යෞවනයේදී අතිනත අල්ලා

යෞවනයේදී අතිනත අල්ලා
උයන් තෙරේ පිය නැඟුව අපී
සැඳෑ සමේදිත් ඒ අත අල්ලා
වෙද ගෙදරට පිය නඟන හැටී

රෝස සුවඳ මට දැණුනයි
පැරණි උයන් තෙර පෙනුනයි
ප්‍රේමය කවදත් තරුණයි
අප දෙදෙනා නම් මහලුයි
දෙදෙනා නම් මහලුයි
සියුම් දුකක් හෝ සිතට දැනේනම්
එපා උයන් තෙර දිහා බලන්නට
වෙද ගෙදරට යමු පසුකර මල් වතු
අබල දුබල ගති නිවා දමන්නට

ලෝකයෙ වෙනසත් පුදුමයි
කාලයෙ වෙනසත් අරුමයි
වෙනස් නූයෙ අප දෙදෙනයි
ඒ නිසාම සිත තරුණයි
දෙදෙනා නම් මහලුයි

අපගෙන් හිස්වුණු උයන් තෙරට දැන්
අලුත් පෙම්වතුන් රන්න ඇතී
උපැස් යුවල යටැසින් නොබලනු මැන
දුකෙන් වගේ මල් සිනාසෙතී

පෙම් පත් ගිලිහී වැටුණයි
බණ පොත් අත මත රැඳුණයි
බුදු බණ මහිමය පෙනුනයි
සසරේ ගමනද දුකමයි
සසරේ ගමනද දුකමයි
දෙදෙනා නම් මහලුයි

ගායනය - නීලා වික්‍රමසිංහ සමග කපිල හේරත්
පද - අශෝක කෝවිලගේ
තනුව - නීලා වික්‍රමසිංහ

තුන් සිත දැහැන් ගතවෙනා

තුන් සිත දැහැන් ගතවෙනා
සිතුවිලි සසල කරවනා
පද වැල් අතර ගැයෙන
ස්වරයේ සප්ත වර්ණ
හිත ළඟ ගයනවද ඔයා

තුන් පැය අතර නිමවෙනා
මතකය අතර රැඳවෙනා
සිනමා පටයෙ රැඳෙන
සුන්දර සිහින රැඟුම
හිත ළඟ රඟනවද ඔයා

නෙතකට කඳුළ ගෙන දෙනා
නරඹන සිත ද හඬවනා (හහ් හහ් හහ් හා..)
දුක් බර ප්‍රේම රැඟුම (ලල ලල ලාල ලාල)
සුන්දර පියවි ලොවක (ලල ලල ලාල ලාල)
රඟන්න කියන්නට එපා

තනිකම සිතට කැඳවනා
තනිවම සිතෙන් වැළපෙනා (හහ් හහ් හහ් හා..)
දුක් බර විරහ ගැයුම (ලල ලල ලාල ලාල)
සුන්දර පියවි ලොවක (ලල ලල ලාල ලාල)
ගයන්න කියන්නට එපා

තුන් සිත දැහැන් ගතවෙනා
සිතුවිලි සසල කරවනා
පද වැල් අතර ගැයෙන
ස්වරයේ සප්ත වර්ණ
හිත ළඟ ගයනවද ඔයා

තුන් පැය අතර නිමවෙනා
මතකය අතර රැඳවෙනා
සිනමා පටයෙ රැඳෙන
සුන්දර සිහින රැඟුම
හිත ළඟ රඟනවද ඔයා

පෙම්බර වදන් නැළවෙනා
දුක්බර දෙබස් නම් එපා (හහ් හහ් හහ් හා..)
සිනමා ලොවක මිසක (ලල ලල ලාල ලාල)
දිවියක සැබෑ ලොවක (ලල ලල ලාල ලාල)
දුක් බර චරිතයක් එපා

සුන්දර අදහසක් කියා
දුක් බර පද වැලක් ලියා (හහ් හහ් හහ් හා..)
සත්සර අතර මිසක (ලල ලල ලාල ලාල)
සුන්දර සැබෑ ලොවක (ලල ලල ලාල ලාල)
දුක් බර ගැයුම නම් එපා

තුන් සිත දැහැන් ගතවෙනා
සිතුවිලි සසල කරවනා
පද වැල් අතර ගැයෙන
ස්වරයේ සප්ත වර්ණ
හිත ළඟ ගයනවද ඔයා

තුන් පැය අතර නිමවෙනා
මතකය අතර රැඳවෙනා
සිනමා පටයෙ රැඳෙන
සුන්දර සිහින රැඟුම
හිත ළඟ රඟනවද ඔයා

