අහසට තරු ඇයි මෙතරම්

අහසට තරු ඇයි මෙතරම්

අහසේ තරමට

දිලිහෙන තරමට

තරු ගැන ඇයි මේ විපරම්

මේ විපරම්

හැම තරුවම දිලිහෙන්නෙ නෑ

දිලිහෙන තරු ගැන අහසක් කිසිදා දන්නෙ නෑ

මතකය වෙරළකි සිහින සිතිජ ඉමේ

සිතිජය හැර නිම් තෙර දකිමු කෙසේ

පහන් ටැඹක් වී දැල්වෙමි දියඹ දිගේ

නිම් තෙර දකිනා දින මහ දුරක නොවේ

ගමේ වෙරළ හමුවෙනු නැත නගර දොරේ

වෙරළ වෙනස් වුව හද එකමයි දෙතෙරේ

අප සැඟවූවත් අප'තර ඇති යම් දේ

වසන් කරනු නෑ හඳ නම් දුටු කිසි දේ

වසන් කරනු නෑ හඳ නම් දුටු කිසි දේ

අහසට තරු ඇයි මෙතරම්

ගායනය - නන්දා මාලනී සහ සුනිල් එදිරිසිංහ සමග ශානිකා සුමනසේකර

පද - බන්දුල නානායක්කාරවසම්

තනුව හා සංගීතය - නවරත්න ගමගේ

කළුවර ගෙදර" ටෙලි සිත්තමේ තේමා ගීයයි.

ඉපනැලි ද රඟයි

ඉපනැලි ද රඟයි

දෙණි පෙත ද තැවෙයි

ගම්දොර සැමරුම් හමුවෙයි

මගෙ වෙහෙර නුඹයි

අත නෙළුමක් වෙයි

පිදුමට පින් මදි ද සිතේ

 

මේ ගමන දුරයි

නුඹ තරු ලකුණයි

එළියෙන් දරුවන් සැනහෙයි

නුඹ මවක වගෙයි

හිත බැතිබර වෙයි

ඉන් මගෙ දෑසම බොඳවෙයි

 

නොදැමුණු සුළඟේ ඇයි නා මල සසල කළේ

නා මලම තමා සැඩ සුළඟ ද නතර කළේ

සසරේ පසු පස එන තැවුල ද උරුම වුණේ

එය තැවුලක් නොව එක මොහොතකි සසර මඟේ

 

මගෙ වෙහෙර නුඹයි

අත නෙළුමක් වෙයි

පිදුමට පින් මදි ද සිතේ

 

නුඹ මවක වගෙයි

හිත බැතිබර වෙයි

ඉන් මගෙ දෑසම බොඳවෙයි

 

ගායනය - නන්දා මාලනී සමග සුනිල් එදිරිසිංහ සහ රෝහණ වීරසිංහ

පද - බන්දුල නානායක්කාරවසම්

තනුව - ආචාර්ය රෝහණ වීරසිංහ

2001 වසරේ විකාශය වූ "අඹු දරුවෝ" ටෙලි නාට්‍යයේ තේමා ගීතයයි.

වියෝවූ පසුවයි දැනෙන්නේ

වියෝවූ පසුවයි දැනෙන්නේ ප්‍රේමයේ අභිමන්

හැඬූදා කඳුළයි දකින්නේ සිනාවේ සරදම් ...//

ඉවුරු දෑලේ හිඳ බැලූ විට ගඟ හැඩයි කදිමයි

දියට වන් විට එවන් ගඟුලම බිහිසුණුයි චණ්ඩයි

වියෝවූ පසුවයි දැනෙන්නේ ප්‍රේමයේ අභිමන්

හැඬූදා කඳුළයි දකින්නේ සිනාවේ සරදම්

හඳක් නැතිදා අහස් තලයට තරුව දෙයි සැනසුම්

පුන් පොහෝදා එවන් තරුවම ලබන්නේ ගැරහුම්

වියෝවූ පසුවයි දැනෙන්නේ ප්‍රේමයේ අභිමන්

හැඬූදා කඳුළයි දකින්නේ සිනාවේ සරදම් ...//

ගායනය - සුනිල් එදිරිසිංහ

පද - බන්දුල නානායක්කාරවසම්

තනුව - ආචාර්ය රෝහණ වීරසිංහ

මෙම ගීය 1992 දී “අමල් බිසෝ” කැසට් පටයටත් 2003 දී “The best of Sunil 2” සංයුක්ත තැටියට හා කැසට් පටයටත් ඇතුළත් වුණා.

