මේ කඳුළු බිංදුව මගෙ නොවෙයි

මේ කඳුළු බිංදුව මගෙ නොවෙයි

එය ඔබේමයි

එය ඔබේමයි ...//

ඇඳ වියන ළඟ අඩ සඳින් දිදුලන

මළ තාරකාවක සිහිල කැටිවුණ ...//

මේ කඳුළු බිඳුවේ අයිතිකාරිය ඔබ තමයි

හඬන්නට කිසිදා නොදැන සිටි මට

මළ පොත කියාදී නොකියාම ගිය ...//

මේ කඳුළු බිඳුවේ අයිතිකාරිය ඔබ තමයි

මේ කඳුළු බිංදුව මගෙ නොවෙයි

එය ඔබේමයි

එය ඔබේමයි

මේ කඳුළු බිංදුව මගෙ නොවෙයි

ගායනය - සුනිල් එදිරිසිංහ

පද රචනය - රත්න ශ්‍රී විජේසිංහ

තනුව හා සංගීතය - ආචාර්ය රෝහණ වීරසිංහ

ම‍ෙය 1996 දී “රෝස කුසුමක්” සංයුක්ත තැටියට හා කැසට් පටයටත් 2004 දී “සුවඳ මුවරද” සංයුක්ත තැටියට හා කැසට් පටයටත් (රත්න ශ්‍රී දසක තුනක ගීතාවලිය) ඇතුළත් වුණා.

චන්ද්‍ර මණ්ඩලේ සැතපුණ

චන්ද්‍ර මණ්ඩලේ සැතපුණ පුංචි සාවියේ

මන්ද කියාපන් නොකියා හැංගිලා ගියේ

පාන නිවුණු සේ පාළුයි ලැයිං කාමරේ

මන්ද නුඹ ගියේ කියපන් පුංචි සාවියේ

ලාබ රත්තරන් දිලිසෙන පාළු වීදියේ

ගෑණු ළමයි පියාඹලා ඉස්සරත් ගියේ

උන්ට සෙයිලමේ මඟ තොට පාර වැරදුණේ

අන්න ඒ නිසයි මට දුක රත්තරන් දුවේ

චන්ද්‍ර මණ්ඩලේ සැතපුණ පුංචි සාවියේ

මන්ද කියාපන් නොකියා හැංගිලා ගියේ

මාල බැඳන් සුදු යකඩෙන් රෝස මල් වනේ

මාල ගිරව් ගෙයි දොරකඩ සින්දු කිව් වෙලේ

හීනෙනුත් හිතුනෙ නෑ මට මොකද කාරණේ

පාර මතක නම් තාමත් ගේ ළඟයි දුවේ

චන්ද්‍ර මණ්ඩලේ සැතපුණ පුංචි සාවියේ

මන්ද කියාපන් නොකියා හැංගිලා ගියේ

පාන නිවුණු සේ පාළුයි ලැයිං කාමරේ

මන්ද නුඹ ගියේ කියපන් පුංචි සාවියේ

ගායනය - සුනිල් එදිරිසිංහ

පද - රත්න ශ්‍රී විජේසිංහ

තනුව - ආචාර්ය රෝහණ වීරසිංහ

ගීය ඇතුළත් වූ ඇල්බම
1978 දී ශ්‍රී ලංකා ගුවන් විදුලි සංස්ථාවේ සරල ගී වැඩසටහනකින් දොරට වැඩියා.
1988 දී සින්ග්ලංකා "මල් වට්ටියක්" කැසට් පටය ට ඇතුළත් වුණා.
2004 දී  ටොරානා මියුසික් නිකුත් කළ රත්න ශ්‍රී විජේසිංහයන්ගේ ගී අඩංගු "සුවඳ මුවරද 1" සංගත තැටියට ද  ඇතුළත් වුණා.

