අතුරු මිතුරු දඹදිවතුරු

අතුරු මිතුරු දඹදිවතුරු

ගහ වැල මල් ලන පියකරු

කොවුල් ගීත සරින් මියුරු

අවුරුදු ඇවිදින් සුමිතුරු

අවුරුදු ඇවිදින් සුමිතුරු

ඔන්චිලි චිලි චිල්ලමලේ

සිහින් සේල සෙමෙන් සැලේ ...//

මී අඹ තුරු සෙවණැල්ලේ

බැඳුණු රුවන් ඕවිල්ලේ

හමන පවන් සිහිලැල්ලේ

ඉහළ නඟිමු නැළැවිල්ලේ

මලින් මලට බඹර දැලේ

මියුරු කිකිණි බිකිනි සැලේ

වසත් කුමරි එමට රුවේ

හැකක් නෑර සතුට ගෙනේ

මල්වාරම් හඬ දෑලේ

ඇසේ ඇසේ නව තාලේ

දැනගෙන අත්වැල් මාලේ

අපිත් නගිමු පෙම් ඊලේ

අතුරු මිතුරු දඹදිවතුරු

ගහ වැල මල් ලන පියකරු

කොවුල් ගීත සරින් මියුරු

අවුරුදු ඇවිදින් සුමිතුරු

අවුරුදු ඇවිදින් සුමිතුරු

ඔන්චිලි චිලි චිල්ලමලේ

සිහින් සේල සෙමෙන් සැලේ ...//

ගායනය - පණ්ඩිත් ඩබ්.ඩී. අමරදේව සහ අමිතා වැදිසිංහ

පද - සුනිල් සරත් පෙරේරා

තනුව - පණ්ඩිත් ඩබ්.ඩී. අමරදේව

කන්ද උඩින්

කන්ද උඩින්
කන්ද උඩින් හඳ පායන ලීලා
ලන්ද වෙලේ රුක් අත්තන පිපීලා
මන්ද කොහෝ හඬලනු හැංගීලා
එන්න තමා බක් මහ ළංවීලා
එන්න තමා බක් මහ ළංවීලා ....//

දුන්න බහක් හින්දා මම කැන්දා
යන්න කෙනෙක් ඇත ආදරෙ හන්දා ...//
උන්නෙ මෙතෙක් නැකතක් එන සන්දා
ඉන්නෙ එතෙක් ඉවසන්න ද මන්දා
ඉන්නෙ එතෙක් ඉවසන්න ද මන්දා

ඉන්නෙ එතෙක් ඉවසන්න ද මන්දා

කන්ද උඩින්
කන්ද උඩින් හඳ පායන ලීලා
ලන්ද වෙලේ රුක් අත්තන පිපීලා
මන්ද කොහෝ හඬලනු හැංගීලා
එන්න තමා බක් මහ ළංවීලා
එන්න තමා බක් මහ ළංවීලා ....//

