මේ පින් බිමේ

මේ පින් බිමේ

මහමෙවුනා උයනේ
නිල් අහස රන්වන් වෙලා
මහ සෑ කොත් මුදුනේ

මිණි කිරණ දසත විහිදී
හඳ පායලා වගේ
නෙත සිත සනසා
බුදු සුවඳ ගලා ගිය
මහමෙවුනා උයනේ
අනුරාධපුර නගරේ

ගයා සිරස බෝ මැඩ වැඩ හිඳ විදුරසුනේ

කෙලෙස් මරුන් පරදා
සම්මා සම්බුදු පදවි ලබා

දෙදහස් හයසිය වසරට එළඹෙන
සිරි සම්බුද්ධත්ව ජයන්තියේ
අසිරිය පවසයි
සිරිමා බෝ පත් මද සුළඟේ නැළවී
සිරිමා බෝ පත් මද සුළඟේ නැළවී

මේ පින් බිමේ
මහමෙවුනා උයනේ
නිල් අහස රන්වන් වෙලා
මහ සෑ කොත් මුදුනේ

මිණි කිරණ දසත විහිදී
හඳ පායලා වගේ
නෙත සිත සනසා
බුදු සුවඳ ගලා ගිය
මහමෙවුනා උයනේ
අනුරාධපුර නගරේ

දෙදහස් හයසිය වසරට එළඹෙන

සිරි සම්බුද්ධත්ව ජයන්තියේ
අසිරිය පවසයි
සිරිමා බෝ පත් මද සුළඟේ නැළවී
සිරිමා බෝ පත් මද සුළඟේ නැළවී
සිරිමා බෝ පත් මද සුළඟේ නැළවී
සිරිමා බෝ පත් මද සුළඟේ නැළවී

ගායනය - කපිල බොරලැස්ස සමග විවියන් ද සිල්වා බොරලැස්ස
පද - පූජ්‍ය පල්ලේගම හේමරතන හිමි
තනුව හා සංගීතය - නවරත්න ගමගේ

වියරු වැටී සිත්

වියරු වැටී සිත් මසුරන් ලොබිනේ

නොමිනිස්කම් පිරි ඔලගු කරේ ලා

සරති තැනින් තැන ජූජක බමුණෝ

පතා නොදරුවන් බැල මෙහෙවරටා

පතා නොදරුවන් බැල මෙහෙවරටා

අමා මියුරු ඵලවැල රහ වැටිලා

ඈත හිමේ ගිය අම්මාවරුනේ

මන්ද්‍රි දේවි දුටු බියකරු        සිහිනේ

නුඹට නොපෙනුණේ මන්දැයි නොදැනේ

වියරු වැටී සිත් මසුරන් ලොබිනේ

නොමිනිස්කම් පිරි ඔලගු කරේ ලා

සරති තැනින් තැන ජූජක බමුණෝ

පතා නොදරුවන් බැල මෙහෙවරටා

පතා නොදරුවන් බැල මෙහෙවරටා

ජීවිතයේ ගිරි දුර්ග මාවතේ

තලා මරා බැ ඳ ඇදගෙන යන්නේ

අප රැක ගන්නට තුලා බරක් දී

සඳ මහ නිරිඳුන් අද නැතිවාදෝ

වියරු වැටී සිත් මසුරන් ලොබිනේ

නොමිනිස්කම් පිරි ඔලගු කරේ ලා

සරති තැනින් තැන ජූජක බමුණෝ

පතා නොදරුවන් බැල මෙහෙවරටා

පතා නොදරුවන් බැල මෙහෙවරටා

ගායනය - විශාරද ගුණදාස කපුගේ

පද රචනය - පූජ්‍ය පල්ලේගම හේමරතන හිමි

තනුව - විශාරද ගුණදාස කපුගේ

සඳ මඬල වී

සඳ මඬල වී ගුවනේ දිළෙයි

සඳ සිහිල වී හදවත රැඳෙයි

දුර ඈත සිටියත්.....

පාවී...

පාවී.. ආවත්

මඳ සුළඟ සේ ගත සිත නිවෙයි

ඵල බරව සෙවණ සදනා

තුඟු රුකකි නුඹ විසල්

ඵල බරව සෙවණ සදනා

තුඟු රුකකි නුඹ විසල්

ඒ මියුරු ඵල රස විඳීනා පින නැතත්

සිත තුටින් පිරීයයි

සසර හමුවන පැතුම්

හිත දරාගෙන හිඳිම්

සසර හමුවන පැතුම්

හිත දරාගෙන හිඳිම්

අද අහිමි වන දේ යළී

හෙට දෙපා මුල රැඳෙයි

මේ නොවෙද ජීවිතේ

ඉටු නොවන සිතුවිල්ල එයම වේ

ඉටු නොවන සිතුවිල්ල එයම වේ

ගායනය - නිරෝෂා විරාජිනී

පද - පූජ්‍ය පල්ලේගම හේමරතන හිමි

තනුව හා සංගීතය - නදීක ගුරුගේ

2014 දී තිරගතවූ "මහ රජ ගැමුණු" චිත්‍රපටියේ ගීයකි.

