කඳුළු විලේ

කඳුළු විලේ

තරඟ දැලේ

පිපෙනා සිනා මල් ළඳුනේ

හද මඬලේ

සඳළු තලේ

දිලෙනා නිශා මධු සඳුනේ ....//

සිහින දනව්වේ

අඳුරු ඉසව්වේ

ඔබ දෑස තරු බැබළේවා ....//

ඒ තරු කිරණේ

මඟ හෙළිවන්නේ

හදේ විඩා තැවුල් නිවේවා

කඳුළු විලේ

තරඟ දැලේ

පිපෙනා සිනා මල් ළඳුනේ

හද මඬලේ

සඳළු තලේ

දිලෙනා නිශා මධු සඳුනේ

සිතැඟි කොදෙව්වේ

සුදු මුතු පව්වේ

ඔබ දෑත මට ළංවේවා .....//

ආ දුරු කතරේ

ඉම හමුවන්නේ

හදේ විඩා තැවුල් නිවේවා

කඳුළු විලේ

තරඟ දැලේ

පිපෙනා සිනා මල් ළඳුනේ

හද මඬලේ

සඳළු තලේ

දිලෙනා නිශා මධු සඳුනේ

ගායනය - දමයන්ති ජයසූරිය සමග සුනිල් එදිරිසිංහ

පද - කුලරත්න ආරියවංශ

තනුව - ආචාර්ය රෝහණ වීරසිංහ

1991 දී “හිරුට මුවාවෙන්” නමින් නිකුත්වූ සංයුක්ත තැටියට මේ ගීය ඇතුළත් විය.

සැඳෑ මූදු රැල්ලේ මුවාවී

සැඳෑ මූදු රැල්ලේ මුවාවී

ඔබයි ඈත ක්ෂිතිජේ හිඳින්නේ

වෙරළේ කොණේ ඉකිබිඳිමින් මෙසේ //

අපේ ආදරේ කිම හඬන්නේ

හා ආආආ....

හා ආආආ....