ගායනය - අමිතා වැදිසිංහ
පද - දයානන්ද ගුණවර්ධන
තනුව - සෝමදාස ඇල්විටිගල

හිරු කුමරුයි සඳ කුමරියි

හිරු කුමරුයි සඳ කුමරියි ඉස්සර කාලේ

ආදරයෙන් කල් යැවුවා

අහස් ග‍ඟේ මැණික් දූපතේ

තරු වටකර රුවන් විමානේ

ඒ කාලේ මේ වාගේ

රෑ දාවල් වෙනසක් නෑ ...//

හිරු කුමරුගෙ රන් පාටයි

සඳ කුමරිගෙ පින් පාටයි...//

එකතු වෙලා දවස දෙවේලේ - ගලා ගියා

සහන් එළිය පොළව මුළුල්ලේ

දවසක්දා හිරු කුමරා කුමරිය හා කෝප වෙලා

අසරණ ඈ විමානයෙන් පිටමං කර දැමුවා

එදා ඉදන් මේ දක්වා

ළසෝ දුකින් කළු පොරවා...//

හිම කඳු මැද පාලු වනාතේ ඇය ඉන්නේ

හිරු නොපෙනෙන අඳුරු ගුහාවේ

හිරු කුමරුයි සඳ කුමරියි ඉස්සර කාලේ

ආදරයෙන් කල් යැවුවා

අහස් ගඟේ මැණික් දූපතේ

තරු වටකර රුවන් විමානේ

හිරු කුමරුයි සඳ කුමරියි ඉස්සර කාලේ

ආදරයෙන් කල් යැවුවා

අහස් ගගේ මැණික් දූපතේ

තරු වටකර රුවන් විමානේ

හිරු පායන උදෑසනේ

ඇයගේ දෑසේ

එදා පටන් බිංදු බිංදු

කඳුළු උනනවා

ඒ කඳුළැලි බොල් පිනි වී පොළව තෙමනවා

ගායනය - අමිතා වැදිසිංහ

පද - මහගම සේකර

තනු - පණ්ඩිත් ඩබ්.ඩී. අමරදේව

ආදරයයි කරුණාවයි චිත්‍රපටියෙන්

ඔන්න බබෝ ඇතින්නියා

ඔන්න බබෝ ඇතින්නියා
ගල් අරඹේ සිටින්නියා
ඔන්න බබෝ ඇතින්නියා
ගල් අරඹේ සිටින්නියා
පුතු ගැන සිහි කරන්නියා
ඇස කඳුළැලි සලන්නියා ...//

නුඹේ අම්මා කොතැන ගියේ
මානෙල් මල් විලට ගියේ ...//

ඒ විල මැද පිරුණු දියේ
දුකට හැඬුව කඳුළු තියේ ...//

කන්දෙන් කන්දට පැනලා
ඇඟ ලේ කැටි කිරි කරලා ...//
රන් තැටියේ පුරවාලා //
කිරි අරගෙන එයි අම්මා

ඔන්න බබෝ ඇතින්නියා
ගල් අරඹේ සිටින්නියා ...//

පුතු ගැන සිහි කරන්නියා
ඇස කඳුළැලි සලන්නියා //

ඔන්න බබෝ ඇතින්නියා
ගල් අරඹේ සිටින්නියා ///

ගායනය: අමිතා වැදිසිංහ
පද රචනය: මහගම සේකර
තනුව: පණ්ඩිත් ඩබ්.ඩී. අමරදේව
ආදරයයි කරුණාවයි චිත්‍රපටියෙන්

ගලන දොලේ පෙන බුබුලයි ආදරේ

ගලන දොලේ පෙන බුබුලයි ආදරේ
මිලින මලේ පැණි කඳුළයි ආදරේ

මහ ගල් කුළු ඉහළ නගා
සුළං රොදින් සුසුම් හෙලා
ඈත සිහින් වලා පෙළින්
රහස අසයි ආදරේ

නිල් කඳු වැටි පීරා
පායන සඳ රේඛා
එබී බලා නිහඬ රැයක
රහස අසයි ආදරේ

මහ ගස් අතු ඉහළ බලා
කුරුළු හඬින් ගීත ගයා
වෙළෙන වැලේ පිපෙන මලින්
රහස අසයි ආදරේ

ගලන දොලේ පෙන බුබුලයි ආදරේ
මිලින මලේ පැණි කඳුළයි ආදරේ

ගායනය: අමිතා වැදිසිංහ
පද රචනය: මහගම සේකර
තනුව: පණ්ඩිත් ඩබ්.ඩී. අමරදේව
ආදරයයි කරුණාවයි චිත්‍රපටියෙන්

ආදර චාරිකා

ආදර චාරිකා
ජීවන චාරිකා
සිතුවිලි අත්වැල් බැඳ යන
ආදර චාරිකා

දේදුනු මාළිගා
ජීවන මාළිගා
ආදර සිතකින් හදනා
ජීවන මාළිගා

කෝමළ රේඛාවක් අඩ නින්දෙන් පිබිදිලා
මිලාන අහසේ දේදුන්නක් මෙන් පායලා
අනංග මල් හීයෙන් පැටලී ආ ඇමිණිලා
අසෝක මල් පෙත්තක් යයි සුළඟේ පාවෙලා

ආදර චාරිකා
ජීවන චාරිකා
සිතුවිලි අත්වැල් බැඳ යන
ආදර චාරිකා

සුරම්‍ය සීන ලොවේ යන විට පෙම් චාරිකා
ප්‍රසන්න කැල්ම නඟයි චංචල නෙත් තාරුකා
තුෂාර කඳුළු විමන් මල් වැස්සේ සෝදලා
එක්ටැම් ගෙයට උඩින් දේදුන්නක් පායලා

ආදර චාරිකා
ජීවන චාරිකා
සිතුවිලි අත්වැල් බැඳ යන
ආදර චාරිකා

දේදුනු මාළිගා
ජීවන මාළිගා
ආදර සිතකින් හදනා
ජීවන මාළිගා

ගායනය: අමිතා වැදිසිංහ සහ ඒ.එල්.බී. කන්දෙපොල
පද රචනය: ධර්මසිරි ගමගේ
තනුව: වික්ටර් දළුගම