උදාවෙන්න මේ රාත්‍රියේ

උදාවෙන්න මේ රාත්‍රියේ
නෙළාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

උයනේ පීදී
සුවඳින් නෑවී .....//
කැකුළක් ලෙසේ කේතකී
මා වෙත එයි ඈ
පෙර මග සරසා
සඳුනේ නැගෙන් රාත්‍රියේ

උදාවෙන්න මේ රාත්‍රියේ
නෙළාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

දියඹේ බිහි වී
වෙරළේ මියැදී ...//
රළ වැල් ලෙසේ සාගරේ
මා හැර යයි ඈ
තනියට ළංවී
සඳුනේ නැගෙන් රාත්‍රියේ

උදාවෙන්න මේ රාත්‍රියේ
නෙලාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

ගායනය - බණ්ඩාර අතාවුද
පද - බන්දුල නානායක්කාරවසම්
තනුව - ආචාර්ය රෝහණ වීරසිංහ

වලා යහනේ

වලා යහනේ ළපළු ඕවිල්ලෙන්
ම වෙත ආ තරුවී
වසන්තේ විහඟී

පබා අරණේ රුසිරු දේදුන්නෙන්
පැහැ ගෙනා දෙවිඳූ
ජීවිතේ දිනිඳූ

පිරූ පෙරුමන් සැඟව යද්දී
සැඩ සුළං දහරේ
ඔබට හමුවූ හුදෙකලා මිනිසා

පෙලූ රැහැණින් මිදී එක දැහැණේ
පියුම පුබුදන සොඳුරු රණ තිසරා

පිදූ පුදසුන් උරණ වෙද්දී
නිසල බැති කුටියේ
කඳුළු සඟවා නොසඟවා සිටියා

හෙළූ නොහෙළූ ඒ කඳුළු මෙදිනේ
කිරුළ සරසන මිණි පබළු වූවා
වලා යහනේ ළපළු ඕවිල්ලෙන්
ම වෙත ආ තරුවී
වසන්තේ විහඟී

පබා අරණේ රුසිරු දේදුන්නෙන්
පැහැ ගෙනා දෙවිඳූ
ජීවිතේ දිනිඳූ
 
ගායනය - සමිතා මුදුන්කොටුව සහ අතුල අධිකාරී
පද - බන්දුල නානායක්කාරවසම්
තනුව - සමන්ත පෙරේරා

චිත්‍රය ඩේවිඩ් ඇන්තනී කලාකරුවාගේ නිර්මාණයකි.
Wala Yahane - Athula Adikari & Samitha Mudunkotuwa

හඳපානක් සේ

හඳපානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට
නෙත් දාහක් පසුකර විත් මට හිමි දෙනුවන දුටු විට
හඳපානක් වූයේ නුඹ නොවෙදෝ මා සිත් අහසට ...//