හිත ළඟ ගයනවද ඔයා
හිත ළඟ රඟනවද ඔයා
හිත ළඟ ගයනවද ඔයා
හිත ළඟ රඟනවද ඔයා
හිත ළඟ ගයනවද ඔයා
හිත ළඟ රඟනවද ඔයා
 
ගායනය - නීලා වික්‍රමසිංහ සහ කමල් අද්දරආරච්චි
පද - අශෝක කෝවිලගේ
නාද සැකසුම - නීලා වික්‍රමසිංහ

කොළොම් තොටට රෑ වෙලා

කළු දුම් රොටු වියන උඩින්
රෑ තරු මල් පායලා
හෝරා කටු වලට යටින්
මහ දහවල සේදිලා

කොළොම් තොටට රෑ වෙලා
කොළොම් තොටට රෑ වෙලා

කොළොම් තොටට රෑ වෙලා
කොළොම් තොටට රෑ වෙලා

දූවිලි මල් පලස උඩින් මධු සුවඳයි ගලන්නේ
වෙණ නද තුළ රෑ අවදිව පස් ඉඳුරන් රඟන්නේ
දහවල සිල් ගත් මහතුන් පන් සිල් පද බිඳින්නේ
නුවරට තනි රකින පහන් විතරයි එය දකින්නේ

කොළොම් තොටට රෑ වෙලා
කොළොම් තොටට රෑ වෙලා

රන් කිරි කට නොගෑ එවුන් අව නීතිය රකින්නේ
තුන්වන සිල් පදය බිඳින ළඳුන් දසත සරන්නේ
කුසගිණි අවි ගත් හින්දයි උන් සිල් පද බිඳින්නේ
දහවල දුටු කොළොම් තොට ද රෑ අවදිව ඉඳින්නේ

කළු දුම් රොටු වියන උඩින්
රෑ තරු මල් පායලා
හෝරා කටු වලට යටින්
මහ දහවල සේදිලා

කොළොම් තොටට රෑ වෙලා
කොළොම් තොටට රෑ වෙලා
 
කොළොම් තොටට රෑ වෙලා
කොළොම් තොටට රෑ වෙලා

කොළොම් තොටට රෑ වෙලා
කොළොම් තොටට රෑ වෙලා

කොළොම් තොටට රෑ වෙලා
කොළොම් තොටට රෑ වෙලා

ගායනය - නීලා වික්‍රමසිංහ
පද - අශෝක කෝවිලගේ
තනුව - නීලා වික්‍රමසිංහ

අලුත් සහල් මංගල්ලය කාලෙට

අලුත් සහල් මංගල්ලය කාලෙට
අත මිට හිඟ නැති පින්කම් කාලෙට
යාග පොළේ ......
යාග පොළේ බෙර හඬ නද දීමට
අපි එනවා යළි ඔය ගම්මානෙට
අපි එනවා යළි ඔය ගම්මානෙට

ඉල්ලන පලියට බහ දුන් කාලේ
අහවර විය ගම්වල අද කාලේ
හිත නම්මන්නට පෑවට ලීලේ
පින්කම් කාලෙට විතරද ආලේ
පින්කම් කාලෙට විතරද ආලේ

වේල දෙවේලට කුස පුරවන්නයි
තම්මැට්ටම් බෙර හඬ නංවන්නේ
ආල සිනා ....
ආල සිනා පෑ නුඹ දැක ගන්නයි
පින්කම් කාලෙට ගම රට එන්නේ
පින්කම් කාලෙට ගම රට එන්නේ

ලෙන්ගතු කම යයි උඩු ගම් බැද්දේ
අපි නවතිනවා අපෙ ගම් මැද්දේ
නිනව් නෙවෙන්නට ඔය බෙර සද්දේ
නාවත් කම් නැහැ මේ අවුරුද්දේ

අපි එනවා යළි ඔය ගම් පැත්තේ
නාවත් කම් නැහැ මේ ගම් පැත්තේ ....///

ගායනය - නීලා වික්‍රමසිංහ සමග මහාචාර්ය සනත් නන්දසිරි
පද - අශෝක කෝවිලගේ
සම්ප්‍රදායික ජන ගී නාද (කෙළි ගී) රටා ඇසුරින් සැකසුණු ගායනයකි.
චිත්‍රය ජෝර්ජ් කීට් ශිල්පියාගේ නිර්මාණයකි.

