බා ලොලි ලොලි

Ba Loli Loli - Amara Ranathunga

සමාධි බුදු සිසිලේ

සමාධි බුදු සිසිලේ ගලා එන
අමා දහම් ගඟුලේ
සමාධි බුදු සිසිලේ

නිවී නිවී මා
නෙත සිත සැනසේ
සවන් සමිඳු සෙවණේ
නිසංසල මහමෙවුනා උයනේ

මුදු බුදු හසරැල්ලේ
නටා යන
පහන් සිලෙක කැල්මේ
නිවේ නිවේ හද
සනරාමර හිමි
දෙනුවන් අග බැල්මේ
දෙනුවන් අග බැල්මේ

සමාධි බුදු සිසිලේ ගලා එන
අමා දහම් ගඟුලේ
සමාධි බුදු සිසිලේ

නිවී නිවී මා
නෙත සිත සැනසේ
සවන් සමිඳු සෙවණේ
නිසංසල මහමෙවුනා උයනේ

වැඩ හිඳ විදුරසුනේ
සැඳෑ සුව දෙන සිහිලැල් අරණේ
නිවා නිවා හද
සැඟවුණු අරුතක්
කියන්න මට සමිඳේ
කියන්න මට සමිඳේ

සමාධි බුදු සිසිලේ ගලා එන
අමා දහම් ගඟුලේ
සමාධි බුදු සිසිලේ

ගායනය - මහාචාර්ය අමරා රණතුංග
පද - සුනිල් සරත් පෙරේරා
තනුව - දයාරත්න රණතුංග

Samadhi Budu Sisile - Amara Ranathunga

දොං තරිකිට

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

කඳුවැටියෙන් බැස එනා
මිටියාවත රඟදෙනා
නෙත් නිදි ගැට දුරලනා
හිරු එළියෙන් පිබිදුණා ...//

රන් දේදුනු නම නමා
රන් බැණින් සැරසිලා
දුල් නිලඹර සැරි සරා
හිරු එත සිතු සනසලා
හිරු එත සිතු සනසලා ....//

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

සිත් මත් කරවන ලෙසේ
දෙත් ගී සියොතුන් තොසේ
පිපි වනමල් තුරු හිසේ
මිහිලොල් බිඟු දැල් බැඳේ ...//

සමනොල හිම ගිරි හිසේ
සේවය කර එන මෙසේ
රැස් දිය හිරු හදවතේ
දුක් බිය සැක දුරලතේ
දුක් බිය සැක දුරලතේ ...//

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

දොං තරිකිට දොං තරිකිට දොං තරිකිට තා
දොං තරිකිට දොං තරිකිට දොං තරිකිට තා

ගායනය - මහාචාර්ය අමරා රණතුංග සමග පණ්ඩිත් ඩබ්.ඩී. අමරදේව සහ පිරිස
පද - සුනිල් සරත් පෙරේරා
තනුව - ආචාර්ය දයාරත්න රණතුංග


Don Tharikita - Pandith W.D.  Amaradewa with Prof. Amara REanathunga

සැන්දෑ අහසේ ඉරට මුවාවෙන්

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා ...//
සැන්දෑ අහසේ

ඈත අතීතෙන්
පියවර නඟමින්
කණ වැල අල්ලන්
කවුදෝ එනවා

බලාපොරොත්තුව ළයට තුරුලු වී
ඈ එන පෙරමඟ බලා හිඳිනවා

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා
සැන්දෑ අහසේ

දුකට මිහිර දෙන
පාළුව තනිකම
මා වට දැවටී කඳුළු සලනවා

අදත් එදා මෙන්
නුපුබුදු සුවඳක්
ඒ අතරේ මා වෙතට දැනෙනවා

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා ...//
සැන්දෑ අහසේ

ගායනය - ආචාර්ය දයාරත්න රණතුංග
පද - සුනිල් සරත් පෙරේරා
තනුව - ආචාර්ය දයාරත්න රණතුංග

පැරණි ගීය

 
නව ගීය

 
නව ගීයට අදාල පද වැල

Rap Part
ආ ආ ආ...

ආ ආ ආ...