දූවිලි හුළඟින් පිරුණත් ඉපදුණු නගරේ
මට නුපුරුදු ගමට එන්න බෑ
මේ නගරය අත්හරින්න බෑ

මගෙ උරුමය රැඳුනෙන්* මා ලද ගම් පියසේ
මේ නගරේ කූඩු වෙන්න බෑ
ගම්මානය අත්හරින්න බෑ

අප දෙන්නා මුණ ගැස්වූ මේ මහ නගරේ
අතැ'ර නුඹට ගමට යන්න බෑ
මේ නගරය අත්හරින්න බෑ

මගේ සිතින් නුඹ සිතනා මතු යම් දවසේ
මේ නගරය පාළු වෙන්නෙ නෑ
මං තනියෙන් ගමට යන්නෙ නෑ

හඳපානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට

නෙත් දාහක් පසුකර විත් මට හිමි දෙනුවන දුටු විට
හඳපානක් වූයේ නුඹ නොවෙදෝ මා සිත් අහසට
ගායනය - අතුල අධිකාරි සහ සමිතා එරන්දතී මුදුන්කොටුව
පද - බන්දුල නානායක්කාරවසම්
තනුව - රෝහණ වීරසිංහ

* ගී රචනයේ දී "රැඳුනෙන්" ලෙස වූවත්, සමිතා එය ගයන්නේ "රැඳුනත්" කියාය.

Handapanak Se Evidin - Athula Adikari & Samitha Mudunkotuwa

සිකුරු තරුව රැයේ

සිකුරු තරුව රැයේ

සිකුරු තරුව රැයේ

අඳුර මකන අගේ

හඳට අහස හිමිවන පෝ දා

ලොව හඳටම නතු වෙනවා

තරුවද අමතක වෙනවා

අහස ඉමේ තුරු මුදුනේ මල් හිනැහෙනවා

නොපැතු සැ‍ණේ පෙති ඉහිරී බිමට වැටෙනවා

අහසට පිපි මල් සේ පොළොවට පර මල් හිමිවේ

පිපි මල් පර මල් වෙනවා

ඒ මල් දුක සඟවනවා

සිකුරු තරුව රැයේ

සිකුරු තරුව රැයේ

අඳුර මකන අගේ

හඳට අහස හිමිවන පෝ දා

ලොව හඳටම නතු වෙනවා

තරුවද අමතක වෙනවා

සඳළුතලේ සඳ විලසේ ඔබ හිනැහෙනවා

දිළිඳු මගේ හද අරණේ එළිය නිවෙනවා

ඔබ නෙත් සඳ පහනේ සඳළුතලේ සඳ සැඟවේ

ඔබ යළි සඳවත වෙනවා

මිහිරිව ඔබ රිදවනවා

සිකුරු තරුව රැයේ

සිකුරු තරුව රැයේ

අඳුර මකන අගේ

හඳට අහස හිමිවන පෝ දා

ලොව හඳටම නතු වෙනවා

තරුවද අමතක වෙනවා

ලොව හඳටම නතු වෙනවා

තරුවද අමතක වෙනවා ...///.

