කිරිල්ලියක් විය

කිරිල්ලියක් විය තටු නැත ලැබිලා

ඉගිලී යන්නට අහස වටා

ලොව හිනැහෙද්දී දෑස වසාගෙන

දෙපයින් ඇය යයි දෙරණ පුරා

බාලේ ගෙවු මුත් එකම කැදැල්ලක

එකම ලෙයක එක කිරි කඳුළක දැවටී

රිදී කාසි වල සුවඳින් මත්වී

එක කුස හොත් පින් සුවඳ මැකී වියැකී

කිරිල්ලියක් විය තටු නැත ලැබිලා

ඉගිලී යන්නට අහස වටා

ලොව හිනැහෙද්දී දෑස වසාගෙන

දෙපයින් ඇය යයි දෙරණ පුරා

මිලානවී ගිය ජීවය පිබිදී

දෙතොල් අගට රන් සිනහ පිරී ඉතිරී

දැවී ඉරිතැලුණු හදවත මත්තට

බලා හිඳී වැටෙනා තුරු පොද වැස්සක්

පොද වැස්සක්

පොද වැස්සක්

ගායනය - විශාරද මාලිනී බුලත්සිංහල

පද - සුනිල් රත්නායක

තනුව - ආචාර්ය රෝහණ වීරසිංහ

කුමාරසිරි අබේකෝන්ගේ "පොද වැස්සක්" ටෙලි නාට්‍යයේ ගීයකි.

තරු පොකුරු පිපෙනා

තරු පොකුරු පිපෙනා
මන්දාකිණි මැද්දෙන්

මිහි බිමට හඬණා
පුරුදු හුරු සුවඳක්

සිත සඳුන් තවරා
ගලා ඒ

නිවී දිලිහෙනා
ඔබේ නෙතු බලා
ආදරෙන් ආදරෙන්
කවුළු පියන් හැරදා
බලා හිඳිමි මා

සුර ලලනන් ගැවසෙනා
සුරපුරක් මතුවෙනා

විශ්වයම හිනැහෙනා
රන් යුගත් එක්වෙනා

මතු දිනය ළඟ එනා
ළංවෙනා

(භවත්‍රා)

(භවත්‍රා) (භවත්‍රා)

ගායනය - දීපිකා ප්‍රියදර්ශනී
පද රචනය - සුනිල් රත්නායක
සංගීතය - සුරේෂ් මාලියද්දේ
"භවත්‍රා" ටෙලි නාට්‍යයෙන්(තේමා ගීය)

වලා අතුල සිරියහනේ

වලා අතුල සිරියහනේ
උණුසුම් හිරු කෙඳි පොරවා
ඉන්ද්‍රචාප කුමාරයා
නිදා වැටෙනවා

මල් සුගන්ධයෙන් නැළැවෙන
ලතා මඬුල්ලේ ලැගගෙන
රෑන් රෑන් සියොතුන් ගී
සින්දු කියනවා

ජීවිතය වගේ මුමුණන
ආදරය වගේ දිලිහෙන
දිය තරංග පොකුරක්
එළියෙන් නලියනවා

නොදරුවෙකු අතින් බොඳවුන
සිතුවමක් ලෙසින් සුන්දර
පාට රෑනකින් දස අත
රටා වියනවා

කිරිවැදී නටන ගොයමට
මිහිදුමින් වැටුනු පිණිකැට
රන්දමක් වගේ ගෙල වට
රනින් දිළෙනවා

හෙටක් ගැන යමක් නොදකින
හෙටක් තිබේ දැයි නොසිතන
කෙනෙක් මධුවිතක් තොල් අග
තවරගන්නවා

වලා අතුල සිරියහනේ
උණුසුම් හිරු කෙඳි පොරවා
ඉන්ද්‍රචාප කුමාරයා
නිදා වැටෙනවා

මල් සුගන්ධයෙන් නැළැවෙන
ලතා මඬුල්ලේ ලැගගෙන
රෑන් රෑන් සියොතුන් ගී
සින්දු කියනවා

ගායනය - අමරසිරි පීරිස්
පද රචනය - සුනිල් රත්නායක
තනුව - ආචාර්ය ප්‍රේමසිරි කේමදාස
දළ රළ පෙළ ටෙලි සිතුවමෙන්.

Wala Athula Siri Yahane - Amarasiri Peiris