රෑ කළු කඩතිරය ඉරා

රෑ කළු කඩතිරය ඉරා
යළි හෙට හිරු නැගෙන තුරා
නෙත් දල්වා මා ඉන්නේ
ලොව ලස්සණ දැක ගන්නයි
ලොව ලස්සණ දැක ගන්නයි

කිචිබිචියේ කුරුලු ගීත
තුරුලිය පත් සලන රාව ...//

ගලන දොලේ ගී නාදය
සවන් යොමා නැළවෙන්නයි

රෑ කළු කඩතිරය ඉරා

තුරු සෙවණක සැඟවීලා
සිසිලස විඳ මඳපවනේ ...//

දිනෙන් බිඳක් තොලගාමින්
ගිමන් නිවා සැනසෙන්නයි

රෑ කළු කඩතිරය ඉරා
යළි හෙට හිරු නැගෙන තුරා
නෙත් දල්වා මා ඉන්නේ
ලොව ලස්සණ දැක ගන්නයි
ලොව ලස්සණ දැක ගන්නයි

ගායනය - යමුනා විනෝදනී
පද - ගාමිණී ගුණරත්න
තනුව - ඩී.ආර්. පීරිස්

ඈත හිනැහෙන තාරකාවී

ඈත හිනැහෙන තාරකාවී
සහන් එළියෙන් මඟ අසාගෙන
කතා කරනා ඔබේ නෙත් මත
මගේ රූ සිතුවම් මවන්නම්

නෙතට ළංවී හිඳින මොහොතේ
සුසුම් ලා ඉන්නේ කුමකටදෝ
වෙන කවුරුවත් නැති මං තලාවක
ඇවිදගෙන යමු නිසංසල යාමේ

ළදළු මුව මත සීත පින්නේ
ළහිරු එළියෙන් මුවාවී ගෙන
මගේ උණුසුම් සුසුම් සෙවණක
මිලින කඳුළක් හිනහුනාවේ

පවන් සලනා සොඳුරු මඳනල
මා හදේ රැන්දූ සෙනෙහසේ
ඔබ වාසනාවන් සුන්දරාවිය
දිවි තලාවේ අරුත දුන්නාදෝ

ඈත හිනැහෙන තාරකාවී
සහන් එළියෙන් මඟ අසාගෙන
කතා කරනා අපේ නෙත් මත
සොඳුරු සිතුවම් පෙමින් හමුවේ

ගායනය - යමුනා විනෝදනී සමග දයාරත්න පෙරේරා
පද - කුසුම් පීරිස්
තනුව - තිස්සසිරි පෙරේරා

අසුරු සැණින් එක මොහොතකදී

අසුරු සැණින් එක මොහොතකදී
කාලය නැවතී යළි ඇරඹී
විශ්වය අලුතින් බිහිවේවා
ඔබේම වී මා මගේම වී ඔබ
අපේම වී අප ඉපදේවා

යෙහෙළියන්ගෙ ඉඟි දිනක සැබෑවී
ඔබේම කුලගෙයි පතිනිය වන්නට ....//
මතු යම් දවසක හැකිවේවා
ඔබේම වී මා මගේම වී ඔබ
අපේම වී අප ඉපදේවා

අසුරු සැණින් එක මොහොතකදී
කාලය නැවතී යළි ඇරඹී
විශ්වය අලුතින් බිහිවේවා
ඔබේම වී මා මගේම වී ඔබ
අපේම වී අප ඉපදේවා

සෙනෙහෙ විමානේ කිරුළ දරණ දා
සිඟිති තොලක කිරි හිනා දකින්නට ...//
එක සෙවණක දී හමුවේවා
ඔබේම වී මා මගේම වී ඔබ
අපේම වී අප ඉපදේවා

අසුරු සැණින් එක මොහොතකදී
කාලය නැවතී යළි ඇරඹී
විශ්වය අලුතින් බිහිවේවා
ඔබේම වී මා මගේම වී ඔබ
අපේම වී අප ඉපදේවා

ගායනය - යමුනා විනෝදනී
පද - කුසුම් පීරිස්
තනුව - ලෙස්ලි අශෝකා

 පැරණි ගීය


නව ගීය

ඔබ ළංවී මා අමතන මොහොතේ

ඔබ ළංවී මා අමතන මොහොතේ

හද අවිවෙකයි නෙතට විවේකයි

ප්‍රේම නිම්නයේ දෝංකාර දෙන

ආදරයේ හඬ මිහිරියි සොඳුරුයි

පිබිදුණු දෑසක කඳුළ උපද්දා

පෙම් කළ හිතකට වෛර කලාවද

වෛර කළේ නැත

දුරස් වුණේ නැත

දොඩමළු ලොවකින්

මුවා වුණා මම

ඔබ ළංවී මා අමතන මොහොතේ

හද අවිවෙකයි නෙතට විවේකයි

ප්‍රේම නිම්නයේ දෝංකාර දෙන

ආදරයේ හඬ මිහිරියි සොඳුරුයි

දැනුණාදෝ හද සුසුම් හෙළූ බව

ඇහුණාදෝ සෝ ළතැවුල් ගීතය

දැනුණා ඇසුණා

ආදරයේ හඬ

වසන්තයේ රැඳි

වසත් ගීය ලෙස

වසන්තයේ ආ වසත් ගීය ඔබ

වසත් ගීය රැඳි වසන්තයයි ඔබ ...////.

ගායනය - එඩ්වඩ් ජයකොඩි සහ යමුනා විනෝදනී

පද - කුසුම් පීරිස්

තනුව - මහාචාර්ය සනත් නන්දසිරි