හඳ පායා සිනාසේවී

හඳ පායා සිනාසේවී

ඔබගෙ මූණේ උදාවී ඒ ...//

රස පෑරූ ගමේ මනහාරී මගේ

මනහාරී මගේ මැණිකේ

හඳ පායා සිනාසේවී

ඔබගෙ මූණේ උදාවී ඒ

ඔබ ඊයේ හැන්දෑවේ

ගැයූ පැල් කවියේ රාවේ

තව මහදේ රැඳී

රස පෑරී නැඟේ

රස පෑරී නැඟේ සුහදේ

හඳ පායා සිනාසේවී

ඔබගෙ මූණේ උදාවී ඒ

හේනේ කුරක්කන්

සුළඟේ සැලෙද්දී

හේනේ කුරක්කන්

සුළඟේ සැලෙද්දී

ඔබගේ මුහුණෙ සොබා මැවුණා

ඔබගේ මුහුණෙ සොබා මැවුණා

සේදී සේදී ගොස් පාළුව රජවූ

මා හද රසයෙන් පිරුණා

හඳ පායා සිනාසේවී

ඔබගෙ මූණේ උදාවී ඒ

බාලේ සිටන් අපී රස ගී ගයලා

බාලේ සිටන් අපී රස ගී ගයලා

එක්ව විහිළු කළා නොවෙදෝ

එක්ව විහිළු කළා නොවෙදෝ

සිහිවේ සිතූ දේ ඵල බරවීලා

කුරහන් පැසුණා නොවේදෝ

හඳ පායා සිනාසේවී

ඔබගෙ මූණේ උදාවී ඒ ...//

රස පෑරූ ගමේ මනහාරී මගේ

මනහාරී මගේ මැණිකේ

හඳ පායා සිනාසේවී

ඔබගෙ මූණේ උදාවී ඒ

ගායනය - චන්ද්‍රාණි ගුණවර්ධන සහ දේවානන්ද වෛද්‍යස්කර

පද - මඩවල එස්. රත්නායක

තනුව - දේවානන්ද වෛද්‍යස්කර

(චිත්‍රය ජෝර්ජ් කීට් ශිල්පියාගේ ය)

 

ආශා දෑසින් දකිනා සිහිනේ

ආශා දෑසින් දකිනා සිහිනේ
මිහිර මැකී යනවා

ඒ සිහිනේ පුතු තනිකම ඉපදී
හද තුළ තෙරපෙනවා ..//

ආ මඟ දෑලේ පිපි මල් කර වී
නෑ ඵල හට ගන්නේ

සිතුවිලි මී මැසි පොදි නැත මී බැඳ
උන්මය රිදවන්නේ ..//

තණ්හා දෑතින් පැතුමේ වරපට
ගිලිහී බිම වැටිලා
දෛවයෙ ගොනු ඇද ජීවන ගැල ගෙන
ආ මඟ දිග යනවා

ඈත අතීතයෙ සිහින මැදින් යළි
ජීවනයට යනවා ...//

ආශා දෑසින් දකිනා සිහිනේ
මිහිර මැකී යනවා

ඒ සිහිනේ පුතු තනිකම ඉපදී
හද තුළ තෙරපෙනවා ..//

ගායනය - දේවානන්ද වෛද්‍යසේකර
පද රචනය - ස්වර්ණ ශ්‍රී බණ්ඩාර
තනුව - දේවානන්ද වෛද්‍යසේකර
සංගීතය - පණ්ඩිත් ඩබ්ලිව්. ඩී. අමරදේව

1965 දී තිරගතවූ "සාමා" චිත්‍රපටියේ ගීයකි. මෙම චිත්‍රපටියේ පසුබිම් සංගීතය පණ්ඩිත් ඩබ්ලිව්. ඩී. අමරදේවයන් ගේ වුව ගීයේ තනුව දේවානන්ද වෛද්‍යසේකර‍ ගේය.

පවන් සුසුම්

පවන් සුසුම් දැලින් වෙළී ශෘංගාර රාවේ නොසංගා

නුවන් කොණින් සුපෙම් හැඟුම් නින්නාද නැංවූ තරංගා

සුසුම් ළඳුන් බිඟුන් මුවින් අනුරාග ගී රාව නංවා

ප්‍රසන්න වැව් තීරේ නැඟේ සංයෝග පෙම් ගී තරංගා

පෙම් සීත වර්ෂාවෙ නිල් වැව් තලාවේ

අනුරාග හෝරාව එළැඹී තිබේ

මල්හාරියන් පෙම්වතුන් හා තුරුල් වී

අභිෂේක යාමේ උදාවී තිබේ

මනමාලියක් වන්න සිහිනෙන් පැතූ පෑ

අනුරාග හෝරාව එළැඹී තිබේ

මුව මී තෙපුල් රන් උරා බී සිනාසෙන්න

අභිෂේක යාමේ උදාවී තිබේ

පවන් සුසුම් දැලින් වෙළී ශෘංගාර රාවේ නොසංගා

නුවන් කොණින් සුපෙම් හැඟුම් නින්නාද නැංවූ තරංගා

සුසුම් ළඳුන් බිඟුන් මුවින් අනුරාග ගී රාව නංවා

ප්‍රසන්න වැව් තීරේ නැඟේ සංයෝග පෙම් ගී තරංගා

ගායනය - ඉන්ද්‍රානි පෙරේරා සමග දේවානන්ද වෛද්‍යසේකර

පද රචනය - ධර්මසිරි ගමගේ

තනුව හා සංගීතය - පණ්ඩිත් ඩබ්. ඩී. අමරදේව

තරංගා චිත්‍රපටියෙන් (1975)

සතුට විලයි සැපත මලයි

සතුට විලයි සැපත මලයි
නෙළුවොත් මල අතින් එකයි ...//
පමා වුනොත් මල පරවෙයි //
ඉරට යටින් හඳට යටින් //
කාලය පැන යනවා //

මළ ඊයෙට ඇයි අඬන්නේ
මොකටද හෙට ගැන හිතන්නේ ....//

කඳුළයි ඉකියයි ඇයි පිළිගන්නේ
සිනාව ආවම කොතැනද ඉන්නේ ...//

මල් කෙමියේ පැණි පෙරෙන්නේ
ජීවිතයේ රස තියෙන්නේ ....//

සතුට විලයි සැපත මලයි
නෙළුවොත් මල අතින් එකයි ...//
පමා වුනොත් මල පරවෙයි //
ඉරට යටින් හඳට යටින් //
කාලය පැන යනවා //

ගායනය - දේවානන්ද වෛද්‍යසේකර
පද රචනය - නිමල් වික්‍රමසේකර
තනුව / සංගීතය – ජයතිස්ස අලහකෝන්
දහසක් සිතුවිලි චිත්‍රපටියෙන්