පින්න මල් පිපී

පින්න මල් පිපී පින්නේ ලන්ද ලස්සනයි
පින්න මුතු වගේ මල් මත නටනු ලස්සනයි

ලන්ද කොනේ වෙල අයිනේ
කැන්ද ගහේ ගහ මුදුනේ ...//
සිංදු කියන කුරුලු රෑන ගම නළවනවා
ගම නළවනවා

පින්න මල් පිපී පින්නේ ලන්ද ලස්සනයි
පින්න මුතු වගේ මල් මත නටනු ලස්සනයි

බිංදු බිංදු රන් පිණි මුතු
පුංචි පුංචි කරල් සැදී ...//
ගොයම් ගසේ අග ඇමිණී සුළඟෙ නටනවා
සුළඟෙ නටනවා

සිංදු සිංදු හතර අතේ
වෙල් එළියම එක ගීයයි ...//
රැන්ඳුනු සිනහා මැද්දෙන් ගම නැළවෙනවා
ගම නැළවෙනවා

පින්න මල් පිපී පින්නේ ලන්ද ලස්සනයි...
පින්න මුතු වගේ මල් මත නටනු ලස්සනයි
පින්න මල් පිපී

ගායනය: අමිතා වැදිසිංහ
පද රචනය: දෙල්තොට චන්ද්‍රපාල
තනුව: වික්ටර් දළුගම

සුපිපෙන මලකින්

සුපිපෙන මලකින් රොන් රස බී මත් වීලා
ආදරයේ බිඟු යාද එමල හැර දාලා
දුක දී ආදරයේ බිඟු යාද එමල හැර දාලා ...//

වනේ මලකට ළංවෙලා
රහස් හෙමිහිට කොඳුරලා ...//

සීත සුළඟේ සැරි සරා
පාමි පෙම් රැඟුමක් නුරා ...//

සුපිපෙන මලකින් රොන් රස බී මත් වීලා
ආදරයේ බිඟු යාද එමල හැර දාලා
දුක දී ආදරයේ බිඟු යාද එමල හැර දාලා

වැල්ල සිපගෙන ආදරේ
රැල්ල පෙරළේ සාගරේ ...//

නැද්ද බඹරෝ මා කෙරේ
මුලදි පිදු ඒ ආදරේ ...//

සුපිපෙන මලකින් රොන් රස බී මත් වීලා
ආදරයේ බිඟු යාද එමල හැර දාලා
දුක දී ආදරයේ බිඟු යාද එමල හැර දාලා ...//

ගායනය: අමිතා වැදිසිංහ
පද රචනය: හේම ශ්‍රී ද අල්විස්
තනුව: වික්ටර් දළුගම

සෙංකඩගලපුර දළදා බුදුරැස්‌

 

සෙංකඩගලපුර දළදා බුදුරැස්‌

විහිදෙන තුරු නැහැ වරදින්නේ

සිංහලයන්හට සිංහල දේසෙට

සරණයි දළදා සමිඳුන්නේ ...//

සාධු දළදා සමිඳු පුදන්නට

මේ වරත් අපි නුවර යමු

සාමයේ මල් රටට පිපෙන්නට

දළදා සමිඳුට බාර වෙමු

සෙංකඩගලපුර දළදා බුදුරැස්‌

විහිදෙන තුරු නැහැ වරදින්නේ

සිංහලයන්හට සිංහල දේසෙට

සරණයි දළදා සමිඳුන්නේ

පෝය දාට දළදා සුදු බුදු රැස්‌

රට වට හත් වටයක්‌ යන්නේ

එනිසයි ලක්‌දිව වෙරළේ වැලි කැට

මුතු කැට වාගේ බබළන්නේ

සෙංකඩගලපුර දළදා බුදුරැස්‌

විහිදෙන තුරු නැහැ වරදින්නේ

සිංහලයන්හට සිංහල දේසෙට

සරණයි දළදා සමිඳුන්නේ

ලක්දිව රක්නා සම්දිටු දවියන්

පෙරහැර කාලෙට රැස්වෙන්නේ

කැප්පෙටිපොළ දෙවියන්දෝ හිමියනි

එසබේ මුලසුන හොබ වන්නේ

සෙංකඩගලපුර දළදා බුදුරැස්‌

විහිදෙන තුරු නැහැ වරදින්නේ

සිංහලයන්හට සිංහල දේසෙට

සරණයි දළදා සමිඳුන්නේ

ගායනය - අමිතා වැදිසිංහ

පද රචනය - කලාශූරී අරිසෙන් අහුබුදු

තනුව - සරත් දසනායක

මේ ගීයේ වීඩියෝවක් ...