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා ...//
සැන්දෑ අහසේ

Rap Part (ආ ආ ආ...)
Rap Part cont (ආ ආ ආ...)

ඈත අතීතෙන්
පියවර නඟමින්
කණ වැල අල්ලන්
කවුදෝ එනවා

Rap Part

ඈත අතීතෙන්
පියවර නඟමින්
කණ වැල අල්ලන්
කවුදෝ එනවා

Rap Part

බලාපොරොත්තුව ළයට තුරුලු වී
ඈ එන පෙරමඟ බලා හිඳිනවා

ආ ආ ආ...

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා
සැන්දෑ අහසේ

Rap Part (ආ ආ ආ...)
Rap Part cont

දුකට මිහිර දෙන
පාළුව තනිකම
මා වට දැවටී කඳුළු සලනවා

අදත් එදා මෙන්
නුපුබුදු සුවඳක්
ඒ අතරේ මා වෙතට දැනෙනවා

ආ ආ ආ...

සැන්දෑ අහසේ
ඉරට මුවාවෙන්
කාලය කවුළු දොරින් මිය යනවා ...//
සැන්දෑ අහසේ

ආ... ආආ...
ආ ආ ආ... ආ...
ආ... ආආ...
ආ ආ ආ... ආ...

Sendea Ahase - Dayarathna Ranathunga

රම්‍ය වන ගැබ

රම්‍ය වන ගැබ හුදෙකලා

දෙහද පෙම් රස කැළඹිලා

දුකට පිණි කඳුළක් සලා

මගේ පුන් සඳ ගොළු වෙලා

රම්‍ය වන ගැබ හුදෙකලා

දෙහද පෙම් රස කැළඹිලා

දුකට පිණි කඳුළක් සලා

මගේ පුන් සඳ ගොළු වෙලා

ගැඹුරු මහ සයුරක් ලෙසේ

විටෙක සොඳුරිය ඔබ දිසේ

සුමුදු පහසින් මුදු ඇසේ

නැගිට රළ පෙළ සෙනෙහසේ

සිහිල් වූ පවනක් ලෙසින්

නොයන් පාවී මා වෙතින් ...//

රම්‍ය වන ගැබ හුදෙකලා

දෙහද පෙම් රස කැළඹිලා

දුකට පිණි කඳුළක් සලා

මගේ පුන් සඳ ගොළු වෙලා

කටුක කටු අකුලක පිරී

සුවඳ හළ කුසුමක් නොවී

කතර දුරු මං පෙත රැඳී

සීත ගඟුලක් සේ ඉමී

සිහිල් වූ පවනක් ලෙසින්

නොයන් පාවී මා වෙතින් ...//

රම්‍ය වන ගැබ හුදෙකලා

දෙහද පෙම් රස කැළඹිලා

දුකට පිණි කඳුළක් සලා

මගේ පුන් සඳ ගොළු වෙලා

රම්‍ය වන ගැබ හුදෙකලා

දෙහද පෙම් රස කැළඹිලා

දුකට පිණි කඳුළක් සලා

මගේ පුන් සඳ ගොළු වෙලා

ගායනය - නීලා වික්‍රමසිංහ සමග කරුණාරත්න දිවුල්ගනේ

පද - සුනිල් සරත් පෙරේරා

තනුව - සරත් දසනායක

උදාවුණා හිරු උදාන ගීයෙන්

උදාවුණා හිරු උදාන ගීයෙන් //
දැයේ නිදි් ගැට මුදා අවදි වෙමු
එකමුතුවී අපි අපේ ලොවක් වෙත වරම් ලබා යළි
පියවරු ඔසවමු වරම් ලබා යළි
පියවරු ඔසවමු

අපගේ දේශය අපේම ශක්තිය මත හෙට වන විට
ගොඩ නැංවෙනවා පවුරු කඩුලු ඈ වැට කොටු සිඳ බිඳ
අලුත් ලොවට දොර කවුළු ඇරෙනවා

උදාවුණා හිරු උදාන ගීයෙන් //
දැයේ නිදි් ගැට මුදා අවදි වෙමු
එකමුතුවී අපි අපේ ලොවක් වෙත වරම් ලබා යළි
පියවරු ඔසවමු වරම් ලබා යළි
පියවරු ඔසවමු