ලොවේ දුක දැක

ලොවේ දුක දැක දයාබර වී
නෙතින් කඳුළක් නොහෙළුවේ නම්
ඔබේ නාමෙන් කුමට සත්සර රාව නංවා
හිඳිමි ගොළුවී මම්

දුගී දෑතට අත්වැලක් වී
දිරිය සවිබල නොපිරුවේනම්
කුමට සත්සර රාව නංවා
හිඳිමි ගොළුවී මම්

ලොවේ දුක දැක දයාබර වී
නෙතින් කඳුළක් නොහෙළුවේ නම්
ඔබේ නාමෙන් කුමට සත්සර රාව නංවා
හිඳිමි ගොළුවී මම්

මගේ මේ ගී ඔබේ ළයගිනි
නිවනු වෙනුවට අවුළුවානම්
කුමට සත්සර රාව නංවා
හිඳිමි ගොළුවී මම්

ලොවේ දුක දැක දයාබර වී
නෙතින් කඳුළක් නොහෙළුවේ නම්
ඔබේ නාමෙන් කුමට සත්සර රාව නංවා
හිඳිමි ගොළුවී මම්

ගායනය - විශරද ගුණදාස කපුගේ
පද රචනය - පූජ්‍ය පල්ලේගම හේමරතන හිමි
තනුව - විශරද ගුණදාස කපුගේ

අතීතය සිහිනයක් පමණයි

අතීතය සිහිනයක් පමණයි
හැබෑ සුවඳක් නෑ
එදා සෙනෙහෙන් නොබැඳුණා නම්
මෙදා වියොවක් නෑ ...//

තැනූ මන්දිර බිඳී වැටුණත්
නෙතේ කඳුළක් නෑ ..//
සිනහවෙන්නට වරම් නොලදත්
හිතේ කිලුටක් නෑ

අතීතය සිහිනයක් පමණයි
හැබෑ සුවඳක් නෑ
එදා සෙනෙහෙන් නොබැඳුණා නම්
මෙදා වියොවක් නෑ

සොබා දහමට නොවන අවනත
ලොවේ කිසිවක් නෑ ...//
ලොවේ පැරදුම මිසක කිසිදා
ලැබූ දිණුමක් නෑ

අතීතය සිහිනයක් පමණයි
හැබෑ සුවඳක් නෑ
එදා සෙනෙහෙන් නොබැඳුණා නම්
මෙදා වියොවක් නෑ

ගායනය - කරුණාරත්න දිවුල්ගනේ
පද රචනය - පූජ්‍ය පල්ලේගම හේමරතන හිමි
තනුව - නාලක අංජන කුමාර

ගැඹුරුයි දිය කඳ

ගැඹුරුයි දිය කඳ ගැඹුරුයි
වියරුයි දළ රළ වියරුයි
තොටුපොළ ඈතයි ඈතයි
හබල් ගසන්නට දෑතද නුහුරුයි
ඔරුවද අබලන්
කෙළෙසද ළං වන්නේ

දහසක් පීඩා දුක් ගිනි ජාලා
තැවී දැවී වැළපී
සේන්දුවන්නට පෙරුම් පුරා ආ
කෙම්බිම නොපෙනෙන්නේ

ගැඹුරුයි දිය කඳ ගැඹුරුයි
වියරුයි දළ රළ වියරුයි
තොටුපොළ ඈතයි ඈතයි
හබල් ගසන්නට දෑතද නුහුරුයි
ඔරුවද අබලන්
කෙළෙසද ළං වන්නේ

මතකය සොඳුරුයි මිරිඟුව හිනැහෙයි
කාලය ඉගිලෙන්නේ
දෑසද අඳුරුයි
මා සිත් සයුරේ
කුණාටු මතු වන්නේ

ගැඹුරුයි දිය කඳ ගැඹුරුයි
වියරුයි දළ රළ වියරුයි
තොටුපොළ ඈතයි ඈතයි
හබල් ගසන්නට දෑතද නුහුරුයි
ඔරුවද අබලන්
කෙළෙසද ළං වන්නේ

ගායනය - එඩ්වඩ් ජයකොඩි සහ චරිතා ප්‍රියදර්ශනී
පද - පූජ්‍ය පල්ලේගම හේමරතන හිමි
තනුව - එඩ්වඩ් ජයකොඩි
ශ්‍රී ලංකා ගුවන් විදුලි සංස්ථාවේ රජරට සේවයේ එළිදැක්මකි.

