උදේ සුපිපුණු මලක් බඳූ

උදේ සුපිපුණු මලක් බඳූ

ළපටි අත පය හුඟක් මුදූ

අම්ම හරි ආදරෙන් හැදූ

මාග‍ෙ නංගිගෙ නමයි සුදූ

අම්ම හරි ආදරෙන් හැදූ

මාග‍ෙ නංගිගෙ නමයි සුදූ

උදේ සුපිපුණු මලක් බඳූ

චුට්ට වැරදුණ තැනදි බලා

සණ්ඩු වීලා කඳුළු සලා ....//

අඬ අඬා ඉඳ ටිකක් වෙලා

යාළු වෙයි යළි හිනාවෙලා ....//

උදේ සුපිපුණු මලක් බඳූ

හිතන දේවල් කොහොම හරී

ගන්නෙ තාත්තා ළඟට හැරී ...//

නංගි මගෙ ළඟ නැතුව බැරී

ඇයත් හරි මගෙ පණත් හරී ...//

උදේ සුපිපුණු මලක් බඳූ

ළපටි අත පය හුඟක් මුදූ

අම්ම හරි ආදරෙන් හැදූ

මාග‍ෙ නංගිගෙ නමයි සුදූ

අම්ම හරි ආදරෙන් හැදූ

මාග‍ෙ නංගිගෙ නමයි සුදූ

උදේ සුපිපුණු මලක් බඳූ

ගායනය - දමයන්ති එ්කනායක

පද - කරුණාරත්න අබේසේකර

සංගීතය - මොහොමඩ් සාලි

එක දවසක් සීයා අපේ ගෙදර ඇවිල්ලා

එක දවසක් සීයා අපේ ගෙදර ඇවිල්ලා

හොඳ ලස්සණ බෝනික්කෙක් තෑගි ගෙනල්ලා

ඉස්සෙල්ලම හාදුවකුයි ඉල්ලා උන්නේ

මූණ ඉඹල ඒක මගේ අතටයි දුන්නේ //

අඬල හැපිල කෑ ගාමින් ගේම හෙල්ලුවා

මට ගෙනාපු බෝනික්කා නංගි ඉල්ලුවා...//

අක්ක කිවුව ඒක මටම දෙන්නට කියලා

ඒත් එයා ඇහුවෙම නෑ තවත් වද කළා...//

එක දවසක් සීයා අපේ ගෙදර ඇවිල්ලා

හොඳ ලස්සණ බෝනික්කෙක් තෑගි ගෙනල්ලා

ඉස්සෙල්ලම හාදුවකුයි ඉල්ලා උන්නේ

මූණ ඉඹල ඒක මගේ අතටයි දුන්නේ //

ගෙදර හැමට මේ හින්දා සිහියක් නැත්තේ

අම්මා තාත්තා අහලකවත් නෑ එහි ඇත්තේ...//

සුදු නංගියි මමයි ඉඳන් දෙන්නා දෙපැත්තේ

බෝනික්කා තුරුළු කරන් නිදියාගත්තේ...//

එක දවසක් සීයා අපේ ගෙදර ඇවිල්ලා

හොඳ ලස්සණ බෝනික්කෙක් තෑගි ගෙනල්ලා

ඉස්සෙල්ලම හාදුවකුයි ඉල්ලා උන්නේ

මූණ ඉඹල ඒක මගේ අතටයි දුන්නේ ////

ගායනය - දමයන්ති ඒකනායක

අම්මාගෙ උකුළේ නැළවී

අම්මාගෙ උකුළේ නැළවී

තාත්තාත සුරතල් වෙවී

පාසල් ගොසින් උදය කාලේ

ගතවීලා යයි මාගෙ බාලේ

අම්මාගෙ උකුළේ නැළවී

දෙගුරුන්ගෙ අවවාද අසලා

අවුරුද්ද අවුරුද්ද ගෙවලා ....//

ලොකු පොත් සොයාලා කියෝලා

ඉගෙනීම අවසාන කරලා ....//

අම්මාගෙ උකුළේ නැළවී

ලංකාව රට මා උපන්න

මගෙ ජාතියේ නාමෙ ගන්න ....//

පුළුවන් තරම් වෙහෙස වන්න

පතමී හොඳින් මා හැදෙන්න ....//

අම්මාගෙ උකුළේ නැළවී

තාත්තාත සුරතල් වෙවී

පාසල් ගොසින් උදය කාලේ

ගතවීලා යයි මාගෙ බාලේ

අම්මාගෙ උකුළේ නැළවී

ගායනය - දමයන්ති ඒකනායක

පද රචනය - කරුණාරත්න අබේසේකර 

තනුව - මොහමඩ් සාලි