මලයි බිඟුයි

මලයි
බිඟුයි
යා වෙන සේ
අපි දෙන්නගෙ මේ සෙනෙහේ
ඔබ මානෙල් කුසුමයි
ඔබ ලා හිරු මඬලයි
ඔබ මානෙල් කුසුමයි
ඔබ ලා හිරු මඬලයි

ගිරගින් හෙමිහිට ගලනා
සීතල නිල් දිය දහරට
සිසිලස ඔය හද මඬලින්
දෙනු මැන මා පිය ළඳුනේ
පිය ළඳුනේ

මලයි
බිඟුයි
යා වෙන සේ
අපි දෙන්නගෙ මේ සෙනෙහේ
ඔබ මානෙල් කුසුමයි
ඔබ ලා හිරු මඬලයි
ඔබ මානෙල් කුසුමයි
ඔබ ලා හිරු මඬලයි

හිඳින්න ළදැරියක වගේ
හැමදා ඔබෙ තුරුල්ලේ
දෙමාපියන් සේ ළංවී
ඉන්නකො මා පිය සබඳේ
පිය සබඳේ

මලයි
බිඟුයි
යා වෙන සේ
අපි දෙන්නගෙ මේ සෙනෙහේ
ඔබ මානෙල් කුසුමයි
ඔබ ලා හිරු මඬලයි
ඔබ මානෙල් කුසුමයි
ඔබ ලා හිරු මඬලයි

ගායනය - එඩ්වඩ් ජයකොඩි සහ නිරෝෂා විරාජිනී
පද - නන්දා උඩවත්ත
තනුව - සිරිල් පෙරේරා

අර සඳ පළුවෙන්

අර සඳ පළුවෙන්
නුඹව පෙනෙයි
පාළු සිතේ විඩා නිවෙයි
මේ සුවිසල් පුර තනිව ඉන්නට
මට ඔය සිත සවිය ගෙනෙයි ...//

තුරු හිස සිඹ සිඹ
වැද මද නළ
මුමුණන විට ගී සවනට ...//
අපි ඇල් හේනේ පැල් මැස්සේ
ගැයූ ගීත එයි සිහියට
හිත වාවනු බැරි වී එන්නට
හිතුනත් ආපසු ගම රට
හෙට අදට වඩා හොඳ වේ යැයි
කොඳුරයි රහසින් යටි හිත

අර සඳ පළුවෙන්
නුඹව පෙනෙයි
පාළු සිතේ විඩා නිවෙයි
මේ සුවිසල් පුර තනිව ඉන්නට
මට ඔය සිත සවිය ගෙනෙයි

අග හිඟ මාලය ගෙල ලාගෙන
දුක විඳින්න බැරි හින්දම ...//
මට වෙස්සන්තර රජු වාගේ
දරු දන්දෙනු බැරි හින්දම
පෙර සෙනෙහෙ සිතින් අපි දෙන්නා
උන් හැටි සිහියට අරගෙන
හොඳ පරිස්සමින් මං එනතුරු
ඉන්නවා නේද මගෙ රන් කඳ

අර සඳ පළුවෙන්
නුඹව පෙනෙයි
පාළු සිතේ විඩා නිවෙයි
මේ සුවිසල් පුර තනිව ඉන්නට
මට ඔය සිත සවිය ගෙනෙයි

ගායනය - සේනානායක වේරලියද්ද
පද - නන්දා උඩවත්ත
තනුව - ජානක ෆොන්සේකා

නන්දනීය පෙම

නන්දනීය පෙම සැඩ රළු දියඹ වෙස් වලා

නින්ද පාවෙලා නෙතදර නුඹ හරස් වෙලා

නන්දනීය පෙම සැඩ රළු දියඹ වෙස් වලා

නින්ද පාවෙලා නෙතදර නුඹ හරස් වෙලා

කෙන්ද කන්ද වී ලෝකයෙ නෙත විවර වෙලා

අන්ද මන්ද වී සිත්මල් තැලී පොඩි වෙලා

බැන්ද පෙම් රැහැන් එකිනෙක ලිහී ගිලිහිලා

මන්ද මේ මුසා බසකට ඔබ මුලාවෙලා //

නන්දනීය පෙම සැඩ රළු දියඹ වෙස් වලා

නින්ද පාවෙලා නෙතදර නුඹ හරස් වෙලා

ලන්ද වන පෙතේ කෝකිල ගැයුම ‍ගොළුවෙලා

මන්දහාසයෙන් පිපි මුව මඬල මැලවිලා

දැන්ද සුව ගෙනේ විඳි සුව හදට ළංවෙලා

සුන්දරයි කියා පැතු හැම දෙයම සුන්වෙලා //

නන්දනීය පෙම සැඩ රළු දියඹ වෙස් වලා

නින්ද පාවෙලා නෙතදර නුඹ හරස් වෙලා

නන්දනීය පෙම සැඩ රළු දියඹ වෙස් වලා

නින්ද පාවෙලා නෙතදර නුඹ හරස් වෙලා

ගායනය - සේනානායක වේරලියද්ද

පද - නන්දා උඩවත්ත

තනුව - සිරිල් පෙරේරා