මගේ පැල තුළ මගේ තනියට කඳුළ ළඟ හිඳුවා
ප්‍රියේ ඔබ ගිය පුවත ලොව වෙත ඉඳිමි මම සඟවා ...//
ඔබේ සිත යට මගේ පෙම මට අහිමිවී යා නම්
කෙසේ ඉවසා සිටින්නද මා මසිත වැළපේ නම්
ගැලී තනිකම රැයේ අඳුරේ තුරුලු කර ගමි මම්
මගේ පැල තුළ මගේ තනියට කඳුළ ළඟ හිඳුවා
ප්‍රියේ ඔබ ගිය පුවත ලොව වෙත ඉඳිමි මම සඟවා
ලොවම දෙදරා අහස ගුගුරා හඬා වැටුණාවේ
මසිත මා ළඟ වැළපෙනායුරු ඔබට දැනුණාවේ
සුසුම් කඳුළැලි සදා ඔබ වෙත උරුම නොවුණාවේ
රුදුරු පෙම් ලොව කටුක දිවි මඟ මටම ලැබුණාවේ
මගේ පැල තුළ මගේ තනියට කඳුළ ළඟ හිඳුවා
ප්‍රියේ ඔබ ගිය පුවත ලොව වෙත ඉඳිමි මම සඟවා ...//
ගායනය - විශාරද මාලිනී බුලත්සිංහල
පද - දයා ශාන්ත කාරියවසම්
තනුව - ආචාර්ය
රෝහණ වීරසිංහ