ගායනය - එඩ්වඩ් ජයකොඩි සහ චරිතා ප්‍රියදර්ශනී පීරිස්

පද - බන්දුල නානායක්කාරවසම්

තනුව - රෝහණ වීරසිංහ

අකීකරුද ඔබේ සිතත්

අකීකරුද ඔබේ සිතත් වෙරළේ පෙරළෙන රළ වාගේ

අකීකරුයි මගේ සිතත් හමනා සැඩ සුළඟක් වාගේ

ඒ සුළඟේ පාව යන්න

වලා රොදක් සේ නැඟෙන්න ...//

සුළඟ සැරෙන් හමනා විට

ගිණි දැල් තව තව ඇවිලේවී

ඒ ගින්දර නිවාලන්න

ඒ සුළඟම විවරණ දේවී

අකීකරුද ඔබේ සිතත් වෙරළේ පෙරළෙන රළ වාගේ

අකීකරුයි මගේ සිතත් හමනා සැඩ සුළඟක් වාගේ

ඒ සුළඟේ පාව යන්න

වලා රොදක් සේ නැඟෙන්න ...//

වෙරළේ රළ සැඩ වූවොත්

ඔරු කඳ කණපිට පෙරළේවී

නිසල වුණොත් ඒ රළ පෙළ

සුවසේ අප මෙගොඩ කරාවී

අකීකරුද ඔබේ සිතත් වෙරළේ පෙරළෙන රළ වාගේ

අකීකරුයි මගේ සිතත් හමනා සැඩ සුළඟක් වාගේ

ඒ සුළඟේ පාව යන්න

වලා රොදක් සේ නැඟෙන්න ...//

ගායනය - එඩ්වඩ් ජයකොඩි

පද - බන්දුල නානායක්කාරවසම්

තනුව - එච්.එම්. ජයවර්ධන

හඬන්න ළංව ඇති

හඬන්න ළංව ඇති ඔබේ නුවන් පුරා
ඇඳෙන්නෙ ජීවිතේ කතාවදෝ
හෙළන්න බැරිව ළතැවෙනා සුසුම් සදා
කියන්නෙ ජීවිතේ මුලාවදෝ

තරු ඇසක් ඇරී උදාගිරේ
බිම් මලක් මුවින් හිනා නැඟේ

තරු ඇසක් ඇරී උදාගිරේ
බිම් මලක් මුවින් හිනා නැඟේ

තරු ඇසේ කතා මියේද
බිම් මලේ හිනා මැකේද
මේ වෙනස දෝ ආදරේ

හඬන්න ළංව ඇති ඔබේ නුවන් පුරා
ඇඳෙන්නෙ ජීවිතේ කතාවදෝ
හෙළන්න බැරිව ළතැවෙනා සුසුම් සදා
කියන්නෙ ජීවිතේ මුලාවදෝ

සඳ රැහැන් වැටී සුනිල් දියේ
කුමුදු මල් දෙතොල් විදා පිපේ

සඳ රැහැන් වැටී සුනිල් දියේ
කුමුදු මල් දෙතොල් විදා පිපේ

හිරු ඇවිත් එ මල් දවාද
ඒ දුකත් වසන්ව යාද
මේ අරුත දෝ ආදරේ

හඬන්න ළංව ඇති ඔබේ නුවන් පුරා
ඇඳෙන්නෙ ජීවිතේ කතාවදෝ
හෙළන්න බැරිව ළතැවෙනා සුසුම් සදා
කියන්නෙ ජීවිතේ මුලාවදෝ

ඇඳෙන්නෙ ජීවිතේ කතාවදෝ
කියන්නෙ ජීවිතේ මුලාවදෝ ..//

ගායනය - එඩ්වඩ් ජයකොඩි සහ ධම්මිකා බණ්ඩාර
පද - බන්දුල නානායක්කාරවසම්
තනුව - රෝහණ වීරසිංහ

රන් හිරු මඬලින්

රන් හිරු මඬලින් සිහිලස අයදිනවා
පුන් සඳ පහනින් උණුසුම අයදිනවා
ලෝකය බිහිවූ දා සිට අරුමෙකි මිනිසා
ගිරි හිස ඉඳුවර සොයමින් ළතැවෙනවා ...//

සයුරේ පැන් තොට සොයමින් වැලපෙනවා
කතරේ කෙම් බිම දකිමින් රැවටෙනවා

සයුරේ පැන් තොට සොයමින් වැලපෙනවා
කතරේ කෙම් බිම දකිමින් රැවටෙනවා
දිළිසෙන දිය රැළි මාලා
නෙත පුරවා නෙක මායා
මිනිසුන් හැමදා සිහිනෙක සැතපෙනවා

රන් හිරු මඬලින් සිහිලස අයදිනවා
පුන් සඳ පහනින් උණුසුම අයදිනවා
ලෝකය බිහිවූ දා සිට අරුමෙකි මිනිසා
ගිරි හිස ඉඳුවර සොයමින් ළතැවෙනවා

ගමනේ මං පෙත දවසක නිම වෙනවා
ලද දේ කළ කී දේ හිත හඬවනවා

ගමනේ මං පෙත දවසක නිම වෙනවා
ලද දේ කළ කී දේ හිත හඬවනවා
නිවැරදි හැම සඟවාලා
වරදට මල් දම් දාලා
රකුසන් පුද දී මිනිසුන් සැනසෙනවා

