බෑ බෑ ගෙදර යන්න බෑ

බෑ බෑ ගෙදර යන්න බෑ //

ගෙදර යන්නෙ නෑ
මං ගෙදර යන්නෙ නෑ... //

පය ඔසවාගන්න බැහැ මගේ
සියොලඟින්ම බැඳ දමා තිබේ ...//
සිර මැදිරිය හැරලුවත් මෙසේ
මේ සිරකරු යන්නෙ නෑ කපේ
මේ සිරකරු යන්නෙ නෑ කපේ

ඉගිල යන්න ඇයි බැරී //
ඉගිල යන්න ඇයි බැරි මගෙ තාරාවෝ //

බෑ බෑ ගෙදර යන්න බෑ //

ගෙදර යන්නෙ නෑ
මං ගෙදර යන්නෙ නෑ... //

කූඩුවෙ දොර හැර දැම්මා මා
අහසෙ තියෙයි ඔබ හට සීමා ...//
විසල් ලොවට මග ඉඩ දෙන් මා
ඉතින් ඉගිලියන් තාරාවා //

බෑ බෑ ගෙදර යන්න බෑ //

ගෙදර යන්නෙ නෑ
මං ගෙදර යන්නෙ නෑ... //

දිය පීනා එයි තාරාවා
ඉගිලී පල කලු තාරාවා ...//

බෑ බෑ බෑ බෑ

දිය පීනා එයි තාරාවා..
ඉගිලී පල කලු තාරාවා ...//

ගායනය - යූ. ආරියවිමල් සහ අනුලා බුලත්සිංහල
පද රචනය - ලූෂන් බුලත්සිංහල
තනුව හා සංගීතය - විශාරද ගුණදාස කපුගේ
තාරාවෝ ඉගිලෙති නාට්‍ය යේ ගීයකි.

සෝබාව දේ

සෝබාව දේ
මෙපුර සිරි විසිතුරු බලනු මිතුරු මග පියකරුවු
සුසුදු වලා කැරලි පළසකි මේ මග දිග ඇතුරූ
අහස සූරන මැදුරු

පාර දෙපැත්තේ
සොඳුරු සල් පිල් මැද දෙව්ලොව නැති සැප විකුණන්නේ
නුවරු රිසි රිසි දේ ගෙන මසුරන් තඹයට දෙන්නේ
නිබඳ සිත ළතැවෙන්නේ

සෝබාව දේ
මෙපුර සිරි විසිතුරු බලනු මිතුර
මග පියකරුවු
සුසුදු වලා කැරලි පලසකි මේ මග දිග ඇතුරු
අහස සූරන මැදුරු

ජේත්තුකාර ලියන් ගත විලවුන් මුහුණ සිඹින්නා
සාටක දුහුල ඉරන් නාරිලතා මල් පූදින්නා

දෑසින් අමතන බස්  වැසුණු දොරක් විවර කරන්නේ
එළිපිට ඇති අවකෙළි  කිසිවෙකු  මැසිවිලි නොකියන්නේ

සෝබාව දේ
මෙපුර සිරි විසිතුරු බලනු මිතුර
මග පියකරුවු
සුසුදු වලා කැරලි පලසකි මේ මග දිග ඇතුරු
අහස සූරන මැදුරු

සැණකෙලි පුරා හඳේ නිකිනි අවන්හල් පීබිදෙන්නා
ඇසුවන් දුක් සින්දන ගී සින්දු සවන පිනන්නා ...//
සත හට සෙත සලසා අතකින් මධු විත පුරවන්නේ
සවුදිය පුරන ළඳක් රකුසු නෙතක්  පාළු කපන්නේ

සෝබාව දේ
මෙපුර සිරි විසිතුරු බලනු මිතුර
මග පියකරුවු
සුසුදු වලා කැරලි පලසකි මේ මග දිග ඇතුරු
අහස සූරන මැදුරු
සෝබාව දේ

ගායනය - යූ. ආරියවිමල් සමග රොඩ්නි වර්ණකුල
පද රචනය - ලූෂන් බුලත්සිංහල
තනුව හා සංගීතය - ගුණදාස කපුගේ

"තාරාවෝ ඉගිලෙති" වේදිකා නාට්‍ය යේ ගීයකි.