සතෙක්ද පිරිමියෙක්ද

ලලාල ලාලාලා ලලාල ලා

ලලාල ලාලාලා ලලාල ලා ..//

සතෙක්ද පිරිමියෙක්ද ගෑණියක්ද මේ
බලන්න කිට්ටු වෙන්න නම් බයයි අනේ ...//

කුකුළ් හොරෙක්ද මන්දා ආවේ
මෙහාට කවුද පාර කිව්වේ ..//

කැලේදි අල්ලා
මෙහේ ගෙනල්ලා
රිලා මහල්ලා මුලාවෙලා ...//

සතෙක්ද පිරිමියෙක්ද ගෑණියක්ද මේ
බලන්න කිට්ටු වෙන්න නම් බයයි අනේ ...//

දියෙන් ගෙනාව ඉස්සා වාගේ
ගැහෙන්නෙ ඇයි මොකද්ද රෝගේ ...//

අතින් කපාලා
ඇඳුම් පොරෝලා
සදාපු බිල්ලා වගේ බොලේ ...//

සතෙක්ද පිරිමියෙක්ද ගෑණියක්ද මේ
බලන්න කිට්ටු වෙන්න නම් බයයි අනේ ...//


නැවිච්ච කොන්ද දුන්න වාගේ
ගනිල්ල රූපයක් මෙයාගේ ..//

සිමෙන්ති මූණයි
ගඩොල් හිනාවයි
මුලිච්චි වූ දා මළා තමයි ...//

සතෙක්ද පිරිමියෙක්ද ගෑණියක්ද මේ
බලන්න කිට්ටු වෙන්න නම් බයයි අනේ ...//

ලලාල ලාලාලා ලලාල ලා
ලලාල ලාලාලා ලලාල ලා ..//

ගායනය - මල්ලිකා කහවිට
පද රචනය - කරුණාරත්න අබේසේකර
තනුව හා සංගීතය - ආර්. මුත්තුසාමි
1965 දී තිරගතවූ "අල්ලපු ගෙදර" චිත්‍රපටියේ ගීයකි.

පසු කලෙක සුජාතා අත්තනායක මහත්මිය රංජනී පෙරේරා මහත්මිය සමගින් කළ ගායනය