රන් හිරු මඬලින් සිහිලස අයදිනවා
පුන් සඳ පහනින් උණුසුම අයදිනවා
ලෝකය බිහිවූ දා සිට අරුමෙකි මිනිසා
ගිරි හිස ඉඳුවර සොයමින් ළතැවෙනවා

ගායනය - එඩ්වඩ් ජයකොඩි
පද - බන්දුල නානායක්කාරවසම්
තනුව - රෝහණ වීරසිංහ

කටු අකුලේ මල් ඇහැරේ

කටු අකුලේ මල් ඇහැරේ

රළු අහසේ තරු හිනැහේ

රළු අහසේ තරු හිනැහේ (රළු අහසේ තරු හිනැහේ)

කටු අකුලේ මල් ඇහැරේ (කටු අකුලේ මල් ඇහැරේ)

තුඩින් තුඩේ රැව් නැගේ

කුරුලු ගී ගායනා

කුළින් කු‍ළේ වැතිරෙතේ

සුදු වලා පාවෙනා

ළමයින් සුවඳයි

කඳුළක දිළිසෙයි

අඳුරු විමානේ

රන් මිණි පහනයි

කටු අකුලේ මල් ඇහැරේ

රළු අහසේ තරු හිනැහේ

රළු අහසේ තරු හිනැහේ (රළු අහසේ තරු හිනැහේ)

කටු අකුලේ මල් ඇහැරේ (කටු අකුලේ මල් ඇහැරේ)

....

අනාථ දෑසේ

කෙම්බිම ඔබමයි

මිලාන ලෝකේ

හසරැළි උයනයි

තුඩින් තුඩේ රැව් නැගේ

කුරුලු ගී ගායනා

කුළින් කු‍ළේ වැතිරෙතේ

සුදු වලා පාවෙනා

කටු අකුලේ මල් ඇහැරේ

රළු අහසේ තරු හිනැහේ

රළු අහසේ තරු හිනැහේ (රළු අහසේ තරු හිනැහේ)

කටු අකුලේ මල් ඇහැරේ (කටු අකුලේ මල් ඇහැරේ)

ගායනය - එඩ්වඩ් ජයකොඩි සහ ටිලානි අමරසිංහ සමග ළමා පිරිස

පද - බන්දුල නානායක්කාරවසම්

තනුව - ආනන්ද ගමගේ

අඹ යහළුවෝ ටෙලි නාට්‍යයේ තේමා ගීයයි.

බන්දුල නානායක්කාරවසම් මහතා කියන්නේ, ගීතය ඉහත අයුරින් ලියැවුණත්, නාට්‍යයේ නාමාවලිය දිග හැරෙන කාලය මත, තිත් ඉරෙන් පහළ පද පේළිය ටෙලි නාට්‍යයෙන් ඉවත් කෙරුණු බවයි.

Song - Katu Akule
Singers - Edward Jayakody & Tilani Amarasinha with Children Choir
Lyricist - Bandula Nanayakkarawasam
Tele Drama - Amba Yahaluwo

ඇසේ කඳුළු දුන්නා

ඇසේ කඳුළු දුන්නා
ඒ කඳුළින් ඔබ හිනාවුණා
හිතේ සුසුම් දුන්නා
ඒ සුසුමින් මා මුලාවුණා ..//

වලා සඳැල්ලෙන් පාර ඇසූයේ නෑ
නුරා සිතුම් ළඟ සලෙලෙකු වූයේ නෑ ..//
මගේ දෙනෙත් එළියෙන් අඳ වී ගෙන
ඔබේ දෙවෙනි සිත මා දුටුවේ නෑ

ඇසේ කඳුළු දුන්නා
ඒ කඳුළින් ඔබ හිනාවුණා
හිතේ සුසුම් දුන්නා
ඒ සුසුමින් මා මුලාවුණා

ඔබේ වියරු පෙම දුක් ගිනි පුළිඟු නිවා
මගේ බිඳුණු සිත වාවා ගත්තද මා ..//
තුරෙන් තුරට ඉගිලෙන සමනලියේ
මලක් පෙති විදා එකම වරයි පිපුණේ

