රෝස මලෙක කටු ඇනුණා

රෝස මලෙක කටු ඇනුණා
හද පතුලෙන් ලේ ගැලුවා
මල් පෙති මත ලේ හැලුණා
මල රතු පාටින් දිලුණා ...//

රෝස මලට නෑ රිදුණේ
මලේ සිනා රැව් නැඟුණේ ..//

රෝස මලෙක කටු ඇනුණා
නෙත'ඟින් කඳුළක් වැටුණා ...//
මල් පෙති මත එය රැඳුණා
පිනි බිඳුවක් වී දිලුණා

රෝස මලට නෑ රිදුණේ
මලේ සිනා රැව් නැඟුණේ ...//

හිරු අවරට ගොස් ගිලුණා
රෝස මලේ පෙති හැලුණා  ...//
හදවත ඉකිබිඳ හැඬුවා
මල මත පරවී වැටුණා

රෝස මලට නෑ දැනුණේ
හදවත පෙම් කළ අරුමේ ...//

ගායනය - එඩ්වඩ් ජයකොඩි
පද - සරලා ජීවන්ති ගමගේ
තනුව - රෝහණ වීරසිංහ