පිපුණු මල් දෙකක් අතරට වීලා
පුංචි කැකුළියක් මල් පෙති විදහා
සිනාසෙන්න දඟලන රන් මොහොතක
සොබාදමත් දිලුණා
සුරංගනා ගීතයෙන් නැළවිලා
දේදුනු ඕවිල්ලක සැතපීලා ...//
සිහින සිය දහස් අතරින් අවදිව
දූ නදී හිනැහෙනවා
පිපුණු මල් දෙකක් අතරට වීලා
පුංචි කැකුළියක් මල් පෙති විදහා
සිනාසෙන්න දඟලන රන් මොහොතක
සොබාදමත් දිලුණා
සිඟිති දෙපා වැටි වැටි ඔසවාලා
දෑත් විදා මා උකුළට පැනලා ...//
තාත්ති සුරතල් බසින් දොඩ දොඩා
දූ නදී හිනැහෙනවා ///.
ගායනය - මිල්ටන් මල්ලවාරච්චි
පද රචනය - විමල් පුෂ්පකුමාර
තනුව - උපාලි කන්නංගර