ලන්දේ උකුළ උඩ

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා

අන්න හිනා වෙනවා

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා...//

නීල කොබෙයි පැටියන්ට ඇඳුම්

මුතු මාල පොටක් ගිරවුන්ට අරන්

නීල කොබෙයි පැටියන්ට ඇඳුම්

මුතු මාල පොටක් ගිරවුන්ට අරන්

රත්තරන් පාට කමතට ඉහළින්

රත්තරන් පාට කමතට ඉහළින්

කන්ද උඩින් එන ගෝමරියේ

දැන් ගමට වරෙන්

දැන් ගමට වරෙන්

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා

අන්න හිනා වෙනවා

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා

පන්සල් කන්දට සිරස නමන්

ඉර දෙයියො ඇවිත් නවතා සක්මන්

පන්සල් කන්දට සිරස නමන්

ඉර දෙයියො ඇවිත් නවතා සක්මන්

‌තෙල් දැමුව දොලොස්මහ පහන් වැටෙන්

‌තෙල් දැමුව දොලොස්මහ පහන් වැටෙන්

ගම රට එනවද පාන්දරින්

රන් එළිය අරන්

රන් එළිය අරන්

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා

අන්න හිනා වෙනවා

ලන්දේ උකුළ උඩ නින්ද ගිහින් හිටි එරබදු ඇහැ ඇරිලා ...//

ගායනය - ජැක්සන් ඇන්තනී සහ  කුමාරි මුණසිංහ

පද-රත්න ශ්‍රී විජේසිංහ

තනුව හා සංගීතය - සංගීත් වික්‍රමසිංහ

වැරහැලි හැඳ

වැරහැලි හැඳ අඩු කුලියට
සළු මැසුව කුමාරී
ඉඳික‍ටුව අතේ ඇනුණාදෝ
නිදන කුමාරී
වැරහැලි හැඳ අඩු කුලියට
සළු මැසුව කුමාරී

තණ පලසේ බිම හොවින දිගාවි

ළැම කිණිසි තුඩක් ඇණුන කුමාරි
කණකර ගලවා රැයට මුවා වී
මරු රැගෙන ගියේ ඇයිද කුමාරී

වැරහැලි හැඳ අඩු කුලියට
සළු මැසුව කුමාරී

ඉඳික‍ටුව අතේ ඇනුණාදෝ
නිදන කුමාරී
වැරහැලි හැඳ අඩු කුලියට
සළු මැසුව කුමාරී

නුඹ යකඩ කඳන් වලට මුවාවී
සුදු මිනී මලක් න‍ටුව තියාවී
සත් පතිනි මවුන් අවදිව ඒවී
උන් උදුරා ගත් සළඹ ගෙනේවී

වැරහැලි හැඳ අඩු කුලියට
සළු මැසුව කුමාරී

ඉඳික‍ටුව අතේ ඇනුනාදෝ
නිදන කුමාරී
වැරහැලි හැඳ අඩු කුලියට
සළු මැසුව කුමාරී

ගායනය - විශාරද ගුණදාස කපුගේ
පද රචනය - රත්න ශ්‍රී විජේසිංහ

තනුව - විශාරද ගුණදාස කපුගේ

කුකුළාපොළ කිරි අම්මියෙ

කුකුළාපොළ කිරි අම්මියෙ නුඹෙ උණුහුම කොයි

මේ පැටවුන් එක්කල මම කොයි අහ යන්දැයි

නිවරැද්දේ අපට මෙහෙම පිටුපෑවේ ඇයි

කුකුළාපොළ කිරි අම්මියෙ නුඹෙ උණුහුම කොයි

සංහිඳ හෙවණේ වෑතර බෝරුක මුදුනේ

ගල් වැව් මණ්ඩියේ නිතර නුඹ වැඩ උන්නේ

කොයි සිට බැලුවත් අම්මේ දුරට පෙනෙන්නේ

රන් කොත වැන්නේ නුඹෙ ගණ රන් කොත වැන්නේ

යකඩ ඇතුන්ගේ බිරුසන් හඬ ගුගුරන්නේ

රුක් දෙවියන්ගේ මුල් සිඳිලා වැතිරෙන්නේ

ඉදිකඩ අයිනේ සෙයිලම ළඟ ළඟ එන්නේ

තුන්යම හීනෙන් විතරයි නුඹ ළඟ අම්මේ

තුන්යම හීනෙන් විතරයි නුඹ ළඟ අම්මේ

කුකුළාපොළ කිරි අම්මියෙ නුඹෙ උණුහුම කොයි

මේ පැටවුන් එක්කල මම කොයි අහ යන්දැයි

නිවරැද්දේ අපට මෙහෙම පිටුපෑවේ ඇයි

කුකුළාපොළ කිරි අම්මියෙ නුඹෙ උණුහුම කොයි

ගායනය - විශාරද ගුණදාස කපුගේ

පද - රත්න ශ්‍රී විජේසිංහ

තනුව - විශාරද ගුණදාස කපුගේ

ජනාගමයේ පිදුම් ලබන කිරි අම්මාවරු සත්දෙනා

පත්තිනි දේවිය හා බැඳි කිරි අම්මා දානය

ලෙලි තලන නුඹෙ අතට

ලෙලි තලන නුඹෙ අතට
රන් මුදුව ගොරහැඩිද දෝණී
සෙනසුරුට පෙම් බඳින දෝණී

නෙළූ රන් කෙඳි අතුල යහනේ
ප්‍රේමයේ ඇටසැකිලි සැතපේ
මනමාල කම් කරන නිවට දුප්පත් කුමරු
බින්න බැහැලා වගෙයි ගෙපැලේ