වියරු වැටී ආ මහවැලි මහ ගඟ
අප උරතල දී වෙනතක යනවා
නැවුම් සුවඳ දෙන අලුත්ම පොළවක්
යසස උදාකර ඉන් මතුවෙනවා

උදාවුණා හිරු උදාන ගීයෙන් //
දැයේ නිදි් ගැට මුදා අවදි වෙමු
එකමුතුවී අපි අපේ ලොවක් වෙත වරම් ලබා යළි
පියවරු ඔසවමු වරම් ලබා යළි
පියවරු ඔසවමු

ගායනය - නීලා වික්‍රමසිංහ
පද - සුනිල් සරත් පෙරේරා
මහවැලි උදාන ගීයක්. සජීවී ගායනයකින් උකහා ගත්තකි.

අතුරු මිතුරු දඹදිවතුරු

අතුරු මිතුරු දඹදිවතුරු

ගහ වැල මල් ලන පියකරු

කොවුල් ගීත සරින් මියුරු

අවුරුදු ඇවිදින් සුමිතුරු

අවුරුදු ඇවිදින් සුමිතුරු

ඔන්චිලි චිලි චිල්ලමලේ

සිහින් සේල සෙමෙන් සැලේ ...//

මී අඹ තුරු සෙවණැල්ලේ

බැඳුණු රුවන් ඕවිල්ලේ

හමන පවන් සිහිලැල්ලේ

ඉහළ නඟිමු නැළැවිල්ලේ

මලින් මලට බඹර දැලේ

මියුරු කිකිණි බිකිනි සැලේ

වසත් කුමරි එමට රුවේ

හැකක් නෑර සතුට ගෙනේ

මල්වාරම් හඬ දෑලේ

ඇසේ ඇසේ නව තාලේ

දැනගෙන අත්වැල් මාලේ

අපිත් නගිමු පෙම් ඊලේ

අතුරු මිතුරු දඹදිවතුරු

ගහ වැල මල් ලන පියකරු

කොවුල් ගීත සරින් මියුරු

අවුරුදු ඇවිදින් සුමිතුරු

අවුරුදු ඇවිදින් සුමිතුරු

ඔන්චිලි චිලි චිල්ලමලේ

සිහින් සේල සෙමෙන් සැලේ ...//

ගායනය - පණ්ඩිත් ඩබ්.ඩී. අමරදේව සහ අමිතා වැදිසිංහ

පද - සුනිල් සරත් පෙරේරා

තනුව - පණ්ඩිත් ඩබ්.ඩී. අමරදේව

සප්ත වර්ණ හිරු කිරණින්

සප්ත වර්ණ හිරු කිරණින් සප්තස්වර ‍රැව් දේවා

සප්ත ගිරෙන් හිරු එනවිට මුළු ලොව ගීයක් වේවා ...//

රිද්මයකට කිරණ විදා හිරු අහසේ හිනැහේවා

එකිනෙක මල් විකසිතවී ලොව මල් උයනක් වේවා ...//

සප්ත වර්ණ හිරු කිරණින් සප්තස්වර ‍රැව් දේවා

සප්ත ගිරෙන් හිරු එනවිට මුළු ලොව ගීයක් වේවා ...//

රිද්මය හැමතැන පෑහී මිහිතලයම නැළවේවා

දුක් පීඩා හැම සේදී ජීවන මග සැරසේවා ...//

සප්ත වර්ණ හිරු කිරණින් සප්තස්වර ‍රැව් දේවා

සප්ත ගිරෙන් හිරු එනවිට මුළු ලොව ගීයක් වේවා ...//

ගායනය - මහාචාර්ය සනත් නන්දසිරි

පද - සුනිල් සරත් පෙරේරා

තනුව - මහාචාර්ය සනත් නන්දසිරි

යසෝධරා

යසෝධරා ...
යසෝධරා ...

හිතේ නැඟුණු කලකිරීම කුමරිය
ඔබ පමණයි දැන සිටියේ පෙර සිට ...//
යසෝධරා ...
යසෝධරා ...