ඇසේ කඳුළු දුන්නා
ඒ කඳුළින් ඔබ හිනාවුණා
හිතේ සුසුම් දුන්නා
ඒ සුසුමින් මා මුලාවුණා ..//

ගායනය - ජානක වික්‍රමසිංහ
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

නිල් අහසත් රළු පොළවත්

නිල් අහසත් රළු පොළවත්

එක් වේවිද කවදාවත්

පන් පැදුරත් සත් මහළත්

මුහු වේවිද කවදාවත්

මුහු වේවිද කවදාවත්

උදාගිරේ තනි තරුවයි ඔබ මට

වැළපෙන බිම් මල මාදෝ

කහවනු පවුරින් වටවුණු සිරගේ

පතනා කෙම් බිම වේදෝ

පතනා කෙම් බිම වේදෝ

නිල් අහසත් රළු පොළවත්

එක් වේවිද කවදාවත්

පන් පැදුරත් සත් මහළත්

මුහු වේවිද කවදාවත්

මුහු වේවිද කවදාවත්

ක්සිතිජ ඉරක් වී නෙතු රවටනු ඇයි

නැති ලෙස සිතක් කයක්

අහසින් පොළවට බැස ආවොත් ඔබ

නෑ නොව හිතට දුකක්

නෑ නොව හිතට දුකක්

නිල් අහසත් රළු පොළවත්

එක් වේවිද කවදාවත්

පන් පැදුරත් සත් මහළත්

මුහු වේවිද කවදාවත්

මුහු වේවිද කවදාවත්

ගායනය - ජානක වික්‍රමසිංහ

පද රචනය - බන්දුල නානායක්කාරවසම්

තනුව හා සංගීතය - ගුණදාස කපුගේ

සිරකාරිය කළ මැනවී

සිරකාරිය කළ මැනවී
ඔබේ ප්‍රේමයේ සිපිරි ගෙයි සදාකාලයට මා
සිරකාරිය කළ මැනවී

ඔබේ ඇසින් ගලනා එළියෙන් මට විලංගු ලා
ඔ‍බේ මුවින් නැගනා ස්වරයෙන් දොර අගුලු දමා
ඔබේ මානයේ රඳවා
ලොවින් වෙන්ව තබා
සිරකාරිය කළ මැනවී
සිරකාරිය කළ මැනවී

ඔබේ වතින් හමනා සුවඳින් මට ඔවදන් දී
ඔබේ පහස මවනා මිහිරෙන් මට දඬුවම් දී
ඔබේ මානයේ රඳවා
ලොවින් වෙන්ව තබා
සිරකාරිය කළ මැනවී
සිරකාරිය කළ මැනවී

සිරකාරිය කළ මැනවී
ඔබේ ප්‍රේමයේ සිපිරි ගෙයි සදාකාලයට මා
සිරකාරිය කළ මැනවී

ගායනය - දීපිකා ප්‍රියදර්ශනී
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

 

ඔබ කවුද

ඔබ කවුද
හඳුනන්නට හැකිවේද
ඔබ කවුද
හැඳිනූවත් ඔබමයි ද ...//

කැඩපතට එබී හිනැහී වැළපී
ඔබ දකිනට වෙහෙසෙනවාද
ලෝකයට සැදී අළුතින් සැරසී
වෙනකෙකු ලෙස සැඟවෙනවාද

ඔබ කවුද
හඳුනන්නට හැකිවේද
ඔබ කවුද
හැඳිනූවත් ඔබමයි ද

ඔබ ඔබම තමයි
දන්නෙත් ඔබමයි
මේ විමසුම ඔබගෙන්මයි
ඔබ කවුද

ගායනය - දීපිකා ප්‍රියදර්ශනී
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

 

