේ ..//

දෑසේ වෙලී ඔබේ
ආරාධනා මැවේ ...//
මසිතේ ගලා හැලේ
සිහිනේ අතීතයේ

දුර ඈත ඡීවිතේ
පිපිසේ අවාරයේ
ඒ ආදරේ සැලේ
වේදනා මාරුතේ

මා ඒ අතීතයේ
ඈ හා මුලා වෙලා ..//
පිදු ඒ ස්නේහයේ
සිත මා බීදී ගියේ

දුර ඈත ඡීවිතේ
පිපිසේ අවාරයේ
ඒ ආදරේ සැලේ
වේදනා මාරුතේ

දුර ඈත ඡීවිතේ

ගායනය - ලක්ෂ්මන් විජේසේකර
පද රචනය - කුලරත්න ආරියවංශ
තනුව - තිස්සසිරි පෙරේරා

Anyone who has the link can play this song in your "Smart Phone"

නිසල කඳු මුදුන් පිබිදී

නිසල කඳු මුදුන් පිබිදී මීදුම් මල් පිපෙනා
සිහිල් දිය ඉරක් විය ඔබ උදෑසනක ගලනා ...//

බක්මී මල් රේණු හැදී මාරුතයේ නටනා
ජීවිතයේ සැන්දෑවක සමීපයේ හිඳිනා
සෙනෙහස ඔබ පමණි

නිසල කඳු මුදුන් පිබිදී මීදුම් මල් පිපෙනා
සිහිල් දිය ඉරක් විය ඔබ උදෑසනක ගලනා

කණාමැදිරි මල් පිබිදී රැයක අඳුර හඬනා
ජීවිතයේ විරාමයක ඔබ සැතපුණු සැණිනා
මතකය ඔබ පමණි

නිසල කඳු මුදුන් පිබිදී මීදුම් මල් පිපෙනා
සිහිල් දිය ඉරක් විය ඔබ උදෑසනක ගලනා ..//

ගායනය - ලක්ෂ්මන් විජේසේකර
පද රචනය - ජයලත් මනෝරත්න
තනුව හා සංගීතය - තිස්සසිරි පෙරේරා

සඳ කඩා වැටී වෙරළේ

සඳ කඩා වැටී වෙරළේ
තරු පිපී රැයෙක සයුරේ
සැඩ සුළං නොමැති අහසේ
ලොව නිසොල්මනේ නැවතී ..//

ලිය ලතා පවනෙ හිනැහී
තුරු බඳෙහි වෙලී පැටලී
පෙර දිනෙක නොවූ පරිදී
මේ අසිරිමත්වු දිනෙකී

සඳ කඩා වැටී වෙරළේ
තරු පිපී රැයෙක සයුරේ
සැඩ සුළං නොමැති අහසේ
ලොව නිසොල්මනේ නැවතී

සඳ තරුද වැසුණ රැයෙහී
ලොව මෙලෙස සොඳුරු වූයේ
මා ලද නිසාද ඔබගේ
ආදරය දිනෙක සැඟවූ

සඳ කඩා වැටී වෙරළේ
තරු පිපී රැයෙක සයුරේ
සැඩ සුළං නොමැති අහසේ
ලොව නිසොල්මනේ නැවතී

ගායනය - ලක්ෂ්මන් විජේසේකර
පද රචනය - ජයලත් මනෝරත්න
තනුව හා සංගීතය - තිස්සසිරි පෙරේරා

මුර දේවතාවී

මුර දේවතාවී
පියෙන නෙතු දොර අසල නොනිදන්නා
නෙතු අරින විට
දෙතොලෙ සැක පෙන්නා
නොනිදා
ප්‍රේමයේ නිදන් රැක උන්නා
මුර දේවතාවී
මසිත නුඹ ගැන තවම ළතවෙන්නා
මුර දේවතාවී

නෙතෙහි පතුළේ නුඹ නිසා
නෙත් පියන්නත් බැරිවී ගියා
මුවට දොරගුලු ලා මගේ
ආදරෙන් සිත දොඩමළු කළා

මුර දේවතාවී
පියෙන නෙතු දොර අසල නොනිදන්නා
මුර දේවතාවී

නුඹට දුන් මගෙ ජීවිතේ
අද කාට දෙන්නද හිත පුරා
කෙලෙස මා මගහැර ගියේ
ආදරේ මට විතරයි කියා

මුර දේවතාවී
පියෙන නෙතු දොර අසල නොනිදන්නා
නෙතු අරින විට
දෙතොලෙ සැක පෙන්නා
නොනිදා
ප්‍රේමයේ නිදන් රැක උන්නා
මුර දේවතාවී
මසිත නුඹ ගැන තවම ළතවෙන්නා
මුර දේවතාවී

ගායනය - අමරසිරි පීරිස්
පද රචනය - යමුනා මාලිනී පෙරේරා
තනුව - තිස්සසිරි පෙරේරා

Anyone who has the link can play this song in your "Smart Phone"

ඉරි තැලුණු වලා

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

වටපිටේ සීරුවට
විදුලි ඇස් සිනාසේවී
නොරැවටී යන්න යමු
කහ ඉරෙන් එතර වීලා//

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

රිය පෙලේ කිරුළ හිමි
රජවරුන් අත වනාවී
බිම බලන් යන්න යමු
කහ ඉරත් රැලි වැටීලා //

ඉරි තැලුණු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ
සෙනග රවටමිනේ

ඉරි තැලුනු වලා
උඩු වියන් යටින්
මුදු තාර ඇතිරිල්ලේ
යමු යමු යමු අපි
ඇවිද යමු ප්‍රේමියේ

යමු යමු යමු අපි
ඇවිද යමු ප්‍රේමියේ ...//

ගායනය - අමරසිරි පීරිස්
පද රචනය - සමන් අතාවුදහෙට්ටි
තනුව - තිස්සසිරි පෙරේරා

Iri Thelunu Wala - Amarasiri Peiris