ආයුබෝවන් පෙම්බරාණනි

ආයුබෝවන් පෙම්බරාණනි ඔබට සුභ දවසක්
දුකක් නොරැඳෙන හෙටක් වෙණුවෙන්
සුසුම් සුභ පැතුමන්
ඔබට සුභ දවසක් ...//

පැනින් නහවා
ඇඟිලි ගෙල වට රනින් තැලි පළඳා
සසර ඉම තෙක් එක්ව ඉන්නට
ආදරෙන් කොඳුරා
අතින් අත බැඳුනා

ආයුබෝවන් පෙම්බරාණනි ඔබට සුභ දවසක්
දුකක් නොරැඳෙන හෙටක් වෙණුවෙන්
සුසුම් සුභ පැතුමන්
ඔබට සුභ දවසක්

හාදු තැවරූ රෝස කම්මුල්
රළු අතින් පිසවා
දෙතොල ඉකිලන
සුසුම් කැඳවන
රුදුරු බස් බණවා
නෙතු කඳුළු පුරවා

ඔබෙන් රිදවුණු නෙතින් ගිලිහුණු
කඳුළු පැන් කළසක්
යහන පාමුල විහිදුවා යමි
ඔබට සුභ දවසක්
ඔබට සුභ දවසක්

ගායනය - දීපිකා ප්‍රියදර්ශනී
පද රචනය - ශාන්ත කුමාර විතාන
තනුව හා සංගීතය - ආචාර්ය රෝහණ වීරසිංහ

මල් කැකුළකට ආදරේ කියන්න

මල් කැකුළකට ආදරේ කියන්න
තහනම් නෑ පුංචි සමනලුන්ට
ළඟට ළංව කවි කියන්න අවසර ඇත්නම්
මට සිඹින්න තහනම් ඇයි ඔය සුදු කම්මුල්

අහස තරම් දුරක ඉඳන්
පිනි වැස්සක් බිමට එවා
ඔබෙ කෙහෙරැළි සිපගන්නට
අහසට හැකි නම්
ඒ කෙහෙරැළි සිපගන්නට ඇයි මට තහනම්

මල් කැකුළකට ආදරේ කියන්න
තහනම් නෑ පුංචි සමනලුන්ට
ළඟට ළංව කවි කියන්න අවසර ඇත්නම්
මට සිඹින්න තහනම් ඇයි ඔය සුදු කම්මුල්

ගහ කොළ නටුවලට හොරෙන්
මහ රෑ ඔබ ළඟට ඇවිත්
ඔබෙ සියොලඟ සිපගන්නට
සුළඟට හැකිනම්
ඒ සියොලඟ සිපගන්නට ඇයි මට තහනම්

මල් කැකුළකට ආදරේ කියන්න
තහනම් නෑ පුංචි සමනලුන්ට
ළඟට ළංව කවි කියන්න අවසර ඇත්නම්
මට සිඹින්න තහනම් ඇයි ඔය සුදු කම්මුල්

ගායනය - ලක්ෂ්මන් හේවාවිතාරණ
පද රචනය - ශාන්ත කුමාර විතාන
තනුව හා සංගීතය - ලක්ෂ්මන් හේවාවිතාරණ