ලෙලි තලන නුඹෙ අතට
රන් මුදුව ගොරහැඩිද දෝණී
සෙනසුරුට පෙම් බඳින දෝණී

ලෙලි දමන පල් වතුර පොකුණේ
රන් පියුම නැතිද තව පිපුණේ
තලාපන් දෝණියේ ඉඟිමරණ කුරිරුකම්
සෙනසුරා හැර දුවයි අපලේ

ලෙලි තලන නුඹෙ අතට
රන් මුදුව ගොරහැඩිද දෝණී
සෙනසුරුට පෙම් බඳින දෝණී

ගායනය - විශාරද ගුණදාස කපුගේ
පද රචනය - රත්න ශ්‍රී විජේසිංහ
තනුව - විශාරද ගුණදාස කපුගේ

නා කොළ අන්දම්

නා කොළ අන්දම් පෙන නොවටින්නේ
බෝ කොළ අන්දම් පෙනය දියන්නේ
පෙනේ නැතිව අපි කොහොමද ඉන්නේ
සමාවෙයන් නයි හාමී
සමාවෙයන් නයි හාමී

දරමිටි බඳිනා කඹය කියාවි
දරණුව හදලා වළඳ තියාවි
කැබිලිති අරගෙන ගැරඬි නටාවී
පෙනේ නැතිව අපි අසරණ වේවී
පෙනේ දියන් නයි හාමී
පෙනේ දියන් නයි හාමී

නා කොළ අන්දම් පෙන නොවටින්නේ
බෝ කොළ අන්දම් පෙනය දියන්නේ
පෙනේ නැතිව අපි කොහොමද ඉන්නේ
සමාවෙයන් නයි හාමී
සමාවෙයන් නයි හාමී

ඉහින් කණින් විස වැගිරෙන ලෝකේ
විසෙන් නුඹේ පල නැති වග තේරේ
සුරම්‍ය වූ මේ සර්ප විමානේ
හොඳින් ඉන්න අපටත් සං‍තෝසේ
පෙනේ දියන් නයි හාමී
පෙනේ දියන් නයි හාමී

නා කොළ අන්දම් පෙන නොවටින්නේ
බෝ කොළ අන්දම් පෙනය දියන්නේ
පෙනේ නැතිව අපි කොහොමද ඉන්නේ
සමාවෙයන් නයි හාමී
සමාවෙයන් නයි හාමී

ගායනය - විශාරද ගුණදාස කපුගේ
පද රචනය - රත්න ශ්‍රී විජේසිංහ
තනුව - විශාරද ගුණදාස කපුගේ

වෙල්ලස්සේ ගීතය

බිම්බරක් සෙනග ගැවසුණ
චන්ද්‍ර සූරයා ඉපදුණ
ස්වර්ණ භූමියේ මනරම් මාළිඟාව කෝ

යුද්දෙකට ඇවිත් රුපුසෙන්
සත් මුහුදු මතින් ගුවනින්
කම්බි වට කළේ මනරම් මාළිඟාව ‍දෝ
මාළිගාව දෝ

ට්‍රැක්ටරේ යකඩ ගජසෙන් කුංචනාදයෙන් ඇලලුණ
වෘක්ෂ දේවතාවන් බිම වැටී පණ ගසයි
මිණී මල් පිපුණු සීතල නිම්න භූමියේ ඇටකටු
හතර රියන් කඩ අහිමිව විලාපය නඟයි
විලාපය නඟයි

බිම්බරක් සෙනග ගැවසුණ
චන්ද්‍ර සූරයා ඉපදුණ
ස්වර්ණ භූමියේ මනරම් මාළිඟාව කෝ

යුද්දෙකට ඇවිත් රුපුසෙන්
සත් මුහුදු මතින් ගුවනින්
කම්බි වට කළේ මනරම් මාළිඟාව ‍දෝ
මාළිගාව දෝ

කැලෑ මල් පිපී රතු තොල් වලින් කෑ ගසා ඉල්ලන
ජාතියේ නිධානයෙ රන් රුවන් කරඬු කොයි
වෑ කන්ද කඩා බිම් කටුකම්බියෙන් බෙදා
මේ රණ බිමේ හිස ගසා දමනා කඩුව බිම දමව්
කඩුව බිම දමව්

බිම්බරක් සෙනග ගැවසුණ
චන්ද්‍ර සූරයා ඉපදුණ
ස්වර්ණ භූමියේ මනරම් මාළිඟාව කෝ

යුද්දෙකට ඇවිත් රුපුසෙන්
සත් මුහුදු මතින් ගුවනින්
කම්බි වට කළේ මනරම් මාළිඟාව ‍දෝ
මාළිගාව දෝ