එයින් මිදෙන මං පෙත සොයනා සඳ
ඔබෙන් ලැබිණ නිබඳවම සියලු වෙර
සමාධියෙන් සිත ඈත දිවෙන විට
පමා නොව යළි ඇවිදින් මේ දෙස

හිතේ නැඟුණු කලකිරීම කුමරිය
ඔබ පමණයි දැන සිටියේ පෙර සිට ...//
යසෝධරා ...
යසෝධරා ...

එයින් මිදෙන මං පෙත සොයනා සඳ
ඔබෙන් ලැබිණ නිබඳවම සියලු වෙර
දයා සිතින් එක බැල්මක් දී නෙත
කෙමෙන් මැකී යයි යසෝධරා වත

හිතේ නැඟුණු කලකිරීම කුමරිය
ඔබ පමණයි දැන සිටියේ පෙර සිට ...//
යසෝධරා ...
යසෝධරා ...

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

පසක් කොට ඇති

පසක් කොට ඇති සසර දුක් ගිනි
උතුම් සම්බෝධිය පතා
කෙලෙස් නේරංජාව තරණය
කළේ අප මහ බෝසතා
පසක් කොට ඇති සසර දුක් ගිනි
උතුම් සම්බෝධිය පතා

නිසල බෝ මැඩ වෙසෙන අතරෙදි
සසල කෙරුමට අචල හිමි සිතු
නොයෙක් වෙස් පෑ සිතුම් සේනා
එවා ඇත රුදු මාර දෙව් පුතු

පසක් කොට ඇති සසර දුක් ගිනි
උතුම් සම්බෝධිය පතා
කෙලෙස් නේරංජාව තරණය
කළේ අප මහ බෝසතා
පසක් කොට ඇති සසර දුක් ගිනි
උතුම් සම්බෝධිය පතා

පෙරුම් දම් බලයෙන් මරුන් බිඳ
බවුන් වඩවා බුදුව ලොව්තුරු
සහන් එළියක් ලෙසින් මතුවිණ
නසා තිලොවෙක අවිදු ඝණඳුරු

පසක් කොට ඇති සසර දුක් ගිනි
උතුම් සම්බෝධිය පතා
කෙලෙස් නේරංජාව තරණය
කළේ අප මහ බෝසතා
පසක් කොට ඇති සසර දුක් ගිනි
උතුම් සම්බෝධිය පතා

ගායනය - විශාරද ගුණදාස කපුගේ
පද රචනය - සුනිල් සරත් පෙරේරා
විශාරද ගුණදාස කපුගේ

සිනා නගන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

දුක විමසන්නී ඉඳහිට සැරවැර වන්නී
ඔවා දෙවන්නී කන බොන දේ පවසන්නී
හොරෙන් බලන්නී මා හා පෙමින් බැඳෙන්නී
කතා කියන්නී තනිවම සිහින මවන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

සුදෙන් දිලෙන්නී මා මන පුබුදා ලන්නී
රැජිණිය වැන්නී රෝහල වටා සරන්නී
පොතේ ලියන්නී මගෙ නම ගම විමසන්නී
කල මැනගන්නී මා හැර පිටුපා යන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

සැන්දෑ කළුවර

සැන්දෑ කළුවර ගලා හැලෙන විට
සෙනෙහස දැල්වුණු නිවෙස සොයා එමි
ඔබේ සිනා සඳ මඬල මුවාවෙන්
ජීවිතයේ දුක් වෙහෙස නිවා ගමි
සැන්දෑ කළුවර ගලා

කුරුලු කැදැල්ලක උණුසුම කැටිවුණු
අමා සුවය දෙන අතු පැල හෙවණේ
අසරණ වූ දා මට ඔබ පමණයි
මඳකට හෝ සැනසුම ගෙන දෙන්නේ

සැන්දෑ කළුවර ගලා හැලෙන විට
සෙනෙහස දැල්වුණු නිවෙස සොයා එමි
සැන්දෑ කළුවර ගලා

පිබිදෙන ලොව හා තරඟ කරන්නට
හෙට අළුයම යළි පිටවිය යුතු වේ
ඔබෙන් දුරුව වෙසෙනා හැම මොහොතෙම
ඔබේ හදට වැඩියෙන් තව ළංවේ