දවසක් මෙවන් සතුටෙන් නෑවෙමින්

මුතු බින්දු පෙණ මල් මතින්

කොඳුරා සෙමින් පෙර නොකියූ කතා

අපි ගියෙමු අත්වැල්බැඳන්

දෙනුවන් පියා

මුව මුව ළංවුණා

සෙනෙහේ හැඟුම්

දෙතොලේ හැංගුණා

දැන් වගේ මතකයි

සැඳෑ මූදු රැල්ලේ මුවාවී

ඔබයි ඈත ක්ෂිතිජේ හිඳින්නේ

වෙරළේ කොණේ ඉකිබිඳිමින් මෙසේ //

අපේ ආදරේ කිම හඬන්නේ

හමනා සුළං රළ හෝ හෝ ගගා

මේ පාළුවේ කාන්සියේ

මගෙ දෑස හා හිත හඬවා තියා

ඔබ ඉන්න දෙසටයි ගියේ

කවදාක හෝ යළි කවදා හරී

හමුවේවිදෝ අප මේ වෙරළෙදී

හැබැහින් නැතිනම් සිහිනෙන්

සැඳෑ මූදු රැල්ලේ මුවාවී

ඔබයි ඈත ක්ෂිතිජේ හිඳින්නේ

වෙරළේ කොණේ ඉකිබිඳිමින් මෙසේ //

අපේ ආදරේ කිම හඬන්නේ

ගායනය - දමයන්ති ජයසූරිය

පද - ආචාර්ය අජන්තා රණසිංහ

තනුව හා සංගීතය - කීර්ති පැස්කුවල්

තැපැල් පියුම් මාමේ

මුද්දර අලවපු ලියුම් ගොඩක් ගෙන උදේම අවදිවෙලා

බයිසිකලේ නැග ගෙන් ගෙට ඇවිදින තැපැල් පියුම් මාමේ

මට ලියුම් ගොඩාක් ඕනේ

තොරතුරු කියලා පොඩි සාමා ගැන ලියාපු ලියුමක් ලොකු මාමා //

තැපෑලෙ දැම්මලු තව නැහැ ලැබුණේ තැපැල් පියුම් මාමේ //

මුද්දර අලවපු ලියුම් ගොඩක් ගෙන උදේම අවදිවෙලා

බයිසිකලේ නැග ගෙන් ගෙට ඇවිදින තැපැල් පියුම් මාමේ

මට ලියුම් ගොඩාක් ඕනේ

ලියුම් බෙදන අපෙ ගම්මානේ

ඉරිදා හැර දිනයක් ගානේ ....//

අනේ අනේ මේ අහන්න හොඳහැටි

තැපැල් පියුම් මාමේ

පුංචි අපට ඉඳහිටවත් ලියුමක් දීලා යන්න අනේ //

මුද්දර අලවපු ලියුම් ගොඩක් ගෙන උදේම අවදිවෙලා

බයිසිකලේ නැග ගෙන් ගෙට ඇවිදින තැපැල් පියුම් මාමේ

මට ලියුම් ගොඩාක් ඕනේ ////.

ගායනය - දමයන්ති ජයසූරිය

පින්තූරය ලේක්හවුස් ආතනයෙනි.

හූනු සාත්තර කාරයෝ

ගෙයි මැද සාලේ

බිත්තිය අයිනේ

ටික් ටික් ටුක් ටුක් කියා හඬනවා

හූනු සාත්තර කාරයෝ

හූනු සාත්තර කාරයෝ

හූනු සාත්තර කාරයෝ

හූනු සාත්තර කාරයෝ

ගෙයි මැද සාලේ

බිත්තිය අයිනේ

ටික් ටික් ටුක් ටුක් කියා හඬනවා

අනාගතය ගැන පේන කියනවද?

අනාගතය ගැන පේන කියනවද?

බිත්ති කොනේ නිදිකිරා වැටෙනවද?

හූනු සාත්තර කාරයෝ

හූනු සාත්තර කාරයෝ

අල්ලේ රේඛා හඳහන් නොබලා

අල්ලේ රේඛා හඳහන් නොබලා

පේන කියන්නට කවුද ඉගැන්නුවෙ?

හූනු සාත්තර කාරයෝ

හූනු සාත්තර කාරයෝ

ඉරටු කෑල්ලක බත් ඇට අමුණා

ඉරටු කෑල්ලක බත් ඇට අමුණා

උඹට දෙන්න මං මෙන්න ගෙනාවා

හූනු සාත්තර කාරයෝ

හූනු සාත්තර කාරයෝ

හූනු සාත්තර කාරයෝ///

ගායනය - දමයන්ති ජයසූරිය

පද රචනය - ලයනල් අල්ගම

තනුව - ලයනල් අල්ගම

හොර පූසෙක්

හොර පූසෙක් (ම්යෑව් ම්යෑව්)

බටු මීයෙක් කටස් කටස්...//

හොර පූසියි බටු මීයයි තර‍ඟෙට දිවුවා

පූසි වැටිල කිරි හැළියක

මීය වැටිල පැණි හැළියක

අපට හරි හිනා//

හොර පූසෙක් (ම්යෑව් ම්යෑව්)