එක මොහොතක්

එක මොහොතක් ඔබ සෙවණේ හිඳින්න‍ට තරම්
කල්පයකින් අසුරු සැණක් පමණ නැත වරම් ..//

කඳු ගිරිහෙල් රළු බොරලන පිය මග මනිමි
අහසයි පොළොවයි එක්වෙන දවසක් දනිමි ...//
මල් පොකුරකි එක නටුවකි ඒ බව සැබවි //
එක හිත ගැන හිත් දෙකකින් නොසිතනු මැනවි

එක මොහොතක් ඔබ සෙවණේ හිඳින්න‍ට තරම්
කල්පයකින් අසුරු සැණක් පමණ නැත වරම් ..//

පිළිවෙලක‍ට නැති ලෙස තරු අහසෙහි අතුරා
සඳ පමණක් සළුපිලි ඇඳ එහි වත සපුරා ...//
මග සළකුණු දක්වා හිනැහෙන එළි පතුරා //
බැසයනු මිස නොරැඳෙනු මැන ගඟ දිය උතුරා

එක මොහොතක් ඔබ සෙවණේ හිඳින්න‍ට තරම්
කල්පයකින් අසුරු සැණක් පමණ නැත වරම් ..//

ගායනය: අමිතා වැදිසිංහ සහ මර්වින් පෙරේරා
පද රචනය: ප්‍රේමකීර්ති ද අල්විස්
තනුව: මර්වින් පෙරේරා

බැද්ද පුරා සුදු රෙද්ද වගෙයි

බැද්ද පුරා සුදු රෙද්ද වගෙයි යස

ඉද්ද පනා මල් කැන් පිපිලා

බැද්ද පුරා සුදු රෙද්ද වගෙයි යස

ඉද්ද පනා මල් කැන් පිපිලා

සද්දෙ මොකෝ අවුරුද්ද ඇවිල්ල ද

සද්දෙ මොකෝ අවුරුද්ද ඇවිල්ල ද

නැද්ද කනෙයියෙනි රොන් හැදිලා

බැද්දට මල් වරුසාවක් වැහැලද

නිල් කොළ පිට ඒ මල් පොද ඉහිලද

බැද්දට මල් වරුසාවක් වැහැලද

නිල් කොළ පිට ඒ මල් පොද ඉහිලද

පාර වටේ ඇති සේරම ගස්

සරු සාර හැඩයි ගෙඩි හට ගැනිලා

ගෙඩි හට ගැනිලා

පේර දිවුල් පලු වීර ඉදී එන

වාරෙ වගෙයි මේ පැනි පිරිලා

බැද්දට පැනි වරුසාවක් වැහැලද

ගස් වල ගෙඩි පැනි වැස්සට තෙමිලද

බැද්දට පැනි වරුසාවක් වැහැලද

ගස් වල ගෙඩි පැනි වැස්සට තෙමිලද

රෑන ගිරා සැළලිහිණි කුරුල්ලන්

සීනු හඬින් රස ගී ගයලා

රස ගී ගයලා

තාන තනා තම් දාන කියා

එළිමාන වටේ කැරකේ නටලා

බැද්දට ගී වරුසාවක් වැහැලද

ගී පොද මේ හොට අස්සට පෙරිලද

බැද්දට ගී වරුසාවක් වැහැලද

ගී පොද මේ හොට අස්සට පෙරිලද

ගායනය: අමිතා වැදිසිංහ සහ පියසිරි විජේරත්න

පද රචනය: හෙන්රි තෙන්නකෝන්

තනුව: පියසිරි විජේරත්න

මුල් ගායනය: පියසිරි විජේරත්න සහ රංජනී පොල්ගම්පොල

අම්බිලියෝ අම්බිලියෝ

අම්බිලියෝ අම්බිලියෝ පුතා නිදනවෝ

රන් තැටියේ
සිනා පෙරා
රන් තැටියේ සිනා පෙරා
පුතුට අරන් වරෝ

වලා පෙළින් එහා රටේ
ළමා සුරංගනාවෝ

වලා පෙළින් එහා රටේ
ළමා සුරංගනාවෝ
දේදුන්නේ පාට හොරා
කැකුළු තොලෙන් සුවඳ උරා
සීන ලොවින් ටිකිරි සිහින
පුතුට ගෙනාවෝ
පුතුට ගෙනාවෝ