සත් මුතු පරපුරක් පුරා

සත් මුතු පරපුරක් පුරා
පුන් සඳ වූ වෙළඳ කුලඹරේ
කූඨදත්ත මසුරු වෙළෙන්දෝ
වෙළඳ සුරින්දෝ ...//

සිනහ සපිරි මුසා බසින්
හිත රවටන්නා
නෙත පිනවා හිත රවටා
අත පුරවන්නා
ඉන් නොලදත් දන් දෙන්නට තරඟ වදින්නා
කූඨදත්ත මසුරු වෙළෙන්දෝ
වෙළඳ සුරින්දෝ

සත් මුතු පරපුරක් පුරා
පුන් සඳ වූ වෙළඳ කුලඹරේ
කූඨදත්ත මසුරු වෙළෙන්දෝ
වෙළඳ සුරින්දෝ

නුවරුන්ගේ දුක් ගින්දර
සන්සිඳවන්නා
සුර ලොව සැප සැණෙකින්
මිහි මතට ගෙනෙන්නා
කල දුටු කල වල ඉහිනා සිරිත රකින්නා
කූඨදත්ත මසුරු වෙළෙන්දෝ
වෙළද සුරින්දෝ

සත් මුතු පරපුරක් පුරා
පුන් සඳ වූ වෙළඳ කුලඹරේ
කූඨදත්ත මසුරු වෙළෙන්දෝ
වෙළඳ සුරින්දෝ  ...//

ගායනය - අමරසිරි පීරිස්
පද රචනය - පූජ්‍ය පල්ලේගම හේමරතන හිමි
තනුව - ආචාර්ය රෝහණ වීරසිංහ

සරාගී නෙත් කැළුම්

සරාගී නෙත් කැළුම්
දවාලයි ළය මඬල
ඒ මිහිරි වේදනා
හැර නොයයි ජීවිතේ

කවුරු හඳුනා ඇතිද මේ ප්‍රේමයේ අරුමය
කඳුළු උල්පත් මවන

ප්‍රේම ආනන්දයෙන්
වැළඳගන්නා ලෙසින්
ප්‍රේම උන්මාදයෙන්
සමුගනී ජීවිතෙන්

කෙළෙස හැඳිනිය හැකිද මේ ප්‍රේමයේ අරුමය
කඳුළු උල්පත් මවන

යොවුන් සිත් අවුලන
ප්‍රේමයෙන් ඔබ තැවේ
මව් හදේ දළුලන
ප්‍රේමයෙන් ලොව නිවේ

කෙදින හැඳිනිය හැකිද මේ ප්‍රේමයේ අරුමය
කඳුළු උල්පත් මවන///

ගායනය - අමරසිරි පීරිස්
පද රචනය - පූජ්‍ය පල්ලේගම හේමරතන හිමි
තනුව - දර්ශන රුවන් දිසානායක

බෝධියෙන් වට

යස්සමූලේ නිසින්නෝව

සබ්බාරි විජයං අකා

පත්තෝ සබ්බඤ්ඤුතං සත්ථා

වන්දේතං බෝධිපාදපං

බෝධියෙන් වට බෝ පතක් සේ

සුමුදු වැලි මළුවේ

වැතිර ඉන්නට වරම් මට කොහෙදෝ

මුණිඳු හෙවනේ සිහිල් පවනේ

නිවී සැනහී රැඳී ඉන්නෙමි

බෝධියෙන් වට බෝ පතක් සේ

සැලෙන බෝපත් සෙමින් මුමුණන

මියුරු බුදුගුණ සරින් සැනහී

මුණිඳු හෙවණේ සිහිල් පවනේ

නිවී සැනහී රැඳී ඉන්නෙමි

බෝධියෙන් වට බෝ පතක් සේ

සුමුදු වැලි මළුවේ

වැතිර ඉන්නට වරම් මට කොහෙදෝ

මුණිඳු හෙවනේ සිහිල් පවනේ

නිවී සැනහී රැඳී ඉන්නෙමි

බෝධියෙන් වට බෝ පතක් සේ

ගායනය - පණ්ඩිත් ඩබ්.ඩී. අමරදේව

පද රචනය - පූජ්‍ය පල්ලේගම හේමරතන හිමි
තනුව - පණ්ඩිත් ඩබ්.ඩී. අමරදේව