පූජ්‍යපාද රඹුකන සිද්ධාර්ථ ස්වාමින් වහන්සේ අපවත් වෙලා.
විශාරද නන්දා මාලනී මහත්මියත් දිවි ගමන නිමා කළා.
දෙපළම සිංහල ගී කෙත අස්වද්දන්න කළ මෙහෙය අපමණයි.
කිවියර යතිවර රඹුකන සිද්ධාර්ථ ස්වාමින් වහන්සේටත්, සංගීතවේදිනී ආචාර්ය නන්දා මාලනී මැතිනියටත් උපහාරයක් ලෙස දෙදෙනාම එක්ව කළ ගී නිර්මාණ දෙකක් ගෙන එනවා.
1. රෑ සඳ අහස් ගඟෙන්
රෑ සඳ අහස් ගඟෙන්
ගෙනා සිසිල මහ පොළොවට
හිමිදිරයේ පිණි කැට සේ
දිළිසෙන විට ළා තණ මත
සිහිවෙන්නේ මට අම්මාමයි
අම්මේ හොරෙන් හැඬූ කඳුළු කොයි තරම්
කඳුළු කොයි තරම්
කුලී වැඩපොළෙන් එතෙරව
වෙළී දරු දුකෙන් දිව යන
මැණික් මාලිගාවකි නුඹ සසර සාගරේ
සැළී තන කිරෙන් සැතපුව
හුදී ජන පහන් කරඬුව
කඳුළු මාලිගාවකි නුඹ සසර මාවතේ
සසර මාවතේ
රෑ සඳ අහස් ගඟෙන්
ගෙනා සිසිල මහ පොළොවට
හිමිදිරයේ පිණි කැට සේ
දිළිසෙන විට ළා තණ මත
සිහිවෙන්නේ මට අම්මාමයි
අම්මේ හොරෙන් හැඬූ කඳුළු කොයි තරම්
කඳුළු කොයි තරම්
බදා හදවතින් දරු දුක
නිවා දූ පුතුන් ළය දුක
නෙළා ගෙන බැණුම්
වී පොරි රැයේ හාමතේ
වලාවෙන් මිදී සඳ ලෙස
දයාවෙන් වෙළී ගෙට එන
කුලී මාලිගාවකි නුඹ සසර ජීවිතේ
සසර ජීවිතේ
රෑ සඳ අහස් ගඟෙන්
ගෙනා සිසිල මහ පොළොවට
හිමිදිරයේ පිණි කැට සේ
දිළිසෙන විට ළා තණ මත
සිහිවෙන්නේ මට අම්මාමයි
අම්මේ හොරෙන් හැඬූ කඳුළු කොයි තරම්
කඳුළු කොයි තරම්
ගායනය - නන්දා මාලනී
පද - පූජ්‍ය රඹුකන සිද්ධාර්ථ හිමි
තනුව - රෝහණ වීරසිංහ
මලේ සුවඳ වාගේ මල මතම රැඳී
විලේ ජලය වාගේ විල තුළම රැඳී
සඳේ සදාතන ආදර සිසිල වැදී
අපේ ආදරේ පවතී සුවඳ දිදී
කල්ප කාල මං තල වල හිනාවෙවී
කල්ප කාල දුර ආවා වෙනස් නොවී
සෙනේ සිතින් ළඟ ඉඳගෙන කතාවෙවී
පැතූ පැතුම් මල් වරුසා හෙටත් වහී
හිතේ වෙළෙන ළෙන්ගතුකම කියාදිදී
පෑව සිනා දුටු දා සිට පෙමින් වෙළී
මහාමෙරක් සේ මා සිත නොහැර සිටී
නුඹෙන් තොරව ආදරයක් සිතනු බැරී
මලේ සුවඳ වාගේ මල මතම රැඳී
විලේ ජලය වාගේ විල තුළම රැඳී
සඳේ සදාතන ආදර සිසිල වැදී
අපේ ආදරේ පවතී සුවඳ දිදී
ගායනය - නන්දා මාලනී
පද - පූජ්‍ය රඹුකන සිද්ධාර්ථ හිමි
තනුව - නන්දා මාලනී
