Wednesday, January 11, 2017

අක්කෙ අක්කෙ අර බලන්නකෝ

අක්කෙ අක්කෙ අර බලන්නකෝ
වැස්සක් නොවැ එන්නේ ...//

හෝ හෝ හෝ ගා ගෙන එන්නේ
ගස් ගල් පෙරළෙන්නේ ..//

සුළං තදයි විදුලියද කොටයි හෙණ හඬ පැතිරෙයි
මහ වලාකුළක් මේ එන්නේ

අක්කේ වී පැදුරත් මිදුලේ
අකුලා ගෙට ගන්නේ ..//
අම්මත් අර නා ගෙන එන්නේ //
මල්ලි තවම කුඹුරේ //

සුළං තදයි විදුලියද කොටයි හෙණ හඬ පැතිරෙයි
මහ වලාකුළක් මේ එන්නේ

නංගි සුදෝ මගෙ හඬන්ටෙපා
අම්ම හනික දැන් එයි ...//
බිල්ලො නොවෙයි ඔය ගොරවන්නේ //
අහසේ හෙණ නාදේ //

සුළං තදයි විදුලියද කොටයි හෙණ හඬ පැතිරෙයි
මහ වලාකුළක් මේ එන්නේ

අක්කේ දර ටික ගෙට ගනිමූ
වැහි පොද වැටෙනවනේ ...//
වතුරත් ඉවරයි කළ ගෙඩියේ //
හනික ළිඳට යමුකෝ //

සුළං තදයි විදුලියද කොටයි හෙණ හඬ පැතිරෙයි
මහ වලාකුළක් මේ එන්නේ
අක්කෙ අක්කෙ අර බලන්නකෝ
වැස්සක් නොවැ එන්නේ

ගායනය - සූරිය ශන්කර් මොල්ලිගොඩ සහ වී.පී. ලීලාවතී
පද හා තනුව - ආනන්ද සමරකෝන්