සැන්දෑ කළුවර ගලා හැලෙන විට
සෙනෙහස දැල්වුණු නිවෙස සොයා එමි
ඔබේ සිනා සඳ මඬල මුවාවෙන්
ජීවිතයේ දුක් වෙහෙස නිවා ගමි
සැන්දෑ කළුවර ගලා

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

නවාතැනින් ඇය යනවා

නවාතැනින් ඇය යනවා
වරම් ලබා සරසවියට
මගේ දුකට නුඹ නාඩන්
පාන්කිරිත්තෝ
පාන්කිරිත්තෝ පාන්කිරිත්තෝ

භද්‍ර යොවුන් විය සපැමිණි
සක්මන් මළුවල පෙම් බැඳි
සිනා කවට බස් පවසති
කුමර කුමරියන්
ඇසුර පතන දූත හසුන්
අවට මැවෙන නවක දසුන්
නුහුරු ලොවේ කුමර විකුම්
සසල කරයි සිතුම්

නවාතැනින් ඇය යනවා
වරම් ලබා සරසවියට
මගේ දුකට නුඹ නාඩන්
පාන්කිරිත්තෝ
පාන්කිරිත්තෝ පාන්කිරිත්තෝ

මතක රුවන් කවුළු දොරින්
හිස පීරන උදෑසනින්
ඇගේ රුවට ගී ගයන්න
එපා කුරුල්ලෝ
සිල්ප සතර දැන එන තුරු
කල්ප කාල පසුවන තුරු
ඉර අවරින් පායන තුරු
සිහින දකින්නම්

නවාතැනින් ඇය යනවා
වරම් ලබා සරසවියට
මගේ දුකට නුඹ නාඩන්
පාන්කිරිත්තෝ
පාන්කිරිත්තෝ පාන්කිරිත්තෝ

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

මගේ රටට දළදා හිමි සෙවණයි

මගේ රටට දළදා හිමි සෙවණයි
මගේ දැයට දළදා හිමි සරණයි
සැපතින් සපිරුණු නිවහල් දෙරණයි
උපතින් මා හට මේ හැම උරුමයි ....//

දළදා මැදුරේ රන්කොත මුදුනේ
මිණි කිරණින් මුළු රටම අවදි වේ ...//

දෙදහස් වසරක මහරු අතීතය
සීහ තේජසින් යළි පිබිදේ ...//

මගේ රටට දළදා හිමි සෙවණයි
මගේ දැයට දළදා හිමි සරණයි
සැපතින් සපිරුණු නිවහල් දෙරණයි
උපතින් මා හට මේ හැම උරුමයි

මෙතැනම වේ දැය එකලෙස බැඳුණේ
සිත් තුළ බිය සංකා දුරු කෙරුණේ ...//

සමිඳුන් සෙවනේ ජය දද බැඳුනා
ජය බෙර වැයුනා ජය ගී ගැයුනා ...//

මගේ රටට දළදා හිමි සෙවණයි
මගේ දැයට දළදා හිමි සරණයි
සැපතින් සපිරුණු නිවහල් දෙරණයි
උපතින් මා හට මේ හැම උරුමයි

උපතින් මා හට මේ හැම උරුමයි///

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

ඈත එපිට ගම්මානෙන්

ඈත එපිට ගම්මානෙන් නැග එන
බටලී හඬ අතරේ
ඉතාම දුක්බර කවියක් මතුවෙද
ඇය නිදි නොමැති පැලේ ...//

මලානිකව හඳ එලිය ගලා එන
අම්බලමක හෙව‍ණේ...//
බලා හිඳිමි ඔබ හිඳින විමන් දොර
දැල්වෙන එළිය බඳේ

ඈත එපිට ගම්මානෙන් නැග එන
බටලී හඬ අතරේ
ඉතාම දුක්බර කවියක් මතුවෙද
ඇය නිදි නොමැති පැලේ