බටු මීයෙක් කටස් කටස්...//

පැණි බී මත්වුන මීයා

පරාලෙ උඩ වැනි වැනි උනි...//

මට දැන් අහුවුනොත් ඒකා

මං එළෙව්ව හොර පූසා

කීතු කීතු වලට ඉරා

වීසි කරනවයි කීවා...//

මේක ඇහිලා හොර පූසා

කිරි හැළියෙන් ඉහ උස්සා...//

බැලුවා විතරයි පූසෙක්

වහළෙන් පහළට වැටිලා

තඩි වංගෙඩියක හැපිලා...//

මහ තඩි වංගෙඩි පතයක්

කකුල ටිකක් උස්සාගෙන...//

බටු මීයට හැංගෙන්නට ගැනක් කියනවා

හොර පූසී කේන්තියෙන් ඌව හොයනවා...//

හොර පූසී කේන්තියෙන් ඌව හොයනවා////

ගායනය - දමයන්ති ජයසූරිය

පද රචනය - මහාචාර්ය සුනිල් ආරියරත්න

තනුව - අඥාතයි

තටු ගසා ඉගිල්ලෙන්නට

තටු ගසා ඉගිල්ලෙන්නට

අලුත් පියපත් වරම් ලැබුණා

අලුත් පියපත් වරම් ලැබුණා

අහස් මාළිග සොයා ඉතින් යමු

සිනිඳු නාඹර කිරිල්ලියනේ

සිනිඳු නාඹර කිරිල්ලියනේ

තොල් පොපියනවා

සිනාසෙන්නට

නෙත් නැටවෙනවා

ඉඟි කරන්නට

සිව් සිය ගව් උස මංගල මණ්ඩපයේ

සිව් සිය ගව් උස මංගල මණ්ඩපයේ

සිව් දෙසින් ආ කුමර වළල්ලේ

රුවින් උතුම් කුමරී

ස්වයංවරය වෙත පිය නඟනා

ස්වයංවරය වෙත පිය නඟනා

උනුන් හඹා

තරඟ වදිනා

දිනූ තැනැත්තෝ

ඔටුණු දරණා

ඒ දිස්නෙන් ඇස් නිලංකාරවූ දා

ඒ දිස්නෙන් ඇස් නිලංකාරවූ දා

මං මුලාවැල් පෑගුණු වැන්නේ

රුවින් උතුම් කුමරී

දොර නාරින් නුඹ අමල්බිසෝ

දොර නාරින් නුඹ අමල්බිසෝ

තටු ගසා ඉගිල්ලෙන්නට

අලුත් පියපත් වරම් ලැබුණා

අලුත් පියපත් වරම් ලැබුණා

අහස් මාළිග සොයා ඉතින් යමු

සිනිඳු නාඹර කිරිල්ලියනේ

සිනිඳු නාඹර කිරිල්ලියනේ

සිනිඳු නාඹර කිරිල්ලියනේ

සිනිඳු නාඹර කිරිල්ලියනේ ..////..

ගායනය - එඩ්වඩ් ජයකොඩි සහ දමයන්ති ජයසූරිය

පද - ආචාර්ය අජන්තා රණසිංහ

තනුව හා සංගීතය - ආනන්ද පෙරේරා

ගැහැණු ළමයි ටෙලි වෘතාන්තයෙනි.

කඳුළින් අවසන් වන

ආ...ආ ආ
ආ ආ ආ...
ම්ම්...ම්ම්ම්
ම්ම්ම් ම්..
කඳුළින් අවසන්වන පෙම් පුවතක
හෙට දවසක් නොගෙනෙනු මැන පෙම්වත
මේ මල් යෞවනයේ....//

හිරකරළනු බැරි සෙනේ හැඟුම් දිය
උතුරා පිටාර යයි
දෙනෝදහක් ඇස් වලින් රිදුම් ලැබ
පෙම් සිත් බලා හිඳී
උහුලා ගනු හැකි වෙද මේ සෙනෙහස
සිඳී බිඳී යා නම්

කඳුළින් අවසන්වන පෙම් පුවතක
හෙට දවසක් නොගෙනෙනු මැන පෙම්වත
මේ මල් යෞවනයේ

සිහිලස රැඳි තුරු ලතා ගුලාවක
සඟවා මා පැතුමන්
පියා සරන්නට එපා බිඟුන් ලෙස
රහසින් දැක අන් මල්
උහුලා ගනු හැකි වෙද ඔබ උණුහුම
නිවී මැකී යා නම්

කඳුළින් අවසන්වන පෙම් පුවතක
හෙට දවසක් නොගෙනෙනු මැන පෙම්වත
මේ මල් යෞවනයේ ...//

ම්ම්...ම්ම්ම් ම්ම් ම්ම්..

ගායනය - දමයන්ති ජයසූරිය
පද රචනය - වසන්ත කුමාර කොබවක
තනුව - රෝහණ වීරසිංහ