මගෙ පොඩි යාලූ

මගෙ පොඩි යාලූ

නෙළමුද ඕලූ..//

ගඟට යමූ ඔරු පදිමූ

මල් නෙළමූ කවි කියමූ..//

මගෙ පොඩි යාලූ නෙළමුද ඕලූ

හඳ වැටිලා - වතුරේ

බොඳ වෙනවා - මිතුරේ

තරු ඉහිලා - අඳුරේ

හිනැහෙනවා - ඉවුරේ..//

කිරල ගොමු වෙත ඇදෙමූ

ගෙඩි කඩමු ගොඩට යමු

මගෙ පොඩි යාලූ

නෙළමුද ඕලූ....//

පිනි වැහැලා - මුතුසේ

මල මුදුනේ - දිලිසේ

මා වවුලෝ - රහසේ

ඉගිලෙනවා - අහසේ...//

කිරල ගොමු වෙත ඇදෙමූ

ගෙඩි කඩමු ගොඩට යමු

මගෙ පොඩි යාලූ

නෙළමුද ඕලූ..//

ගඟට යමූ ඔරු පදිමූ

මල් නෙළමූ කවි කියමූ..//

මගෙ පොඩි යාලූ නෙළමුද ඕලූ //

ගායනය - නිමන්ත හේෂාන් ගමගේ

පද රචනය - මහාචාර්ය සුනිල් ආරියරත්න

තනුව - සරත් වික්‍රම

හඬ හඬා තැවෙන මතකයෙන්

හඬ හඬා තැවෙන මතකයෙන්
පිසදමා කඳුළු මුළුමනින්
මලක් සිතා ළංවෙමින්
සිඹිමි නුඹව සෙනෙහසින් ...//
හඬ හඬා තැවෙන මතකයෙන්
පිසදමා කඳුළු මුළුමනින්

සයුරු දියේ යට කිමිදී
ගෙනා මුතු අහුර සේ ...//
මා සිත් දිය ගැඹරේ කිමිදී
ඔබ ගෙනා ආදරේ මේ

හඬ හඬා තැවෙන මතකයෙන්
පිසදමා කඳුළු මුළුමනින්

කුරුලු තටුවකින් ගිලිහී
සෙවූ සිත සුමුදු වී ...//
රෑ අහසේ නිල් එළි දල්වා
නෙතු ඔබේ දිලී දිලෙනා

හඬ හඬා තැවෙන මතකයෙන්
පිසදමා කඳුළු මුළුමනින්
මලක් සිතා ළංවෙමින්
සිඹිමි නුඹව සෙනෙහසින්
හඬ හඬා තැවෙන මතකයෙන්
පිසදමා කඳුළු මුළුමනින්

ගායනය – ප්‍රදීපා ධර්මදාස
පද රචනය - රත්මලේ බන්දුල ගුණවර්ධන
තනුව හා සංගීතය - සරත් වික්‍රම

Anyone who has the link can play this song in your "Smart Phone"