වේදනාව නෙතු අගට ගලාලා
ඉකිලන නිහඬ රැයේ ...//
නීල නුවන් තරු කැට බොඳ වෙනවා
කාටත් හොර රහසේ

ඈත එපිට ගම්මානෙන් නැග එන
බටලී හඬ අතරේ
ඉතාම දුක්බර කවියක් මතුවෙද
ඇය නිදි නොමැති පැලේ

ගායනය - මහාචාර්ය සනත් නන්දසිරි
පද රචනය - සුනිල් සරත් ‍පෙ‍රේරා
තනුව - මහාචාර්ය සනත් නන්දසිරි

Anyone who has the link can play this song in your "Smart Phone"

ඇය යන්න ගියා

ඇය යන්න ගියා මැකිලා

වන සිරසක තුරු සෙවණැලි අතරේ

ගී ගයමින් හිඳ මා තුරුලේ

ඇය යන්න ගියා මැකිලා

ඇය යන්න ගියා මැකිලා

පිනි කඳුළක් මල් පෙති අග තවරා

මීදුම් සළුවෙන් මුහුණ වසා

නිල්ල නිලන නිල් කඳුවැටි අතරේ

සඳඑළියේ මං පෙත පාදා

රහසක් සඟවා

ගොළු වූ හදකින්

යන්න ගියා මැකිලා

ඇය යන්න ගියා මැකිලා

වන සිරසක තුරු සෙවණැලි අතරේ

ගී ගයමින් හිඳ මා තුරුලේ

ඇය යන්න ගියා මැකිලා

ඇය යන්න ගියා මැකිලා

පිනි කඳුළක් මල් පෙති අග තවරා

මීදුම් සළුවෙන් මුහුණ වසා

යළි කවදාවත් හමු නොවනා බව

මඳ පවනක් හිස අතගා කීවද

අදහා ගන්නට නොහැකිය කිසිදින

ඇය යළි නොඑතැයි ගිම්හානෙට පෙර

ඇය යන්න ගියා මැකිලා

වන සිරසක තුරු සෙවණැලි අතරේ

ගී ගයමින් හිඳ මා තුරුලේ

ඇය යන්න ගියා මැකිලා

ඇය යන්න ගියා මැකිලා

පිනි කඳුළක් මල් පෙති අග තවරා

මීදුම් සළුවෙන් මුහුණ වසා

ගායනය - අමරසිරි පීරිස්

පද රචනය - සුනිල් සරත් පෙරේරා

තනුව - එච්.එම්. ජයවර්ධන

Eya Yanna Giya Mekila _ Amarasiri Peiris

නාගසලම වැයෙන පදට

නාගසලම වැයෙන පදට
සොඳුරු ලියක රඟ මැවේ
පාද බැඳුණු කිකිණි සළඹ
තාල අනුව නද කෙරේ ...//

අවට සුළඟ දැවටි දැවටි
අපට සිසිල සුව ගෙනේ
කුඹුකෙ සෙවණ දෙවන අරණ
බැතිනි පුබුදු සිත් නිවේ ...//

නාගසලම වැයෙන පදට
සොඳුරු ලියක රඟ මැවේ
පාද බැඳුණු කිකිණි සළඹ
තාල අනුව නද කෙරේ

එපිට දෙවොල අසල අහස
සුවඳ කපුරු දුම් නැඟේ
ඇසළ මහට නැඟුණු සඳෙක
උකුළු මුකුළු ඇස ගැසේ ...//

නාගසලම වැයෙන පදට
සොඳුරු ලියක රඟ මැවේ
පාද බැඳුණු කිකිණි සළඹ
තාල අනුව නද කෙරේ

මොණර නැටුම අනුවැ නැගෙන
දෙපස යොවුන් ගී සරේ
කතරගමට දෙවිඳු නමට
රඟන රැඟුම පුද කෙරේ ...//

නාගසලම වැයෙන පදට
සොඳුරු ලියක රඟ මැවේ
පාද බැඳුණු කිකිණි සළඹ
තාල අනුව නද කෙරේ ..//

ගායනය - මාලිනී බුලත්සිංහල
පද - සුනිල් සරත් පෙරේරා
තනුව / සංගීතය - ටියුලින් ජයරත්න