පරසතු කුසුමක් මා තුරුළට ආවා

පරසතු කුසුමක් මා තුරුළට ආවා

ලෝකය මොහොතක් නතර වුණා

දියණි දෙනෙත් සැලුණා

අප යළිදු උපන්නා

ඒ දියණි නිසා

උයන් පුරා මල් සුවඳ ඉසිනවා

රුවන් වලාවන් යහන සදනවා

ඇසින් කඳුළු වී සතුට ගලනවා

සුරන් සමඟ දූ කුමරි නිදනවා

සුරන් සමඟ දූ කුමරි නිදනවා

පරසතු කුසුමක් මා තුරුළට ආවා

ලෝකය මොහොතක් නතර වුණා

දියණි දෙනෙත් සැලුණා

අප යළිදු උපන්නා

ඒ දියණි නිසා

සවි වී සියළු යස ඉසුරු කිරුළු ලා

නොවිඳි මහිම දියණිය ගෙන එනවා

ලොවම එරෙහි වෙද ඒ දුක පිසදා

දියණි යළිදු අපගේ ලොව වෙනවා

දියණි යළිදු අපගේ ලොව වෙනවා

පරසතු කුසුමක් මා තුරුළට ආවා

ලෝකය මොහොතක් නතර වුණා

දියණි දෙනෙත් සැලුණා

අප යළිදු උපන්නා

ඒ දියණි නිසා

ගායනය - දීපිකා ප්‍රියදර්ශනී සමග ආචාර්ය රෝහණ වීරසිංහ

පද රචනය - බන්දුල නානායක්කාරවසම්

තනුව හා සංගීතය - ආචාර්ය රෝහණ වීරසිංහ

අළුයම අරුණලු

අළුයම අරුණලු දහරක් සේ ඔබ

සිත්සර විකසිත කරනා

මේ කුලගෙය මනරම්

තුන්යම දුක්බර සිහින දමේ ඔබ

උණු කඳුළැලි පිසදමනා

මේ කුලගෙය මනරම්

පෙම්වතියක සඳ කළ කී හුරතල් අමතක සේ

නළලත සිඹ මට සමුගෙනෙනා ඔබ බිරිඳ නොවේ

ඔබ බිරිඳ නොවේ මට දෙවෙනි මවුන්

මුල් දින හිනැහුණු සේ නොවෙනස් ලෙස දිවි ගමනේ

තරු එළියක් දී මඟ කියනා ඔබ පතිඳු නොවේ

ඔබ පතිඳු නොවේ මට පියෙකි උතුම්

දළ රළ ඉවසන වෙරළක් සේ නිති මා සෙවනේ

ලබන ගැහැට නිහඬව දරනා ඔබ මහිම කියන්නට

ඔබ මහිම කියන්නට නොමැත උවම්

අනන්ත රූ මැද දුටුව අරුම මිනිසා හමුවේ

කැදැලි තනා පෙරුමන් පුරනා ඔබ පතිනිය වන්නට

ඔබ පතිනිය වන්නට පෙරූ පිරුම්

අළුයම අරුණලු දහරක් සේ ඔබ

සිත්සර විකසිත කරනා

මේ කුලගෙය මනරම්

තුන්යම දුක්බර සිහින දමේ ඔබ

උණු කඳුළැලි පිසදමනා

මේ කුලගෙය මනරම්

ගායනය - සමන්ත පෙරේරා සහ දීපිකා ප්‍රියදර්ශනී

පද රචනය - බන්දුල නානායක්කාරවසම්

තනුව හා සංගීතය - ආචාර්ය රෝහණ වීරසිංහ

අබ මිටක් සෙව්වාය

අබ මිටක් සෙව්වාය පෙර කල කිසාගෝතමියක්
දෙදරු හා හිමි නැතිව වැළපුණි පටාචාරාවක්
කවුරුදැයි මා ඔවුන් අතරෙහි නොම හැඟේය මටත්
කියාදෙනු මැන හිමියණේ මට නිසරු දිවියෙ අරුත්

