දූවිල්ලේ පිපුණයි

දූවිල්ලේ පිපුණයි
දූවිලි රොන් සුවඳයි
වීදි පුරා පොකුරු ගැහෙන නම නොදන්න මල්
අපට කොහිද පූජාසන වසන්ත සල්පිල් ...//

රෑ හිරිකඩ ඇවිදින්
පැන් ඉස ඉස යනවා
දාවල ඉර ඇවිදින්
නෙතු පිය ඇහැරනවා ...//
අපි වගේ මල් තමයි
සුවඳට පෙම් බඳිනා

දූවිල්ලේ පිපුණයි
දූවිලි රොන් සුවඳයි
වීදි පුරා පොකුරු ගැහෙන නම නොදන්න මල්
අපට කොහිද පූජාසන වසන්ත සල්පිල්

රන් මිරිවැඩි දෙපසට
පෑගී හිත රිදෙනා
අත පා ඉල්ලන විට
බමරුන් ඔරවනවා ..//
අපි වගේ මල් තමයි
කවදා හරි පිපෙනා

දූවිල්ලේ පිපුණයි
දූවිලි රොන් සුවඳයි
වීදි පුරා පොකුරු ගැහෙන නම නොදන්න මල්
අපට කොහිද පූජාසන වසන්ත සල්පිල්

ගායනය - දීපිකා ප්‍රියදර්ශනී
පද රචනය - රත්න ශ්‍රී විජේසිංහ
තනුව හා සංගීතය - ජයන්ත රත්නායක

බුදුන් දකිනවා සත්තයි

සාධු ! සාධු ! සාධු !

සැදැහැ සිතින්
සාධු හඬින්
පින් දෑතින්
අම්බස්තල මහමළුවම
සරසමු අපි නෙළුම් මලින්
ඒ මළුවේ සැරසූ මල් අපි දැකලා

බුදුන් දකිනවා සත්තයි
නිවන් දකිනවා සත්තයි ....//

සුදු රතු වියනින් බැඳි පෙති එකට බැඳී
සෑ මළුවම මලක් වෙලා
ඒ දිලිසෙන මල දැකලා
සාධු කියන අපි දකින්නෙ
සඳ හිරු තාරකා නොවේ
බුදු රැස්මයි බුදු රැස්මයි

නෙලා ගෙනා ඈත දියේ පිපෙනා මල්
හැම මලක්ම පුබුදන්නේ වෙහෙර මළුව සරසන්නයි
ඒ මළුවේ සරසන මල් අපි දැකලා

බුදුන් දකිනවා සත්තයි
නිවන් දකිනවා සත්තයි ....//

මිහිතලයේ පින් කාලෙට පිපෙනා පින් මල්
පුදලා අපි මේ වෙහෙරට
සිතින් සිත පුබුදුවමින්
දැහැමි ලොවක් ගොඩනගන්න
තුන් රුවනම නමදිමු අපි
සිත් පුරවමු මෙත් ගුණයෙන්

සැදැහැ සිතින්
සාධු හඬින්
පින් දෑතින්
අම්බස්තල මහමළුවම
සරසමු අපි නෙළුම් මලින්
ඒ මළුවේ සැරසූ මල් අපි දැකලා

බුදුන් දකිනවා සත්තයි
නිවන් දකිනවා සත්තයි ....////

ගායනය - ආචාර්ය වික්ටර් රත්නායක
පද රචනය - ඉන්දික  ප්‍රදීප්
තනුව - ජයන්ත රත්නායක
Anyone who has the link can play this song in your "Smart Phone"

ඇත් රජුනි ඔබ එන්න

ඇත් රජුනි ඔබ එන්න
සද්දන්ත පෙම රැගෙන
අනුරාගයට ප්‍රථම
ඔබ දෙපා නමදින්න
අනේ මට ඉඩ දෙන්න

සඳ රැජිණ ඔබ ඉන්න
මල් විලෙක පියා නෙත
ස්වයංවරයට ප්‍රථම
මගේ සඳ දැක ගන්න
ප්‍රියේ මට ඉඩ දෙන්න

අකලංක මලින් පිරි
සඳ යහන මත වැතිර
නිරිඳුනේ මම ඉඳිමි
ඔබ නෙතින් ඉඳුල් වෙමි
මම ඔබේ රැජින වෙමි

පුර පසින් සඳ නැගී
අවපසින් බසින තුරු
රැජිණියේ මම ඉඳිමි
ඔබ දෙසම බලා ඉමි
මම ඔබේ රජුන් වෙමි

සියපතක් ලෙස සිතා
ඔබ දෙපා සිප ගනිමි
මගේ දෙවිඳුන් ඔබයි
දේව දාසියක් වෙමි
ප්‍රේමයේ වන්දනා

රන් රුවන් කරඬුවක්
ලෙසින් ඔබ රැක ගනිමි
හදේ ලේ බිඳු රැගෙන
ලයේ පෙම් කව ලියමි
පාද පරිචාරිකා

ඇත් රජුනි ඔබ එන්න
සද්දන්ත පෙම රැගෙන
අනුරාගයට ප්‍රථම
ඔබ දෙපා නමදින්න
අනේ මට ඉඩ දෙන්න

සඳ රැජිණ ඔබ ඉන්න
මල් විලෙක පියා නෙත
ස්වයංවරයට ප්‍රථම
මගේ සඳ දැක ගන්න
ප්‍රියේ මට ඉඩ දෙන්න

ගායනය: ආචාර්ය වික්ටර් රත්නායක සමග උරේෂා රවිහාරි
පද රචනය: සුජීව ප්‍රසන්නආරච්චි
තනුව: ජයන්ත රත්නායක