සෙනෙහස ඉල්ලා ලියතඹරා ළඟ

සෙනෙහස ඉල්ලා ලියතඹරා ළඟ

හඬා වැටෙනවා මියැසි කැලක්

කපුරු මලක පෙති සිඳ බිඳ දැමුවා

මලට වඩා විෂ බමර තුඩක් ...//

වැහි කළුවර ඇති හැන්දෑ සමයක

තරුමල් පිපුණලු අහස් ගැබේ

දේවදූතයොත් හඬා වැටෙනවා

පෙම් මල් ඉහිරුණු පාර දිගේ

සෙනෙහස ඉල්ලා ලියතඹරා ළඟ

හඬා වැටෙනවා මියැසි කැලක්

කපුරු මලක පෙති සිඳ බිඳ දැමුවා

මලට වඩා විෂ බමර තුඩක්

යෞවනයේ සිත් විෂ කළ ප්‍රේමය

කලියුගයේ ඇත පහලවෙලා

අසන්මතේ සිත් වැටහෙණු නොහැකිව

පවිත්‍ර ප්‍රේමය මහලු වෙලා

සෙනෙහස ඉල්ලා ලියතඹරා ළඟ

හඬා වැටෙනවා මියැසි කැලක්

කපුරු මලක පෙති සිඳ බිඳ දැමුවා

මලට වඩා විෂ බමර තුඩක් ...//

ගායනය : මාලනී බුලත්සිංහල

පද රචනය : අශෝක කෝවිලගේ

තනුව - එච්. එම්. ජයවර්ධන

අවුකන බුදු සිවුරෙ රැලී

අවුකන බුදු සිවුරෙ රැලී
කලා වැවේ දියඹෙ සැලී
යෝධ වැවේ ගලා ඇදී
මෙසිරිසාර කෙතේ අඳී

උදා ඉරට රිදී වනින්
අමා දහම් කිරණ වසී ...//
මෙත් කරුණා සීත නලින්
නැමී කරල් හිමිට වඳී

අවුකන බුදු සිවුරෙ රැලී
කලා වැවේ දියඹෙ සැලී
යෝධ වැවේ ගලා ඇදී
මෙසිරිසාර කෙතේ අඳී

පෝය රෑට මීරි සරින්
බුදු ගුණ ගායනා ඇසේ ...//
හිමි කරුණා දෑස් අගින්
නිවන් අමා මිහිර පෙරේ

අවුකන බුදු සිවුරෙ රැලී
කලා වැවේ දියඹෙ සැලී
යෝධ වැවේ ගලා ඇදී
මෙසිරිසාර කෙතේ අඳී

යෝධ වැවේ ගලා ඇදී
මෙසිරිසාර කෙතේ අඳී ...///

ගායනය - දීපිකා ප්‍රියදර්ශනී
පද රචනය - කෝන්වැවේ ආරියරත්න
තනුව - අශෝක කෝවිලගේ

පාරු පාලමෙන්

පාරු පාලමෙන් කොළඹට ගැල් පේළිය සැපත් වුණා

ගෑස් පහට ළං වෙනකොට අපි හොඳටම හවස් වුණා

සෙක්කු වීදියේ කම්බා දැක උඹ මට මතක් වුණා

කයිමන් දොරකඩ ඉඳපන් මං එනතුරු සෙලෙස්තිනා

කොළඹ රටේ ඉපදුණාට මටම ඔබින සෙලෙස්තිනා

බේරෙ වැවට හඳ පෑව්ව වාගෙයි මට උඹේ සිනා

කබා කුරුත්තාව ඇඳන් මුතු දෙපොටක් ගෙලේ දමා

සාන්ත බස්තියන් ඇලේ පාරු පදිමු සෙලෙස්තිනා

මහ මංකඩ කවි මඬුවක් හෙට හවසට පැවැත්වෙනා

නම් දරාපු කවි කාරයො එහි එන වග කතා වුණා

ට්‍රෑම් කාර් එකේ ගිහින් කවි අහමුද සෙලෙස්තිනා

ඉංගිරීසි රැජිණ වගේ මට නම් උඹ සෙලෙස්තිනා

පාරු පාලමෙන් කොළඹට ගැල් පේළිය සැපත් වුණා

ගෑස් පහට ළං වෙනකොට අපි හොඳටම හවස් වුණා

සෙක්කු වීදියේ කම්බා දැක උඹ මට මතක් වුණා

කයිමන් දොරකඩ ඉඳපන් මං එනතුරු සෙලෙස්තිනා

ගායනය - සුනිල් එදිරිසිංහ

පද - අශෝක කෝවිලගේ

තනුව - ආචාර්ය රෝහණ වීරසිංහ

මේ ගීය එළිදකින්නේ 2001 වසරේ නිකුත්වූ "පාරු පාලමෙන්"  කැසට් පටය හා සංගත තැටියෙන්.