සල් සමන් සුගන්ධිනී

සල් සමන් සුගන්ධිනී
වසන්ත විල් තෙරේ
මල් තරංගයක් වෙමී
ඔබේ නුවන් දොලේ ...//

මා පැතුම් ගෙනා
රෑ පහන් වුණා
මල් මනාලියයි උදෑසනේ
ස්නේහයේ රුවන්
දැල් වුණා පහන්
රොන් සොයා වඩින්න පා සෙනේ

නෑ සඳේ සිනා
තුෂාරයෙන් ගෙනා
ආදරේ රිදී කලාලයේ
මන්දහාසයෙන්
පීදුණා ලවන්
පා තබා වඩින්න පා සෙනේ

සල් සමන් සුගන්ධිනී
වසන්ත විල් තෙරේ
මල් තරංගයක් වෙමී
ඔබේ නුවන් දොලේ

ගායනය - අමරසිරි පීරිස් සහ මැණික් ජයසේකර
පද රචනය - හේමසිරි ගුණතුංග
තනුව - උපාලි ද සිල්වා

ස්නේහයේ නගරයයි

ස්නේහයේ නගරයයි සිත මගේ
මාවතක් හෝ නොවූ රාගයේ
වන්දනාවේ ගිහින් ඉන්න ආසයි මටත්
කොයි ඉසව්වේද ඒ මෙත් පුරේ

යෞවනේ නිල් නුවන් සේ රැඳී
රන් මලක් වේද හද සල් වනේ
නෙත් පහන් දල්වලා
සිත් සඳුන් දුම් දවා
රන් සිනා පාමි පූජාසනේ

ස්නේහයේ නගරයයි සිත මගේ
මාවතක් හෝ නොවූ රාගයේ
වන්දනාවේ ගිහින් ඉන්න ආසයි මටත්
කොයි ඉසව්වේද ඒ මෙත් පුරේ

මේ නවාතැන් ගෙවා ආත්මයේ
යන තුරා මිලින වී මතු දිනේ
සෙනෙහසේ සිහිලඹින්
දොවන සේ යදිමි මා
පූජණීයයි උතුම් ආදරේ

ස්නේහයේ නගරයයි සිත මගේ
මාවතක් හෝ නොවූ රාගයේ
වන්දනාවේ ගිහින් ඉන්න ආසයි මටත්
කොයි ඉසව්වේද ඒ මෙත් පුරේ

වන්දනාවේ ගිහින් ඉන්න ආසයි මටත්
කොයි ඉසව්වේද ඒ මෙත් පුරේ ..//

ගායනය - අමරසිරි පීරිස් සහ මැණික් ජයසේකර
පද රචනය - හේමසිරි ගුණතුංග
තනුව - ආචාර්ය රෝහණ වීරසිංහ

කවුරුවත් නැහැ

කවුරුවත් නැහැ
කවුරුවත් නැහැ
එගොඩට යන්නට
එගොඩට යන්නට

ඉරගල වැටිලා ඉවුර දෙපැත්තේ
අඳුර ගලනවා පාරුව ඇතුළට
ලන්තෑරුම කෝ
ඔහෙ තිබුණා වේ
කවුරුවත් නැහැ
කවුරුවත් නැහැ

දවසින් දවසට පාළම හැදුනා
පාළම් මෝලේ හෙණ හඬ ඇසුණා
කිරල කැලෑවේ කුරුළු කොබෙයියන්
ගම හැරදා
යන්න ගිහින්

කවුරුවත් නැහැ
කවුරුවත් නැහැ
එගොඩට යන්නට
එගොඩට යන්නට

දෑතේ අතැඟිලි හබලට ගෙවුනා
ගෙනියන්නට බැරි මහ බර තිබුණා
මෙතුවක්‌ නොමගිය බර අද දවසේ
මට හිනැහීගෙන යනවා වාගෙයි

කවුරුවත් නැහැ
කවුරුවත් නැහැ
එගොඩට යන්නට
එගොඩට යන්නට

ඉරගල වැටිලා ඉවුර දෙපැත්තේ
අඳුර ගලනවා පාරුව ඇතුළට
ලන්තෑරුම කෝ
ඔහෙ තිබුණා වේ

ගායනය - අමරසිරි පීරිස්
පද රචනය - හේමසිරි ගුණතුංග
තනුව - ආචාර්ය ප්‍රේමසිරි කේමදාස

Kawruwath Nehe - Amarasiri Peiris

සඳ රේඛාවෙන් බසින ලියේ

සඳ රේඛාවෙන් බසින ලියේ
නූපුර නොසලා වඩින ලියේ
තරු ඕවිල්ලේ
පුතු නිදිගන්වා
විජයිඳු පායට වඩින ලියේ
සඳ රේඛාවෙන් බසින ලියේ

බුදුගුණ ලකරින් මංගල සුතුරින්
පිරුවානා කවි සිලෝ කියා
ආශිර්වාදය කළ මැන පුතු හට
සරසවි දැහැණින් තිලක තියා

සඳ රේඛාවෙන් බසින ලියේ
නූපුර නොසලා වඩින ලියේ
තරු ඕවිල්ලේ
පුතු නිදිගන්වා
විජයිඳු පායට වඩින ලියේ
සඳ රේඛාවෙන් බසින ලියේ

සුදම් සභාවේ මුල් පෙළ හිඳිනා
හෙළ විරුවන්ගේ කතා කියා
දෑ අභිමානය දෙනු මැන පුතු හට
සඳකඩ පහනේ සිරස තියා

සඳ රේඛාවෙන් බසින ලියේ
නූපුර නොසලා වඩින ලියේ
තරු ඕවිල්ලේ
පුතු නිදිගන්වා
විජයිඳු පායට වඩින ලියේ
සඳ රේඛාවෙන් බසින ලියේ

ගායනය - අමරසිරි පීරිස්
පද රචනය - හේමසිරි ගුණතුංග
තනුව හා සංගීතය - අමරසිරි පීරිස්

Sanda Rekhawen Basina Liye - Amarasiri Peiris