සරස වසන්තය ආයෙත් එනවා නම්

සරස වසන්තය ආයෙත් එනවා නම්
මගේ තරුණ විය මං ඉල්ලා ගන්නම්
අපේ අතීතයෙ මල් මාවත්වල ඇවිදන් යන්නට
සරස වසන්තය ආයෙත් එනවා නම්

ලියූ සුපෙම් කවි හසුන් පුරාවට
පොත් පිටු අතරේ හංගා ගන්නට
බොරු විස්සෝපෙන් අහක බලන්නට
ආයෙත් හමු වී හිනා නඟන්නට
සරස වසන්තය ආයෙත් එනවා නම්

දදෙනෝහක් මැද හිත් හංගන්නට
සැඟවූ ප්‍රේමය නෙතින් කියන්නට
කාත් කවුරුවත් නැති සීමාවක
හොරෙන්ම හමුවී පෙමින් දොඩන්නට
සරස වසන්තය ආයෙත් එනවා නම්

සරස වසන්තය ආයෙත් එනවා නම්
මගේ තරුණ විය මං ඉල්ලා ගන්නම්
අපේ අතීතයෙ මල් මාවත්වල ඇවිදන් යන්නට
සරස වසන්තය ආයෙත් එනවා නම්

ගායනය - අමරසිරි පීරිස් සමග අනෝමා රාසපුත්‍ර
පද රචනය - නිලාර් එන්. කාසිම්
තනුව - ජගත් ජයවර්ධන

Sarasa Wasanthaya - Amarasiri Peiris

අන්න බලන් වෑ කන්ද මතින්

අන්න බලන් වෑ කන්ද මතින්
කිරි ගඟක් ගලාගෙන එයි
රස තරඟ නැඟී රඟදෙයි
සඳේ රිදී කැන් වැසී හදේ පෙම් ගඟක් ගලාගෙන එයි
රස තරඟ නැඟී රඟදෙයි

සුදෝ සුදෝ සුදු සඳෙත් කැළැල් නොවැ
සඳවතියේ ඒ ඇයි
සඳේ පහන් විද විඳත් ලපේ ගැන කතාකරන්නේ ඇයි
පෙම්බරයෝ

ලොවේ මහා ගුණ නදී දියෙන්
දන කසළ දකින්නේ ඇයි
ගඟේ දියෙන් යට මැණික් නඟා ගතහොතින් තැතෙන් වැඩ‍වෙයි
පෙම්බරයෝ

අපේ දෙනෙත් ඔවුනොවුන් වතේ
මේ තරම් ඇලෙන්නේ ඇයි
වහා දෙදෙන එක් අතක් බලමු රන් පියුමේ හිරු නැඟ එයි
පෙම්බරයෝ

අන්න බලන් වෑ කන්ද මතින්
කිරි ගඟක් ගලාගෙන එයි
රස තරඟ නැඟී රඟ දෙයි
සඳේ රිදී කැන් වැදී හදේ
පෙම් ගඟක් ගලාගෙන එයි
රස තරඟ නැඟී රඟ දෙයි

ගායනය - අචාර්ය නික්ටර් රත්නායක සහ නිරංජලා සරෝජිනී
පද රචනය - කලාශූරී අරිසෙන් අහුබුදු
තනුව - අචාර්ය නික්ටර් රත්නායක
(මෙම ගීය අචාර්ය නික්ටර් රත්නායක මුලින් ගායන කර ඇත්තේ  අනෝමා රාසපුත්‍ර සමගයි)