වලා පෙළින් සේල තනා
තරු අමුණා මාල තනා
රන් තැටියේ
සිනා පෙරා
රන් තැටියේ සිනා පෙරා
පුතුට අරන් වරෝ

ගායනය: අමිතා වැදිසිංහ
පද රචනය: මහගම සේකර
තනුව හා සංගීතය: පණ්ඩිත් ඩබ්. ඩී. අමරදේව
ආදරයයි කරුණාවයි චිත්‍රපටියෙන්

රන් දොරින් එන්න ආදරේ

රන් දොරින් එන්න ආදරේ
කැඳවලා මල්සරා
නිල් නුවන් ඔබ මා කෙරේ
දෙන්න සතුටින් පුරා ...//

මිහිරි සමීරෙකී
මාගේ උදානයේ ...//
සීතල යාමේ ජීවේ
සිහින විමානයේ

රන් දොරින් එන්න ආදරේ
කැඳවලා මල්සරා
නිල් නුවන් ඔබ මා කෙරේ
දෙන්න සතුටින් පුරා

මා හදේ ආශා
නිවි නිවී යාදෝ ...//
සහන් සුවේ දිදී
නුරා උතුරාදෝ

රන් දොරින් එන්න ආදරේ
කැඳවලා මල්සරා
නිල් නුවන් ඔබ මා කෙරේ
දෙන්න සතුටින් පුරා ...//

ගායනය: අමිතා වැදිසිංහ
පද රචනය: කරුණාරත්න අබේසේකර
තනුව හා සංගීතය: වික්ටර් දළුගම

විලක නෙළුම්

විලක නෙළුම් මට කුමට ද
ඔබ හිනැහේ නම්
නෙතක කැළුම් විඳ සැතපෙමි
ඔබ සෙවනේ මම් ...//

ගිම්හානය ගත දවමින් වියළි මිහිතලේ
පවස නැඟේ මා රඳවයි ලොවක නිසසලේ
හෙට අළුයම ගෙට ගෙන එමි ළහිරු රැස් දියේ
වසන්තයේ පණිවිඩයත් රැගෙන එමි ප්‍රියේ

විලක නෙළුම් මට කුමට ද
ඔබ හිනැහේ නම්
නෙතක කැළුම් විඳ සැතපෙමි
ඔබ සෙවනේ මම්

උදා නොවන උදෑසනක් රැයෙහි සිත සිතා
බලා හිඳිමි අවදි වෙවී කඳුළු වැල් ගොතා
අනාගතය අතීතයෙන් විළිලන පොළොවේ
ඔබ පමණකි මා නෙත දුටු දෙවියෝ මෙලොවේ

විලක නෙළුම් මට කුමට ද
ඔබ හිනැහේ නම්
නෙතක කැළුම් විඳ සැතපෙමි
ඔබ සෙවනේ මම් ...//

ගායනය: අමිතා වැදිසිංහ සහ ටියුඩර් ජයශාන්ත
පද රචනය: ප්‍රේමකීර්ති ද අල්විස්
තනුව හා සංගීතය: වික්ටර් දළුගම

අනෝතප්ත විල

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනා
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

කෝමල ගමනින් කෝල හැඟුම් හල
කාල ගිරෙන් සිතුවිලි සේනාගෙන ....//

වරඟන පිරිවරිනා
එරන්දතිය එනවා

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනාච
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

නළලත කුංකුම තිලක තියාලා
නීල වර්ණයෙන් කැළුම් නෙළාලා ....//

පාද කිකිණි සොලවා
එරන්දතිය එනවා

අනෝතප්ත විල නෙළුම නෙළාලා
පීරා වරලස මල් ගවසාලා
නාග ලොවින් බැස නාලිය ගමනින්
වරඟන පිරිවරිනා
එරන්දතිය එනවා

සිතක උපන් දොල සංසිදුවාලා
මතක සිනාවෙන් මුව සරසාලා
ඉරට මුවාවෙන් සඳට මුවාවෙන්
සිතට තුරුළු වෙනවා
එරන්දතිය එනවා

වරඟන පිරිවරිනා
එරන්දතිය එනවා ...///

ගායනය: අමිතා දළුගම සමග පණ්ඩිත් ඩබ්. ඩී. අමරදේව
පද රචනය: සුනිල් සරත් පෙරේරා
තනුව හා සංගීතය: පණ්ඩිත් ඩබ්. ඩී. අමරදේව