මුව දොරක් නැති ප්‍රේමයේ

මුව දොරක් නැති ප්‍රේමයේ
බොල්වී නොවෙද අපි ඇහුලුවේ
නිල් ඉඳුවරේ නිල හේදුනේ
දුර නිසයි සඳ තරු රැයේ //

සුසුම් පතකට
කඳුළු පැසකට
උනා සළු පිළි සිහිනයේ ...//
පුර පසට නැග එන්න අහසට
නික්ම යන්නම් දියවකේ //

වසන්තයකට
අත වනන්නට
ඉඩක් නෑ ගිම්හානයේ  ...//
කටු කොහොරු මත මතක පියවන
මලක් වෙන්නම් සෞම්මියේ //

මුව දොරක් නැති ප්‍රේමයේ
බොල්වී නොවෙද අපි ඇහුලුවේ
නිල් ඉඳුවරේ නිල හේදුනේ
දුර නිසයි සද තරු රැයේ //

ගායනය - අමරසිරි පීරිස්
පද රචනය - ප්‍රභාත් වෙත්තසිංහ
තනුව - සිරිල් පෙරේරා

දිගැසියේ

දිගැසියේ දිගු නීල නයන
නිල් විලේ පිහිනා යන්නට
අවසර ඇත්නම්
අවසර ඇත්නම්
සඳ දියේ සඳ සිහිල සිඹින
තරු ඇසේ මුදු සිහින පතක
දැවටී ඉන්නම්

ගිම් නිවා ගිම්හානයේ
මල් පොකුරු පුරෝගෙන
ලිය මඬුලු රටා වියනා
හසකැන් ලිහා වස්සානයේ
ඇවිදන් යන්න යමු ප්‍රේමියේ

දිගැසියේ දිගු නීල නයන
නිල් විලේ පිහිනා යන්නට
අවසර ඇත්නම්
අවසර ඇත්නම්

තටු සලා නිල් ආකහේ
පවනැල්ලෙ එතීගෙන
සිත් කවුළු පියන් හරිනා
සුවඳින් ඔබේ කිඳුරාවියේ
හැඟුමන් දෙන්න කල්පාන්ථයේ

දිගැසියේ දිගු නීල නයන
නිල් විලේ පිහිනා යන්නට
අවසර ඇත්නම්
අවසර ඇත්නම්
සඳ දියේ සඳ සිහිල සිඹින
තරු ඇසේ මුදු සිහින පතක
දැවටී ඉන්නම්

ගායනය - අමරසිරි පීරිස්
පද රචනය - ප්‍රභාත් වෙත්තසිංහ
තනුව - නවරත්න ගමගේ