සුජාතා හා විශාඛා ඈ නොයෙක කුලවමියන්
අනේ ඔබ ළඟ වැටී පෙර ලද පරම සුවය අසම්
එවන් මා හද අපිස් දිවියෙහි නොමඳ අඳුර දකිම්
මලක් කොට සිත ඉරක් සේ දිසි ඔබේ නමට පුදම්

රුවන් මාලිග කසුන් අභරණ ඇතත් මේ දිවියේ
රැඳී ඇති සැප අහෝ කිව මැන මගේ බුදු සමිඳේ
ඔබේ බුදු බණ මහී තලයේ ඇසෙන පෝ දිනයේ
ඇසේ කඳුළක් තබා යන්නෙමි සසර පිදුම ලෙසේ

අබ මිටක් සෙව්වාය පෙර කල කිසාගෝතමියක්
දෙදරු හා හිමි නැතිව වැළපුනි පටාචාරාවක්
කවුරුදැයි මා ඔවුන් අතරෙහි නොම හැඟේය මටත්
කියාදෙනු මැන හිමියණේ මට නිසරු දිවියෙ අරුත්

ගායනය - දීපිකා ප්‍රියදර්ශනී
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

විමනේ දිනිඳු මගේ

විමනේ දිනිඳු මගේ
ඔබ වේ සසර මඟේ
සඳ රැසේ එළිය සේ බිළිඳු සිනා සැලේ //

ජීවිතේ සිහිනයේ සුවඳ විහිදුවා
ගීතයේ මිහිසරේ මිහිර අතුරලා
සොඳුරු මේ දිවිතෙරේ //
තරුව ඔබය සදා

පුතුගේ සිඟිති නෙතේ
ඔබගේ මුහුණ පෙනේ
සඳ රැසේ එළිය සේ බිළිඳු සිනා සැලේ

ම් ම් ම්...
ම් ම් ම්...

මිරිඟුවේ තිමිරයේ හැබෑ රුව වෙලා
ඝණඳුරේ පහන සේ විමන දිදුළවා
රුදුරු මේ මං පෙතේ //
තරුව ඔබය සදා

විමනේ දිනිඳු මගේ
ඔබ වේ සසර මඟේ
සඳ රැසේ එළිය සේ බිළිඳු සිනා සැලේ

ගිනිදැල් සතර දෙසේ
රසුදැල් නඟන ලෙසේ
ඔබද හා පුතු සදා රකිමි දෙනෙත ලෙසේ ///

ගායනය - දීපිකා ප්‍රියදර්ශනී සහ අමල් පෙරේරා
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

නමක් නොදන්නා මලක්

නමක් නොදන්නා මලක්
පිපී
තනිවී
හිඳී ප්‍රභාතයෙන්
නමක් නොදන්නා රුවක්
ගැටී
දෙනෙතේ
වෙලී සමාධියෙන් ...//

පෙරුම් පිරූ හැටි දන්නේ මල පමණයි
පෙති ඇරෙනා තුරු
ලොවක් පෙලූ දුක දන්නේ නෙත පමණයි
ඔබ දකිනා තුරු
ඔබ දකිනා තුරු

නමක් නොදන්නා මලක්
පිපී
තනිවී
හිඳී ප්‍රභාතයෙන්
නමක් නොදන්නා රුවක්
ගැටී
දෙනෙතේ
වෙලී සමාධියෙන්

පැතුම් තඩාගය ඉතිරී ඔබ දෙනෙතයි
මට පිදුවේ මධු
සුපෙම් සරා රැය නිමවී ඔබ පමණයි
ළඟ රැඳි මා සඳු
ළඟ රැඳි මා සඳු

නමක් නොදන්නා මලක්
පිපී
තනිවී
හිඳී ප්‍රභාතයෙන්
නමක් නොදන්නා රුවක්
ගැටී
දෙනෙතේ
වෙලී සමාධියෙන්

ගායනය - දීපිකා ප්‍රියදර්ශනී සහ දයාන් විතාරණ
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ

Anyone who has the link can play this song in your "Smart Phone"