සිනා නගන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

දුක විමසන්නී ඉඳහිට සැරවැර වන්නී
ඔවා දෙවන්නී කන බොන දේ පවසන්නී
හොරෙන් බලන්නී මා හා පෙමින් බැඳෙන්නී
කතා කියන්නී තනිවම සිහින මවන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

සුදෙන් දිලෙන්නී මා මන පුබුදා ලන්නී
රැජිණිය වැන්නී රෝහල වටා සරන්නී
පොතේ ලියන්නී මගෙ නම ගම විමසන්නී
කල මැනගන්නී මා හැර පිටුපා යන්නී

සිනා නගන්නී
ලැසි ලැසි ගමනින් එන්නී
ඔමරි කරන්නී
ඇඳ වට කැරකී යන්නී
විදුලිය වැන්නී
කෙඳිරිලි හඬට දුවන්නී
බෙහෙත් දෙවන්නී
ගිලනුන් සනසා ලන්නී

ගායනය - මහාචාර්ය සනත් නන්දසිරි
පද රචනය - සුනිල් සරත් පෙරේරා
තනුව - මහාචාර්ය සනත් නන්දසිරි

සොකරි නාටකයේ එන කවි වල විරිතට නාද රටා පබැඳුන ගීයකි.

සොකරි නාටකයේ සොකරි වැණුම

සොකරී එන්නී සබයෙන් අවසර ගන්නී
නැටුම් නටන්නී තාලෙට රාග කියන්නී
පද අල්ලන්නී පියයුරු ළැම සොලවන්නී
කැඩපත ගන්නී සුරතින් මූණ බලන්නී

අඳුන් ගාන්නී නෙත් දෙක ඔමරි කරන්නී
මල් ගවසන්නී කොණ්ඩේ ගොතා හෙලන්නී
තෝඩු දමන්නී පවලම් මාල බඳින්නී
සේල අඳින්නී පටකින් ඔමරි කරන්නී

පෙර දිනයක මා

පෙර දිනයක මා පෙම් කළ යුවතිය

සිය පුතු නළවනවා

මගේ ම ගීයක් නැළවිලි ස්වරයෙන්

ඈතින් මතු වෙනවා

නුරාව වෙනුවට ඉඳුනිල් දෙනුවන දයාව වෑහෙනවා...//

සිනාසුනෙමි මම අවිහිංසක ඇය

කෝල බැලුම් හෙලුවා...

ඉරට සඳට නොකියා හොර රහසේ කාලය වියැකෙනවා...//

නෙත් අදහන්නට බැරි ලෙස රූ සිරි

කෙමෙන් මැකී යනවා

එදා වගේ තාමත් වැට අද්දර නාමල් පූදිනවා...//

නොකා නොබී දුක් වින්ද අතීතය

යළි මට සිහිවෙනවා...

පෙර දිනයක මා පෙම් කළ යුවතිය

සිය පුතු නළවනවා

මගේ ම ගීයක් නැළවිලි ස්වරයෙන්

ඈතින් මතු වෙනවා

ගායනය - පණ්ඩිත් ඩබ්.ඩී. අමරදේව

පද රචනය - සුනිල් සරත් පෙරේරා

තනුව - පණ්ඩිත් ඩබ්.ඩී. අමරදේව

අනෝතප්ත විල

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනා
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

කෝමල ගමනින් කෝල හැඟුම් හල
කාල ගිරෙන් සිතුවිලි සේනාගෙන ....//

වරඟන පිරිවරිනා
එරන්දතිය එනවා

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනාච
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

නළලත කුංකුම තිලක තියාලා
නීල වර්ණයෙන් කැළුම් නෙළාලා ....//

පාද කිකිණි සොලවා
එරන්දතිය එනවා

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනා
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

වරඟන පිරිවරිනා
එරන්දතිය එනවා ...///

ගායනය: අමිතා දළුගම සමග පණ්ඩිත් ඩබ්. ඩී. අමරදේව
පද රචනය: සුනිල් සරත් පෙරේරා
තනුව හා සංගීතය: පණ්ඩිත් ඩබ්. ඩී. අමරදේව