දොළක් දුටිමි ඇද හැළෙනා
හෙල් පාමුල නිල් තලයේ
මලක් දුටිමි පෙති විදහා
දොළ ඉවුරේ සෙල් තලයේ ....//
දොළේ ගීත නැඟෙයි සෙමින්
බිඟු රසුදැල් සැළෙන සරින්
මලේ රුසිරු දිලේ රුවන්
මිණි මුතු හර පැළඳි රුවින්
දොළ රඟදෙයි
මල හිනැහෙයි ...//
ලොව පිබිදෙයි
රස විසිරෙයි
දොළක් දුටිමි ඇද හැළෙනා
හෙල් පාමුල නිල් තලයේ
මලක් දුටිමි පෙති විදහා
දොළ ඉවුරේ සෙල් තලයේ ....//
මලේ පියලි මිලින කරන්
හිරු සැඟවෙයි අවරගිරින්
දොළේ සීත සළුව මතින්
මළගම් යයි මල රහසින්
ලොව නිහඬයි
දොළ වැළපෙයි ...//
ඝණ අඳුරයි
රළ නොනිවෙයි
දොළක් දුටිමි ඇද හැළෙනා
හෙල් පාමුල නිල් තලයේ
මලක් දුටිමි පෙති විදහා
දොළ ඉවුරේ සෙල් තලයේ ....//
ගායනය - සමිතා මුදුන්කොටුව සමග රාජු බණ්ඩාර
පද - කුලරත්න ආරියවංශ
තනුව - රෝහණ වීරසිංහ
Dolak Dutumi - Samitha Mudunkotuwa