ගායනය - විශාරද ගුණදාස කපුගේ
පද රචනය - රත්න ශ්‍රී විජේසිංහ
තනුව - විශාරද ගුණදාස කපුගේ

සිටු කුමාරියේ

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි

ප්‍රේමාතුර නුඹේ හිතට අගහිඟ නරකයි

අගහිඟ නරකයි

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි

කුලී ගෙදර වහල කැඩී සිංහල උළු බිඳී

නිල් තරු එළි හීන රටින් ගලා හැලෙන්නේ

කුමාරියේ නුඹට කොහොම ඒක කියන්නේ

ඒක කියන්නේ

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි

ප්‍රේමාතුර නුඹේ හිතට අගහිඟ නරකයි

අගහිඟ නරකයි

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි

කණකර අන් සන්තක වී ජීවිත සින්න වී

පෝරුව ලෙඩ ඇඳක් වෙලා අම්මා නින්දේ

කුමාරියේ නුඹට කොහොම ඒක කියන්නේ

ඒක කියන්නේ

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි

ප්‍රේමාතුර නුඹේ හිතට අගහිඟ නරකයි

අගහිඟ නරකයි

සිටු කුමාරියේ

නුඹට සීතල අගුණයි

වේල් පටින් මිදුණු දාට වැහි පිනි අපලයි ...//

ගායනය - විශාරද ගුණදාස කපුගේ

පද රචනය - රත්න ශ්‍රී විජේසිංහ

තනුව - විශාරද ගුණදාස කපුගේ

සොයා නොගොසිණ

සොයා නොගොසිණ දමා නගරය
ගයාහිස රමණීය වන ගැබ
භයානක සොර සතුරු බිය පිරි
මේ බිමේ වැඩ සිටී හිමි ඔබ

තාර උණුකර දමා දෙපතුල
දූලි නංවා අනේ ගිණකඳ
කෙසේ විකසිත වේද
ඔබෙ සිරිපා තබන්නට පිපෙණ සියපත

කම්හළේ කළු දුමාරය මැද
තැම්බිලා ගිය ඇටසැකිලි වැද
රංචු ගැහෙනා ගිජු ලිහිණියන්
ගසා කනු දුටුවෝද හිමි සඳ

හඹා දිව එන අඟුල්මල් වන්
වේදනා දුක් ගැහැට අග හිඟ
කෙසේ දමනය වේද ඔබගේ
දෙපා ළඟ බිම දමා ආයුධ

සොයා නොගොසිණ දමා නගරය
ගයාහිස රමණීය වන ගැබ
භයානක සොර සතුරු බිය පිරි
මේ බිමේ වැඩ සිටී හිමි ඔබ

ගායනය - විශාරද ගුණදාස කපුගේ
පද රචනය - රත්න ශ්‍රී විජේසිංහ
තනුව - විශාරද ගුණදාස කපුගේ

පලංචියේ වැඩ ඉඳගෙන

පලංචියේ වැඩ ඉඳගෙන
මහ සෑයේ හුණු තවරන පියාණනේ

හුණු බදාම ඔසවා දෙන
නුඹෙ අත් දෙක රිදෙනවාද පුතණුවනේ

සිල් ගත් රජ මහ වෙහෙරට
මල් පුදනා මහ සෙනඟට
පියාණනේ නුඹ නොපෙනෙනවා ...//

ඇල්මෙන් අකුරට යන විට
මල්ලිලාට නංගිලාට
පුතුනේ නුඹ මුල් පොත වෙනවා

පලංචියේ වැඩ ඉඳගෙන
මහ සෑයේ හුණු තවරන පියාණනේ

හුණු බදාම ඔසවා දෙන
නුඹෙ අත් දෙක රිදෙනවාද පුතණුවනේ

රන් ඉණිමග තියා උසට
නුඹ වඩවා මහ පොළවට
අප සිරසට රන් කොත වෙනවා ...//

සල් මල් පෙති පර වී ගිය
මල් ආසනයේ පා මුල
නුඹෙ දාදිය සුවඳ තියනවා

පලංචියේ වැඩ ඉඳගෙන
මහ සෑයේ හුණු තවරන පියාණනේ

හුණු බදාම ඔසවා දෙන
නුඹෙ අත් දෙක රිදෙනවාද පුතණුවනේ

ගායනය - විශාරද ගුණදාස කපුගේ සහ කරුණාරත්න දිවුල්ගනේ
පද රචනය - රත්න ශ්‍රී විජේසිංහ
තනුව - විශාරද ගුණදාස කපුගේ